തിരുവനന്തപുരം: അഗ്നിരക്ഷാ മേധാവിയായ ഡി.ജി.പി യോഗേഷ്  ഗുപ്തയ്ക്ക് കേന്ദ്ര ആഭ്യന്തരമന്ത്രാലയം ആവശ്യപ്പെട്ട ക്ലിയറന്‍സ് സര്‍ട്ടിഫിക്കറ്റ് നല്‍കാതെ സംസ്ഥാന സർക്കാർ. സംസ്ഥാന സര്‍ക്കാര്‍ നിലപാടിൽ ഉന്നത പൊലിസ് ഉദ്യോഗസ്ഥർക്കിടയിൽ അതൃപ്തി പുകയുകയാണ്. മുഖ്യമന്ത്രിയുടെ പോര്‍ട്ടലില്‍ പരാതി നല്‍കിയിട്ടും യോഗേഷ് ഗുപ്തയ്ക്ക് നീതി ലഭിച്ചില്ല. യോഗേഷ് ഗുപ്തയുടെ പേരില്‍ കേസോ അന്വേഷണമോ ഉണ്ടോയെന്നത് സംബന്ധിച്ച സര്‍ട്ടിഫിക്കറ്റ് ഒന്നരമാസം മുമ്പാണ് ചീഫ് സെക്രട്ടറിയോട് ആവശ്യപ്പെട്ടത്. ഇക്കാര്യം ഓര്‍മിപ്പിച്ച് ഏഴുപ്രാവശ്യം കത്തയച്ചിട്ടും മറുപടി നല്‍കിയില്ല. തുടര്‍ന്ന് ചീഫ് സെക്രട്ടറിയെയും പൊലിസ് മേധാവിയെയും  നേരിട്ട് കണ്ടെങ്കിലും നടപടിയുണ്ടാകാതായതോടെ മുഖ്യമന്ത്രിക്ക് പരാതി നൽകിയതായും അറിയുന്നു. സാധാരണഗതിയില്‍ 10 ദിവസത്തിനുള്ളില്‍ നല്‍കേണ്ട സര്‍ട്ടിഫിക്കറ്റാണ് കാരണമൊന്നുമില്ലാതെ വൈകിപ്പിക്കുന്നത്. സര്‍ക്കാരിനുള്ള അനിഷ്ടമാണ് വൈകിപ്പിക്കലിന് പിന്നിലെന്നാണ് അറിയുന്നത്. ഗുപ്തയ്‌ക്കെതിരേ കേസോ അന്വേഷണമോ ഉണ്ടോയെന്നതില്‍ ചീഫ് സെക്രട്ടറി പൊലിസ് മേധാവിയില്‍നിന്ന് റിപ്പോര്‍ട്ട് വാങ്ങിയിരുന്നു.

സംസ്ഥാന പൊലിസ് മേധാവിയാകാനുള്ള സാധ്യതാപട്ടികയിൽ യോഗേഷ് ഗുപ്തയുണ്ട്.  കണ്ണൂര്‍ ജില്ലാ പഞ്ചായത്ത് മുന്‍ പ്രസിഡന്റ് പി.പി ദിവ്യയ്‌ക്കെതിരേ ഉയര്‍ന്ന ആരോപണത്തില്‍ കേസെടുക്കണമെന്ന് അദ്ദേഹം നിര്‍ദേശിച്ചിരുന്നത് അടക്കം പാര്‍ട്ടിയുടെ അപ്രീതിക്ക് ഇരയായതോടെയാണ് പ്രതികാര നടപടികളെന്നാണ് അറിയുന്നത്.

The Kerala government is under scrutiny for refusing to issue a clearance certificate requested by the Centre for Fire and Rescue Services DGP Yogesh Gupta, despite repeated reminders and a complaint lodged with the Chief Minister. The delay is allegedly linked to CPM's resentment over Gupta's past recommendations for probes into financial irregularities involving political figures, fueling accusations of vindictive action by the state against the officer eyed for senior central agency roles.