അബൂദബി: മുഹമ്മദ് ബിന്‍ സായിദ് സിറ്റിയി (എം.ബി.ഇസെഡ്)ലെ അല്‍ റുഹ സ്ട്രീറ്റില്‍ പുതിയ ഹൈപ്പര്‍ മാര്‍ക്കറ്റ് തുറന്ന് ലുലു. ജി.സി.സിയില്‍ റീട്ടെയ്ല്‍ സാന്നിധ്യം കൂടുതല്‍ വിപുലമാക്കുന്നതിന്റെ ഭാഗമായാണ് എം.ബി.ഇസെഡ് സിറ്റിയിലെ പുതിയ ഹൈപര്‍ മാര്‍ക്കറ്റ്. ലുലു ഗ്രൂപ് ചെയര്‍മാന്‍ എം.എ യൂസഫലിയുടെ സാന്നിധ്യത്തില്‍ സായിദ് സിറ്റി മുനിസിപ്പാലിറ്റി സെന്റര്‍ ഡയരക്ടര്‍ എന്‍ജി. മുഹമ്മദ് അബ്ദുല്ല അല്‍ ഹുസനി ഉദ്ഘാടനം നിര്‍വഹിച്ചു.

യു.എ.ഇയുടെ വിഷന്‍ 2030ന് പിന്തുണ നല്‍കുന്നതാണ് എം.ബി.ഇസെഡ് സിറ്റിയിലെ പുതിയ ലുലു ഹൈപര്‍ മാര്‍ക്കറ്റെന്നും ആഗോള ഷോപ്പിങ് സേവനം യു.എ.ഇയുടെ കൂടുതല്‍ മേഖലകളിലേക്ക് കൂടി ലഭ്യമാക്കുകയാണ് ലുലുവെന്നും യൂസഫലി പറഞ്ഞു. ജി.സി.സിയിലെ ലുലു റീടെയിലിന്റെ 256ാമത്തെ സ്റ്റോറാണ് എം.ബി.ഇസെഡിലേത്. അബൂദബിയില്‍ മാത്രം 18 പുതിയ സ്റ്റോറുകള്‍ കൂടി തുറക്കുമെന്നും അദ്ദേഹം പറഞ്ഞു.

 

Photo: മുഹമ്മദ് ബിന്‍ സായിദ് സിറ്റിയിലെ അല്‍ റുഹ സ്ട്രീറ്റില്‍ പുതിയ ലുലു ഹൈപര്‍ മാര്‍ക്കറ്റ് ഉദ്ഘാടനം ലുലു ഗ്രൂപ് ചെയര്‍മാന്‍ എം.എ യൂസഫലിയുടെ സാന്നിധ്യത്തില്‍ സായിദ് സിറ്റി മുനിസിപ്പാലിറ്റി സെന്റര്‍ ഡയരക്ടര്‍ എന്‍ജി.മുഹമ്മദ് അബ്ദുല്ല അല്‍ ഹുസനി നിര്‍വഹിക്കുന്നു. സെയ്ഫി രൂപാവാല, സലിം എം.എ, അബൂബക്കര്‍, അജയ് കുമാര്‍ സമീപം

125,000 സ്‌ക്വയര്‍ ഫീറ്റിലുള്ള ലുലു ഹൈപര്‍ മാര്‍ക്കറ്റ് ലോകോത്തര ഷോപ്പിങ് അനുഭവമാണ് സമ്മാനിക്കുന്നത്. ഉപയോക്താകള്‍ക്കായി ഗ്രോസറി, ഫ്രഷ് ഫുഡ്, ഹോട്ട് ഫുഡ് ബേക്കറി, മത്സ്യംഇറച്ചി ലൈവ് കൗണ്ടറുകള്‍ അടക്കം ഒരുക്കിയിട്ടുണ്ട്. ഫാഷന്‍ ഉത്പന്നങ്ങളുടെയും തുണിത്തരങ്ങളുടെയും വിപുലമായ ശേഖരവുമായി ലുലു ഫാഷന്‍ സ്റ്റോറും, ഇലക്ട്രോണിക്‌സ് ഹോം അപ്ലെയന്‍സസ് ഉത്പന്നങ്ങളുടെ വൈവിധ്യമാര്‍ന്ന ശേഖരവുമായി ലുലു കണക്ടും മികച്ച ഷോപ്പിങ് അനുഭവമാണ് സമ്മാനിക്കുന്നത്.

യു.എ.ഇയിലെ പ്രാദേശിക ഉത്പന്നങ്ങളുടെയും ഇരുപതിലധികം രാജ്യങ്ങളില്‍ നിന്നുള്ള വിപുലമായ ഉത്പന്നങ്ങളുടെയും ശേഖരവും ലുലുവില്‍ ഒരുക്കിയിട്ടുണ്ട്. ഷോപ്പിങ്ങ് കൂടുതല്‍ സുഗമമാക്കാന്‍ സെല്‍ ചെക്ക് ഔട്ട് കൗണ്ടറുകളും, ഇരുന്നൂറോളം കാറുകള്‍ക്കുള്ള പാര്‍ക്കിംഗ് സൗകര്യവും സജ്ജമാണ്.
ലുലു ഗ്രൂപ് സി.ഇ.ഒ സെയ്ഫി രൂപാവാല, ലുലു ഗ്ലോബല്‍ ഓപറേഷന്‍സ് ഡയരക്ടര്‍ സലിം എം.എ, ലുലു അബൂദബി ഡയരക്ടര്‍ അബൂബക്കര്‍, റീജിയണല്‍ ഡയരക്ടര്‍ അജയ് കുമാര്‍ എന്നിവരും ഉദ്ഘാടന ചടങ്ങില്‍ സംബന്ധിച്ചു.

Lulu has opened a new hypermarket on Al Ruha Street in Mohammed Bin Zayed City (MBZ). The new hypermarket in MBZ City is part of the company's efforts to further expand its retail presence in the GCC. The inauguration was performed by Eng. Muhammad Abdullah Al Husani, Director of Zayed City Municipality Center, in the presence of Lulu Group Chairman M.A. Yusufali.