തെഹ്‌റാന്‍: ആണവ നിര്‍വ്യാപന കരാറില്‍ (എന്‍.പി.ടി) നിന്ന് പിന്മാറാന്‍ ഇറാന്റെ നീക്കം. 1970 മുതല്‍ പ്രാബല്യത്തില്‍ വന്ന ആണവ നിര്‍വ്യാപന കരാറില്‍ നിന്ന് പിന്മാറാന്‍ ഇറാന്‍ പാര്‍ലമെന്റില്‍ ബില്‍ അവതരിപ്പിക്കുമെന്ന് ഇറാന്‍ വിദേശകാര്യ മന്ത്രാലയ വക്താവ് ഇസ്മാഈല്‍ ബാഗേയ് പറഞ്ഞു. 

പുതിയ സംഭവവികാസത്തിന്റെ പശ്ചാത്തലത്തില്‍ തങ്ങള്‍ ഉചിത തീരുമാനം കൈക്കൊള്ളുകയാണ്. യു.എന്‍ ആണവ ഏജന്‍സിയായ ഐ.എ.ഇ.എയുടെ മേല്‍നോട്ടത്തില്‍ ആണവോര്‍ജം സമാധാനപരമായ ആവശ്യത്തിന് ഉപയോഗിക്കാന്‍ അനുമതി നല്‍കുകയും ആണവ ബോംബുകള്‍ നിര്‍മിക്കാതെ നോക്കുകയുമാണ് കരാര്‍ കൊണ്ട് ലക്ഷ്യം വയ്ക്കുന്നത്. 
ആണവ നിരായൂധീനകരണത്തിന്റെയും സമ്പൂര്‍ണ ആഗോള നിരായൂധീകരണത്തിന്റെയും ലക്ഷ്യം നടപ്പാക്കുകയാണ് ആണവ നിര്‍വ്യാപന കരാര്‍ കൊണ്ട് ലക്ഷ്യമാക്കുന്നത്.

ആണവായുധങ്ങളുടെയും അനുബന്ധ സാങ്കേതിക വിദ്യകളുടെയും വ്യാപനം തടയുക എന്ന ലക്ഷ്യത്തോടെയാണ് കരാര്‍ കൊണ്ടുവന്നത്. അമേരിക്ക, റഷ്യ, ചൈന, ബ്രിട്ടന്‍, ഫ്രാന്‍സ് അല്ലാത്ത രാജ്യങ്ങള്‍ക്ക് ആണവായുധങ്ങള്‍ സ്വന്തമാക്കുന്നത് കരാര്‍ തടയുന്നുണ്ട്. ഇസ്‌റാഈല്‍ ആണവ നിര്‍വ്യാപന കരാറില്‍ അംഗമായ രാജ്യമല്ല. അവര്‍ക്ക് ആണവായുധം ഉണ്ടെന്നാണ് ഇറാന്‍ ആരോപിക്കുന്നത്. എന്നാല്‍ ഇസ്‌റാഈല്‍ തങ്ങളുടെ ആണവ ശേഷിയെ കുറിച്ച് ലോകത്തോട് ഒന്നും വെളിപ്പെടുത്തിയിട്ടില്ല.
തങ്ങള്‍ ആണവായുധം നിര്‍മിക്കില്ലെന്നാണ് ഇറാന്റെ നിലപാട്. 

ഇറാന്റെ പക്കല്‍ ആണവായുധം ഇല്ലെന്ന് ഈയിടെ യു.എസ് ഇന്റലിജന്‍സും അറിയിച്ചിരുന്നു. മതപരമായ വിലക്കുള്ളതിനാലാണ് തങ്ങള്‍ ആണവായുധം നിര്‍മിക്കാത്തതെന്നാണ് ഇറാന്‍ പരമോന്നത നേതാവ് ആയത്തുല്ല അലി ഖാംനഇ പറഞ്ഞതെന്ന് ഇറാന്‍ പ്രസിഡന്റ് മസൂദ് പെസ്ഷ്‌കിയാന്‍ പറഞ്ഞു.

Amid escalating tensions with Israel, Iran's parliament is reportedly considering withdrawal from the Nuclear Non-Proliferation Treaty (NPT) following Israeli strikes on its nuclear facilities. This move, prompted by security concerns, could have significant implications for global non-proliferation efforts and regional stability, with Iran citing the NPT's failure to ensure its security as a key reason