കോപ്പന്‍ഹേഗന്‍: അനധികൃത ഇസ്‌റാഈലി സെറ്റില്‍മെന്റുകളുമായി ബന്ധമുള്ള കമ്പനികള്‍ക്കൊപ്പം പ്രവര്‍ത്തിക്കില്ലെന്ന് പ്രഖ്യാപിച്ച് ഡാനിഷ് ഷിപ്പിങ് ഭീമന്‍ മേഴ്‌സ്‌ക്. ഈ കമ്പനികളുടെ ഓഹരികള്‍ മെഴ്സ്‌ക് വിറ്റഴിക്കാനൊരുങ്ങുന്നതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു. 

അധിനിവേശത്തില്‍ നിന്ന് ലാഭം നേടുന്ന കമ്പനികളുമായുള്ള ബന്ധം വിച്ഛേദിക്കണമെന്ന് മാസങ്ങളായി ഫലസ്തീന്‍ അനുകൂല പ്രവര്‍ത്തകര്‍ മേഴ്സ്‌കിന് മേല്‍ സമ്മര്‍ദം ചെലുത്തിക്കൊണ്ടിരിക്കുകയാണ്. ഇതിനിടെയാണ് പ്രഖ്യാപനം വന്നിരിക്കുന്നത്. ഏതാക്കെ കമ്പനികളുമായി സഹകരിച്ചാണ് പ്രവര്‍ത്തനം അവസാനിപ്പിക്കുന്നതെന്ന് കമ്പനി വെളിപെടുത്തിയിട്ടില്ല. എന്നാല്‍ തീരുമാനം സ്ഥിരീകരിച്ചിട്ടുണ്ട്. ഇസ്‌റാഈലുമായി പ്രവര്‍ത്തിക്കുന്നത് നിര്‍ത്തണമെന്ന് ആഹ്വാനം ചെയ്തിരുന്ന പ്രവര്‍ത്തകര്‍ നടപടിയെ സ്വാഗതം ചെയ്തു.

ALSO READ: ട്രംപിന്റെ അവകാശവാദങ്ങള്‍ പൊളിഞ്ഞു, ഇറാന്റെ ആണവ കേന്ദ്രങ്ങള്‍ നശിപ്പിക്കാന്‍ യു.എസിന് കഴിഞ്ഞിട്ടില്ലെന്ന് പെന്റഗണ്‍ റിപ്പോര്‍ട്ട്

അന്താരാഷ്ട്ര നിയമങ്ങള്‍ക്ക് വിരുദ്ധമായുള്ള ഇസ്‌റാഈലി സെറ്റില്‍മെന്റുകളില്‍ പ്രവര്‍ത്തിക്കുന്ന കമ്പനികളുടെ പേരുകള്‍ ഐക്യരാഷ്ട്രസഭ നേരത്തെ പുറത്തുവിട്ടിരുന്നു. ഈ കമ്പനികളുമായുള്ള തങ്ങളുടെ ബന്ധം ഉപേക്ഷിക്കാനും ഐക്യരാഷ്ട്രസഭയുടെ മനുഷ്യാവകാശ ഹൈക്കമ്മീഷണറുടെ മാര്‍ഗനിര്‍ദേശങ്ങള്‍ പാലിക്കാനും തീരുമാനിച്ചതായി മേഴ്സ്‌ക് തങ്ങളുടെ പ്രസ്താവനയില്‍ അറിയിക്കുന്നു.

 നിയമവിരുദ്ധ കുടിയേറ്റങ്ങളെ പിന്തുണക്കുന്ന സേവനങ്ങള്‍, അവര്‍ക്ക് ഉപകരണങ്ങള്‍ അല്ലെങ്കില്‍ സാമ്പത്തിക സഹായം നല്‍കുക തുടങ്ങിയ പ്രവര്‍ത്തനങ്ങളില്‍ ഉള്‍പ്പെട്ടിരിക്കുന്ന കമ്പനികളെയാണ് ഡാറ്റാബേസില്‍ ഐക്യരാഷ്ട്രസഭയുടെ മനുഷ്യാവകാശ ഹൈക്കമ്മീഷണറുടെ ഓഫിസ് ലിസ്റ്റ് ചെയ്തിരിക്കുന്നത്. 

അധിനിവേശ വെസ്റ്റ് ബാങ്കിലുടനീളം ഇസ്‌റാഈല്‍ നൂറിലധികം വാസസ്ഥലങ്ങള്‍ നിര്‍മ്മിച്ചിട്ടുണ്ട്, അവയില്‍ ഏകദേശം 500,000 കുടിയേറ്റക്കാര്‍ താമസിക്കുന്നു. അന്താരാഷ്ട്ര നിയമപ്രകാരം  ചെറിയ ഔട്ട്പോസ്റ്റുകള്‍ മുതല്‍ ആധുനിക അടിസ്ഥാന സൗകര്യങ്ങളുള്ള വലിയ സമൂഹങ്ങള്‍ വരെ നിയമവിരുദ്ധമായ ഈ വാസസ്ഥലങ്ങളില്‍ ഉള്‍പ്പെടുന്നു.

Danish shipping giant Maersk announces it will no longer work with companies connected to illegal Israeli settlements. The move follows months of pressure from pro-Palestinian activists demanding ethical investment practices.