മസ്‌കത്ത്: മനുഷ്യക്കടത്ത് കേസില്‍ മസ്‌കത്തില്‍ ഒരു ഒമാനി പൗരനും രണ്ട് ഈജിപ്ഷ്യന്‍ നിവാസികളും അറസ്റ്റിലായതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.

ALSO READ: ജോർദാനിലേക്കുള്ള സർവീസ് നിർത്തിവച്ചു ഒമാൻ എയർ | Oman Air Service

മനുഷ്യക്കടത്ത് തടയാനുള്ള ശ്രമങ്ങളുടെ ഭാഗമായി, മസ്‌കത്ത് ഗവര്‍ണറേറ്റ് പൊലിസ് കമാന്‍ഡും സ്‌പെഷ്യല്‍ ടാസ്‌ക്‌ഫോഴ്‌സ് പൊലിസ് കമാന്‍ഡും ചേര്‍ന്നാണ് അറസ്റ്റ് നടത്തിയതെന്ന് റോയല്‍ ഒമാന്‍ പൊലിസ് (ROP) സ്ഥിരീകരിച്ചു.

'മനുഷ്യക്കടത്ത് കുറ്റം ചുമത്തി ഒരു ഒമാനി പൗരനും രണ്ട് ഈജിപ്ഷ്യന്‍ പൗരന്മാരും ഉള്‍പ്പെടെ മൂന്ന് പേരെ അറസ്റ്റ് ചെയ്തു,' റോയല്‍ ഒമാന്‍ പൊലിസ് പ്രസ്താവനയില്‍ വ്യക്തമാക്കി.

പ്രതികളെ കൂടുതല്‍ അന്വേഷണത്തിനായി പബ്ലിക് പ്രോസിക്യൂഷന് കൈമാറി.

ALSO READ: ഒമാൻ: ആദായ നികുതി റിട്ടേണുകൾ ലൈസൻസുള്ള ഓഡിറ്റർമാർ അംഗീകരിക്കണം

ഒമാനിലെ മനുഷ്യക്കടത്ത് വിരുദ്ധ നിയമപ്രകാരം, കുറ്റവാളികള്‍ക്ക് 7 മുതല്‍ 15 വര്‍ഷം വരെ തടവും 100,000 ഒമാനി റിയാല്‍ വരെ പിഴയും ലഭിക്കും. നിയമം നടപ്പിലാക്കുന്നതിലും ദുര്‍ബല വിഭാഗങ്ങളെ സംരക്ഷിക്കുന്നതിലും അധികാരികള്‍ പ്രതിബദ്ധത ഉറപ്പിച്ചു. മനുഷ്യക്കടത്തില്‍ ഏര്‍പ്പെടുന്നവര്‍ക്കെതിരെ കര്‍ശന നടപടി സ്വീകരിക്കുമെന്നും അധികൃതര്‍ മുന്നറിയിപ്പ് നല്‍കി.

Omani authorities have arrested three individuals in a human trafficking case. All were convicted and sentenced to 15 years in prison as part of ongoing anti-trafficking efforts.