ചെന്നൈ: തമിഴ്നാട്ടിൽ അംഗീകാരമില്ലാത്ത 345 രാഷ്ട്രീയ പാർട്ടികളെ ഒഴിവാക്കാനൊരുങ്ങി തെരഞ്ഞെടുപ്പ് കമ്മീഷൻ. ഒന്നാം ഘട്ടത്തിൽ ചെന്നൈ ജില്ലയിലെ 14 പാർട്ടികളെ ഒഴിവാക്കാനുള്ള നടപടികളായിട്ടുണ്ട്. 2019 മുതൽ തുടർച്ചായി നടന്ന ഒരു തെരഞ്ഞെടുപ്പിലും ഈ പാർട്ടികൾ മത്സരിച്ചിട്ടില്ല എന്ന കാരണം ചൂണ്ടിക്കാട്ടിയാണ് ഈ നടപടി. ഇതിനു പുറമെ ഈ പാർട്ടികളുടെ ആസ്ഥാനത്തിന് മേൽവിലാസവും ഇല്ല.

തെരഞ്ഞെടുപ്പ് കമ്മീഷന്റെ മാനദണ്ഡ പ്രകാരം ഇത്തരത്തിൽ ഒഴിവാക്കപ്പെടേണ്ട 2800 പാർട്ടികളാണ് തമിഴ്നാട്ടിൽ ഉള്ളത്. ആദ്യമായി നടപടി എടുക്കുന്ന 14 പാർട്ടിക്കൾക്ക് കാരണം കാണിക്കൽ നോട്ടീസ് അയക്കാൻ സംസ്ഥാന, കേന്ദ്ര ഭരണ മുഖ്യ തെരഞ്ഞെടുപ്പ് ഓഫീസർമാർക്ക് നിർദേശം നൽകിയിട്ടുണ്ട്. എല്ലാ പാർട്ടികൾക്കും തനകളുടെ ഭാഗം വിശദീകരിക്കാനുള്ള അവസരം നൽകുമെന്നും തെരഞ്ഞെടുപ്പ് കമ്മീഷൻ അറിയിച്ചു. 

Election Commission to remove 345 unrecognized political parties in Tamil Nadu