ജയ്പൂർ: രാജസ്ഥാനിലെ ഉദയ്പൂരിൽ ഫ്രഞ്ച് വിനോദസഞ്ചാരിയെ ഫ്ലാറ്റിലേക്ക് കൊണ്ടുപോയി ബലാത്സംഗം ചെയ്തതായി പരാതി. പാർട്ടിക്കിടെ പരിചയപ്പെട്ട ഒരു യുവാവ് മനോഹരമായ കാഴ്ചകൾ കാണിക്കാമെന്ന് വാഗ്ദാനം ചെയ്ത് യുവതിയെ വാടക ഫ്ലാറ്റിലേക്ക് കൂട്ടിക്കൊണ്ടുപോയതായി പൊലീസ് വ്യക്തമാക്കി.

ജൂൺ 22-ന് ഡൽഹിയിൽ നിന്ന് ഉദയ്പൂരിലെത്തിയ യുവതി, അംബമത പ്രദേശത്തെ ഹോട്ടലിൽ താമസിക്കുകയായിരുന്നു. തിങ്കളാഴ്ച രാത്രി ടൈഗർ ഹിൽസിന് സമീപമുള്ള ദി ഗ്രീക്ക് ഫാം കഫേ ആൻഡ് റെസ്ട്രോയിൽ നടന്ന പാർട്ടിയിൽ പങ്കെടുക്കവെ പ്രതിയെ കണ്ടുമുട്ടി. ഹോട്ടലിലേക്ക് മടങ്ങാൻ യുവതി ആവർത്തിച്ച് ആവശ്യപ്പെട്ടെങ്കിലും, പ്രതി അവരെ ഫ്ലാറ്റിലേക്ക് കൊണ്ടുപോയി.

ഫോണിന്റെ ചാർജ് തീർന്നതിനാൽ യുവതിക്ക് സഹായത്തിനായി ആരെയും വിളിക്കാൻ കഴിഞ്ഞില്ല. ഫ്ലാറ്റിനുള്ളിൽ വെച്ച് പ്രതി ആലിംഗനം ആവശ്യപ്പെട്ടു, വിസമ്മതിച്ചപ്പോൾ ബലാത്സംഗം ചെയ്തതായി എഫ്ഐആറിൽ പറയുന്നു.

സംഭവത്തിന് ശേഷം യുവതിയെ സ്വകാര്യ ആശുപത്രിയിൽ പ്രവേശിപ്പിച്ചു. ആശുപത്രി ജീവനക്കാരോടാണ് യുവതി പീഡനവിവരം വെളിപ്പെടുത്തിയത്. പ്രതിയെ കണ്ടെത്തി അറസ്റ്റ് ചെയ്യാൻ പൊലീസ് തീവ്രശ്രമം നടത്തിവരികയാണ്.

A French tourist was raped in Udaipur, Rajasthan, after being lured to a rented flat with promises of scenic views. The incident occurred after meeting the accused at a party in The Greek Farm Café near Tiger Hills. The victim, unable to call for help due to a dead phone, was hospitalized. Police are actively searching for the suspect.