മലപ്പുറം: നിലമ്പൂര്‍ ഉപതെരഞ്ഞെടുപ്പി തോല്‍വിക്ക് പിന്നാലെ എല്‍ഡിഎഫ് സ്ഥാനാര്‍ഥി എം സ്വരാജ് ഫേസ്ബുക്കിലിട്ട പോസ്റ്റ് വൈറലാവുന്നു. തിരഞ്ഞെടുപ്പിലെ എല്‍ഡിഎഫ് പരാജയം ഏറ്റവും കൂടുതല്‍ ആഘോഷിക്കുന്നത് സംഘപരിവാരമാണെന്ന് സ്വരാജ് പറയുന്നു. ബിജെപി സ്ഥാനാര്‍ഥി താമര അടയാളത്തില്‍ മത്സരിച്ച് തോറ്റെങ്കിലും ആര്‍എസ്എസും, സംഘപരിവാര ഗണങ്ങളും ആഘോഷ തിമിര്‍പ്പിലാണ്. 

 

എല്‍ഡിഎഫിന്റെ പതനത്തില്‍ സംഘപരിവാരത്തിന് പുറമെ ജമാഅത്ത് ഇസ്ലാമിയും ഒരു പോലെ കൈയ്യടിക്കുയാണെന്നും സ്വരാജ് കുറിച്ചു. സകല വര്‍ഗീയ തീവ്രവാദികളും ഒരുമിച്ച് ആക്രമിക്കുന്നുണ്ടെങ്കില്‍ അതിനേക്കാള്‍ വലിയ ആഹ്ലാദവും അഭിമാനവും വേറെയില്ലെന്നും സ്വരാജ് പറഞ്ഞു. 

 

 

 

പരാജയത്തിനിടയിലും ചില ആഹ്ലാദങ്ങള്‍..... 

തിരഞ്ഞെടുപ്പിലെ എല്‍ഡിഎഫിന്റെ പരാജയത്തിനുശേഷം  ശ്രദ്ധയില്‍പ്പെട്ട പ്രതികരണങ്ങളില്‍ ചിലത് ഏറെ ആഹ്ലാദിപ്പിക്കുന്നതാണ്. 

LDFന്റെ പരാജയത്തില്‍ ഏറ്റവും കൂടുതല്‍ ആഘോഷിക്കുന്നത് സംഘപരിവാരമാണ്.

 

വര്‍ഗീയവിഷ വിതരണക്കാരി മുതല്‍ RSS ന്റെ കൂലിപ്പണി നിരീക്ഷകര്‍ വരെ സകല വര്‍ഗീയവാദികളും ഇക്കൂട്ടത്തിലുണ്ട്. 

 

RSS ന്റെ സ്വന്തം സ്ഥാനാര്‍ത്ഥി താമര അടയാളത്തില്‍ മത്സരിച്ച് കെട്ടിവെച്ച കാശ് നഷ്ടപ്പെട്ടിട്ടും സംഘപരിവാരം ആഘോഷിച്ചു തകര്‍ക്കുകയാണ് ??. 

ഇക്കാര്യത്തില്‍ സംഘപരിവാരത്തിനൊപ്പം ജമാഅത്തെ ഇസ്ലാമിയുമുണ്ട് . സംഘപരിവാര നിലവാരത്തില്‍ ആക്ഷേപവും പരിഹാസവും നുണയും ചേര്‍ത്ത് LDF പരാജയം അവരും ആഘോഷിക്കുന്നു. 

 

LDFന്റെ പരാജയം / UDF വിജയം തങ്ങള്‍ക്കു കൂടി ആഘോഷിക്കാനുള്ളതാണെന്ന് സംഘപരിവാരവും ഇസ്ലാമിക സംഘപരിവാരവും ഒരുമിച്ച് തെളിയിക്കുന്നു.

 

ഒരു കമ്യൂണിസ്റ്റ് എന്ന നിലയില്‍

തിരഞ്ഞെടുപ്പില്‍  പരാജയപ്പെടുമ്പോഴും ആഹ്ലാദിക്കാന്‍ ഇതില്‍പരം എന്തു വേണം .

 

ഒരേ സമയം ഹിന്ദുത്വ താലിബാനും

ഇസ്ലാമിക സംഘപരിവാരവും കൈകോര്‍ത്തു നിന്ന്  അക്രമിക്കുന്നുവെങ്കില്‍ ,

സകല നിറത്തിലുമുള്ള വര്‍ഗ്ഗീയ ഭീകരവാദികള്‍ ഒരുമിച്ച് അക്രമിക്കുന്നുവെങ്കില്‍ 

അതിനേക്കാള്‍ വലിയ ആഹ്ലാദവും അഭിമാനവും വേറെയില്ല.