ഗൂഡല്ലൂര്‍: ഓവാലി പഞ്ചായത്തിലെ ചൂണ്ടിയില്‍ കാട്ടാനക്കൂട്ടം പരിഭ്രാന്തി പരത്തുന്നു. ചൂണ്ടിയുടെ സമീപത്തെ മലയില്‍ കുട്ടികള്‍ ഉള്‍പ്പെടെയുള്ള 13 ആനകളാണ് തമ്പടിച്ചിരിക്കുന്നത്. ആനകള്‍ ടൗണിലേക്ക് ഇറങ്ങാനും സാധ്യതയുണ്ട്.
നാട്ടുകാരുടെ പരാതിയുടെ അടിസ്ഥാനത്തില്‍ മേഖലയില്‍ വനം വകുപ്പ് നിരീക്ഷണം ഏര്‍പ്പെടുത്തിയിട്ടുണ്ട്.
ജനങ്ങള്‍ സൂക്ഷിക്കണമെന്നും കാട്ടാനകള്‍ ജനവാസ കേന്ദ്രത്തിലേക്ക് എത്തിയാല്‍ ഉടന്‍ വനം വകുപ്പിനെ വിവരം അറിയിക്കണമെന്നും അധികൃതര്‍ നിര്‍ദേശം നല്‍കിയിട്ടുണ്ട്.