കോഴിക്കോട്: കൂടത്തായി കൊലപാതക പരമ്പരയുമായി ബന്ധപ്പെട്ട് ഫോറൻസിക് സർജൻ കോടതിയിൽ മൊഴി നൽകി. സംഭവത്തിൽ റോയ് തോമസ് മരിച്ചത് സയനൈഡ് ഉള്ളിൽ ചെന്നാണെന്നാണ് ഫോറൻസിക് സർജൻ കോടതിയിൽ മൊഴി നൽകിയതെന്നണ് റിപ്പോർട്ട്. കോഴിക്കോട് മെഡിക്കൽ കോളേജിലെ മുൻ ഫോറൻസിക് സർജൻ ഡോക്ടർ കെ പ്രസന്നൻ ആണ് മൊഴി കൊടുത്തത്. രാസ പരിശോധന ഫല റിപ്പോർട്ടിലും പോസ്റ്റ്മോർട്ടം റിപ്പോർട്ടിലും മരണകാരണം സയനൈഡ് ഉള്ളിൽ ചെന്നാണെന്നുമാണ് പ്രസന്നൻ നൽകിയ മൊഴി.  

സംഭവത്തിൽ പ്രതിയായ ജോളി ജോസഫ് സയനൈഡ് നൽകി റോയ് തോമസിനെ കൊലപ്പെടുത്തിയെന്നാണ് കേസ്. റോയ് തോമസിന്റെ പോസ്റ്റ്മോർട്ടം നടത്തിയ ഫോറൻസിക് സർജൻ ആർ സോനു മരണപ്പെട്ടതോടെയാണ് അന്നത്തെ ഫോറൻസിക് മേധാവിയായ ഡോക്ടർ പ്രസന്നൻ വിസ്തരിച്ചിരുന്നത് 

Koodathayi murder case Forensic surgeon testifies in court that Roy Thomas died of cyanide ingestion