ലക്‌നൗ: ഉത്തര്‍പ്രദേശിയില്‍ പട്ടികജാതിക്കാരെ മതംമാറ്റിയെന്ന ആരോപണത്തില്‍ മലയാളി പാസ്റ്റര്‍ അറസ്റ്റില്‍. സാഹിബാബാദില്‍ താമസിക്കുന്ന വിനോദ് കുഞ്ഞുമോനെയാണ് ഗാസിയാബാദ് പൊലിസ് അറസ്റ്റ് ചെയ്തത്. ബജ്‌റംഗ്ദള്‍ പ്രവര്‍ത്തകന്റെ പരാതിയിലാണ് നടപടി. 

പട്ടികജാതി വിഭാഗക്കാരെ പ്രലോഭിപ്പിച്ച് മതപരിവര്‍ത്തനം നടത്തിയെന്നാണ് വിനോദിനും, രാഹുല്‍ വിഹാറില്‍ താമസിക്കുന്ന പ്രേംചന്ദ് ജാതവിനും എതിരെ കുറ്റം ചുമത്തിയിട്ടുള്ളത്. എന്നാല്‍ മതപരിവര്‍ത്തനം നടന്നിട്ടില്ലെന്നാണ് അയല്‍വാസികള്‍ നല്‍കുന്ന മൊഴി. ജാതവിന്റെ വീട്ടില്‍ ഞായറാഴ്ച്ചകളില്‍ പ്രാര്‍ഥന മാത്രമേ നടക്കാറുള്ളുവെന്നും അയല്‍വാസികള്‍ പറഞ്ഞതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. പാസ്റ്റര്‍ വിനോദ് മതപരിവര്‍ത്തനം നടത്തിയെന്ന് തെളിയിക്കുന്നതിന് ആവശ്യമായ തെളിവൊന്നും ഇതുവരെ ലഭിച്ചിട്ടില്ലെന്ന് എസിപി പ്രീയര്‍ഷി പാലും പറഞ്ഞതായി ദ ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്തു.

ALSO READ: ഇസ്‌റാഈല്‍-ഇറാന്‍ സംഘര്‍ഷം: യുഎഇയില്‍ നിന്ന് ഇന്ത്യയിലേക്കുള്ള വിമാനങ്ങള്‍ റദ്ദാക്കുന്നത് തുടരുന്നു; ദുരിതത്തിലായി ആയിരങ്ങള്‍ 

പ്രേംചന്ദ് വര്‍ഷങ്ങള്‍ക്ക് മുന്‍പ് ക്രിസ്തു മതത്തിലേക്ക് മതപരിവര്‍ത്തനം നടത്തിയ വ്യക്തിയാണ്. പണം വാങ്ങി മതപരിവര്‍ത്തനം നടത്താന്‍ പാസ്റ്റര്‍ വിനോദിന് ഇയാള്‍ സഹായം ചെയ്‌തെന്നാണ് ബജ്‌റംഗ്ദള്‍ ആരോപിക്കുന്നത്. 
പരാതിക്ക് പിന്നാലെ പ്രാര്‍ഥന നടന്ന പ്രേംചന്ദിന്റെ കെട്ടിടം അടച്ചുപൂട്ടുകയും, ഗേറ്റുകള്‍ തകര്‍ക്കുകയും ചെയിതിട്ടുണ്ട്. 

ഉത്തര്‍പ്രദേശ് മതപരിവര്‍ത്തന നിരോധന നിയമത്തിലെ വിവിധ വകുപ്പുകള്‍ക്ക് പുറമെ ഭാരതീയ ന്യായ് സംഹിതയിലെ ചില വകുപ്പുകളും പാസ്റ്ററിനെതിരെ ചുമത്തിയിട്ടുണ്ട്. 

Uttar Pradesh, a Malayali pastor has been arrested on charges of religious conversion of Scheduled Caste individuals. Vinod Kunjumon, a resident of Sahibabad, was arrested by the Ghaziabad police following a complaint lodged by a Bajrang Dal activist.