ലീഡ്‌സ്: ഇംഗ്ലണ്ടിനെതിരേയുള്ള ഒന്നാം ടെസ്റ്റിന്റെ അവസാനദിനം എതിരാളികളെ എറിഞ്ഞിടാമെന്ന വിശ്വാസത്തിൽ ഇന്ത്യ. രണ്ടാം ഇന്നിങ്‌സിൽ കെ.എൽ രാഹുലിന്റെയും ഋഷഭ് പന്തിന്റെയും സെഞ്ചുറിയുടെ കരുത്തിൽ 371 റൺസിന്റെ വിജയലക്ഷ്യമാണ് ഇന്ത്യ ഇംഗ്ലണ്ടിന് മുന്നിൽ വെച്ചത്. മറുപടിക്കിറങ്ങിയ ഇംഗ്ലണ്ട് വിക്കറ്റ് നഷ്ടപ്പെടാതെ 21 റൺസ് നേടിയിട്ടുണ്ട്.

രണ്ട് വിക്കറ്റ് നഷ്ടത്തിൽ 90 റൺസ് എന്ന നിലയിലായിരുന്നു ഇന്ത്യ നാലാം ദിനം ബാറ്റിങ് തുടങ്ങിയത്. ക്യാപ്റ്റൻ ശുഭ്മാൻ ഗില്ലും കെ.എൽ രാഹുലുമായിരുന്നു ക്രീസിലുണ്ടായിരുന്നത്. എന്നാൽ സ്‌കോർ 92ൽ എത്തിയപ്പോഴേക്കും ഇന്ത്യയുടെ മൂന്നാം വിക്കറ്റ് വീണു. 16 പന്തിൽ എട്ടു റൺസുമായി ശുഭ്മാൻ ഗില്ലായിരുന്നു മടങ്ങിയത്. ബ്രൈഡൺ കാർസെയുടെ പന്തിൽ ബൗൾഡായിട്ടാണ് പുറത്തായത്. പിന്നീട് ക്രീസിലൊരുമിച്ച കെ.എൽ രാഹുൽ ഋഷഭ് പന്ത് സഖ്യമാണ് ഇന്ത്യക്ക് മികച്ച സ്‌കോർ സംഭാവന ചെയ്തത്. ആദ്യ ഇന്നിങ്‌സിൽ സെഞ്ചുറി നേടിയ പന്ത് രണ്ടാം ഇന്നിങ്‌സിലും മികച്ച പ്രകടനത്തിലൂടെ സെഞ്ചുറി നേടി. 140 പന്ത് ക്രീസിൽ നിന്ന പന്ത് മൂന്ന് സിക്‌സറും 15 ഫോറും ഉൾപ്പെടെ 118 റൺസ് നേടിയായിരുന്നു മൈതാനംവിട്ടത്. ഷോയിബ് ബഷീറിന്റെ പന്തിൽ സാക് ക്രൗളിയായിരുന്നു പന്തിനെ പിടിച്ചു പുറത്താക്കിയത്. പിന്നീട് കരുൺ നായരായിരുന്നു ക്രീസിലെത്തിയത്. അപ്പോഴേക്കും കെ.എൽ രാഹുലും സെഞ്ചുറിയിലേക്ക് കുതിച്ചിരുന്നു. 247 പന്ത് ക്രീസിൽ നേരിട്ട രാഹുൽ 137 റൺസ് നേടിയാണ് കളംവിട്ടത്. 18 ഫോറുകളുടെ അകമ്പടിയോടെയായിരുന്നു രാഹുൽ 137 റൺസ് കണ്ടെത്തിയത്. ഒടുവിൽ ബ്രൈഡൻ കാർസെയുടെ പന്തിൽ ബൗൾഡായി മടങ്ങി. പിന്നീട് കൃത്യമായ ഇടവേളകളിൽ ഇന്ത്യയുടെ വിക്കറ്റുകൾ നഷ്ടപ്പെട്ട് കൊണ്ടിരുന്നു. കരുൺ നായരും രവീന്ദ്ര ജഡേജയും ക്രീസിൽ ഒരുമിച്ചെങ്കിലും ഈ കൂട്ടുകെട്ട് അധികം നീണ്ടില്ല. 54 പന്തിൽ 20 റൺസ് നേടിയ കരുൺ ക്രിസ് വോക്‌സിന് റിട്ടേൺ ക്യാച്ച് നൽകി മടങ്ങി. പിന്നീട് ശർദുൽ താക്കൂർ കളത്തിലെത്തി. എന്നാൽ താരവും പെട്ടെന്ന മടങ്ങി. 12 പന്കിൽ നാലു റൺസ് മാത്രമാണ് നേടിയത്. ശേഷം മുഹമ്മദ് സിറാജിന്റെ ഊഴമായിരുന്നു. എന്നാൽ ആദ്യ പന്തിൽ തന്നെ സിറാജിന് മടങ്ങാനായിരുന്നു വിധി. പിന്നീട് ബുംറ എത്തിയെങ്കിലും രണ്ടാം പന്തിൽ ജോഷ് ടങ്ങിന്റെ പന്തിൽ മടങ്ങി. പിന്നീട് ജഡേജക്ക് കൂട്ടായി പ്രസിദ് കൃഷ്ണ 11 പന്ത് ക്രീസിൽ നിലയുറപ്പിച്ചു. ഇംഗ്ലണ്ടിനായി ബ്രൈഡൻ കാർസെ, ജോഷ് ടങ് എന്നിവർ മൂന്ന് വിക്കറ്റ് വീതം വീഴ്ത്തി. ഷോയിബ് ബഷീർ രണ്ട് വിക്കറ്റ് നേടിയപ്പോൾ ക്രിസ് വോക്‌സ്, ബെൻ സ്‌റ്റോക്‌സ് എന്നിവർ ഓരോ വിക്കറ്റും വീഴ്ത്തി.

India has set a challenging target of 371 runs for England in the first Test match, thanks to KL Rahul's 137 and Rishabh Pant's century-scoring brilliance. Pant became the second wicketkeeper in Test history to score centuries in both innings of a match. England has begun their chase, reaching 21 runs without losing any wickets on the fourth day, and will need to score 350 more runs on the final day to win ¹.