ഉച്ചയൂണിന് മീന്‍ നിര്‍ബന്ധമുള്ളവരാണെങ്കില്‍ കുറച്ച് മീന്‍ എടുത്ത് ഇതുപോലെ ഒന്നു റോസ്റ്റ് ചെയ്തു നോക്കൂ. തക്കാളിയും ചേര്‍ത്തുള്ള ഈ റോസ്റ്റ് മതി ധാരാളം ചോറു കഴിക്കാന്‍. 

മീന്‍ മുള്ള് കളഞ്ഞത് - 250 ഗ്രാം (മുള്ളില്ലാത്ത മീന്‍)
തക്കാളി - 2 എണ്ണം
സവാള - 1 എണ്ണം

കറിവേപ്പില  -രണ്ട്തണ്ട്
ഇഞ്ചി -ഒരു കഷണം
വെളുത്തുള്ളി  -7 അല്ലി

കാശ്മീരി മുളകുപൊടി - 1 ടേബിള്‍സ്പൂണ്‍
മഞ്ഞള്‍പൊടി - 1 നുള്ള്
കടുക് - ടീസ്പൂണ്‍
ഉപ്പ്  ആവശ്യത്തിന്

തയാറാക്കുന്ന വിധം
 
മീന്‍ കഴുകി വൃത്തിയാക്കി ചെറിയ കഷ്ണങ്ങളാക്കുക . ശേഷം തക്കാളി, സവാള, ഇഞ്ചി, വെളുത്തുള്ളി എന്നിവ ചെറുതായി അരിഞ്ഞു വയ്ക്കുക.
ഒരു നോണ്‍സ്റ്റിക്ക് പാന്‍ അടുപ്പത്ത് വച്ച് ചൂടാകുമ്പോള്‍ അതിലേക്ക് ആവശ്യത്തിന് വെളിച്ചെണ്ണ ഒഴിച്ചു ചൂടാകുമ്പോള്‍ കടുക് പൊട്ടിച്ചശേഷം വെളുത്തുള്ളി, സവാള, ഇഞ്ചി എന്നിവ ചേര്‍ത്ത് വഴറ്റുക.

ഇത് ഗോള്‍ഡന്‍ നിറമാകുമ്പോള്‍ തീ കുറച്ച് ഉപ്പും മുളകുപൊടിയും മഞ്ഞള്‍പൊടിയും ചേര്‍ത്ത് ഒരു മിനിറ്റ് ഇളക്കുക.
ഇതിലേയ്ക്ക് തക്കാളി, മീന്‍, കറിവേപ്പില എന്നിവ ചേര്‍ത്ത് നന്നായി ഇളക്കി 10 മിനിറ്റ് നേരം അടച്ച് വച്ച് ചെറു തീയില്‍ വേവിക്കുക. ഇനി തുറന്നുവച്ച് വെള്ളം വറ്റിക്കഴിയുന്നതു വരെ വേവിക്കുക. അടിപൊളി ഫിഷ് ടുമാറ്റോ റോസ്റ്റ് റെഡി.

Serve hot with steamed rice or chapati. The flavors are bold enough to make you go for seconds

If you're someone who needs fish for lunch, here’s a quick and delicious fish roast recipe you must try. With the tanginess of tomatoes and the punch of spices, this dish goes amazingly well with hot rice—no need for elaborate gravies