ദോഹ: ഖത്തറിലെ ഫോര്‍ഡ് ഡീലര്‍ഷിപ്പായ അല്‍മാന മോട്ടോഴ്‌സ് കമ്പനിയുമായി സഹകരിച്ച്, ഫോര്‍ഡ് കുഗ കാറുകളുടെ 2019, 2024 മോഡലുകള്‍ തിരിച്ചുവിളിക്കുന്നതായി വാണിജ്യ വ്യവസായ മന്ത്രാലയം (The Ministry of Commerce and Industry, MoCI) അറിയിച്ചു. ഉയര്‍ന്ന മര്‍ദ്ദമുള്ള ഇന്ധന ഇന്‍ജക്ടറിന് കേടുപാടുകള്‍ സംഭവിച്ചതിനാല്‍ എഞ്ചിന്റെ മുകളില്‍ ഇന്ധനം അടിഞ്ഞുകൂടുന്നു എന്ന വ്യാപക പരാതികളുടെ അടിസ്ഥാനത്തിലാണ് തിരിച്ചുവിളിക്കല്‍.

ഉപഭോക്താക്കളുടെ അവകാശങ്ങള്‍ സംരക്ഷിക്കുന്നതിനും വാഹന തകരാറുകളും അറ്റകുറ്റപ്പണികളും കാര്‍ ഡീലര്‍മാര്‍ പിന്തുടരുന്നുണ്ടെന്ന് ഉറപ്പാക്കുന്നതിനുമുള്ള ചട്ടക്കൂടിനുള്ളിലാണ് തിരിച്ചുവിളിക്കല്‍ നടപടിയെന്ന് മന്ത്രാലയം പ്രസ്താവനയില്‍ അറിയിച്ചു.

അറ്റകുറ്റപ്പണികളും മറ്റ് മെയിന്റനന്‍സ് വര്‍ക്കുകളും നടത്തുന്നതിന് ഡീലര്‍മാരുമായി ഏകോപിപ്പിക്കുമെന്നും ആവശ്യമായ അറ്റകുറ്റപ്പണികള്‍ നടക്കുന്നുണ്ടെന്ന് ഉറപ്പാക്കാന്‍ ഉപഭോക്താക്കളുമായി ആശയവിനിമയം നടത്തുമെന്നും മന്ത്രാലയം അറിയിച്ചു.

ALSO READ: മഴക്കു വേണ്ടിയുള്ള നിസ്‌കാരത്തിന് ആഹ്വാനം ചെയ്ത് സൗദി രാജാവ്

The Ministry of Commerce and Industry (MoCI), in collaboration with Almana Motors Company, the Ford dealership in Qatar, has announced a recall of 2019-2024 models of Ford Kuga cars.