റിയാദ്: തീര്‍ഥാടകര്‍ക്കുള്ള ഗതാഗത സേവന ബാധ്യതകള്‍ നിറവേറ്റുന്നതില്‍ മദീനയില്‍ പ്രവര്‍ത്തിക്കുന്ന ഏഴ് ഉംറ കമ്പനികളുടെ ലൈസന്‍സ് സഊദി ഹജ്ജ്, ഉംറ മന്ത്രാലയം താല്‍ക്കാലികമായി സസ്‌പെന്റ് ചെയ്തതായി സഊദി പ്രസ് ഏജന്‍സി റിപ്പോര്‍ട്ട് ചെയ്തു.

ALSO READ: വ്യക്തിഗത രേഖകള്‍ സുരക്ഷിതമായി സൂക്ഷിക്കുക: ഉംറ തീര്‍ത്ഥാടകരോട് സഊദി അറേബ്യ

നിയമലംഘനം നടത്തിയ കമ്പനികളുടെ പ്രവര്‍ത്തനം നിര്‍ത്തിവച്ച മന്ത്രാലയം, ഇവരുടെ ചതിയില്‍പ്പെട്ട തീര്‍ഥാടകര്‍ക്ക് ബദല്‍ ഗതാഗത സൗകര്യങ്ങള്‍ ഒരുക്കുന്നതിനായി കമ്പനികളുടെ ബാങ്ക് ഗ്യാരണ്ടികള്‍ ലിക്വിഡേറ്റ് ചെയ്യുകയും ചെയ്തു. മന്ത്രാലയവുമായുള്ള കരാര്‍ വ്യവസ്ഥകള്‍ ലംഘിച്ചതും അംഗീകൃത സേവന ഷെഡ്യൂളുകള്‍ പാലിക്കുന്നതില്‍ പരാജയപ്പെട്ടതുമാണ് പ്രധാന നിയമലംഘനങ്ങള്‍.

തീര്‍ഥാടകര്‍ക്കും സന്ദര്‍ശകര്‍ക്കും നല്‍കുന്ന സേവനങ്ങളുടെ ഗുണനിലവാരം ഉയര്‍ത്താനുള്ള സഊദി അറേബ്യയുടെ ശ്രമങ്ങളുടെ ഭാഗമായാണ് നടപടി. സഊദി വിഷന്‍ 2030ന്റെ ലക്ഷ്യങ്ങളുമായി യോജിച്ച്, തീര്‍ഥാടനത്തിന്റെ എല്ലാ ഘട്ടങ്ങളിലും ആത്മീയ യാത്ര മെച്ചപ്പെടുത്താന്‍ ലക്ഷ്യമിടുന്നു.

തീര്‍ഥാടകരുടെ അവകാശ സംരക്ഷണം

സേവന മാനദണ്ഡങ്ങള്‍ ഉയര്‍ത്തിപ്പിടിക്കേണ്ടതിന്റെയും കരാര്‍ ബാധ്യതകള്‍ നിറവേറ്റേണ്ടതിന്റെയും പ്രാധാന്യം മന്ത്രാലയം ഊന്നിപ്പറഞ്ഞു. തീര്‍ഥാടകരുടെ അവകാശങ്ങള്‍ സംരക്ഷിക്കാനും അവരുടെ സുരക്ഷയും സൗകര്യവും ഉറപ്പാക്കാനുമുള്ള പ്രതിബദ്ധത മന്ത്രാലയം ആവര്‍ത്തിച്ചു.

ALSO READ: 'അവൻ മകനെപ്പോലെ, എൻ്റെ മരണം വരെ കുടുംബത്തിന് ശമ്പളം അയച്ചുകൊടുക്കും '; റിയാദിൽ എസി പൊട്ടിത്തെറിച്ചു മരിച്ച പറവൂർ സ്വദേശി സിയാദിൻ്റെ ഖബറടക്ക ചടങ്ങിൽ വിങ്ങിപ്പൊട്ടി സ്പോൺസർ

കര്‍ശന നയം

സേവന ബാധ്യതകളുടെ ലംഘനത്തിന് ഒരു വിട്ടുവീഴ്ചയും അനുവദിക്കില്ലെന്ന് മന്ത്രാലയം വ്യക്തമാക്കി. എല്ലാ ഉംറ ഓപ്പറേറ്റര്‍മാരോടും നിയമങ്ങള്‍ കര്‍ശനമായി പാലിക്കാനും സേവന ഷെഡ്യൂളുകള്‍ നിലനിര്‍ത്താനും ഉയര്‍ന്ന നിലവാരത്തിലുള്ള പ്രൊഫഷണല്‍ സേവനങ്ങള്‍ ഉറപ്പാക്കാനും മന്ത്രാലയം ആഹ്വാനം ചെയ്തു.

The Saudi Ministry of Hajj and Umrah has suspended seven companies for failing to provide adequate transportation services to pilgrims. Strict action aims to ensure smooth Hajj operations.