സംസ്ഥാനത്ത് സ്വര്‍ണ വിലയില്‍ ഇന്നുണ്ടായത് വന്‍ കുതിപ്പ്. എക്കാലത്തേയും ഉയര്‍ന്ന വില കടന്ന് ദിനംപ്രതി റെക്കോര്‍ഡിടുകയാണ് സ്വര്‍ണം. യു.എസ് പ്രസിഡന്റ് ഡൊണാള്‍ഡ് ട്രംപ് ലോക രാജ്യങ്ങള്‍ക്ക് മേല്‍ ചുമത്തിയ താരിഫ് ഇന്നലെ മുതല്‍ പ്രാബല്യത്തില്‍ വന്നിരുന്നു. ഇതാണ് വില കൂടാന്‍ കാരണമായതെന്ന് നിരീക്ഷകര്‍ ചൂണ്ടിക്കാട്ടുന്നു.  ആഗോള വിപണിയിലെ വില വര്‍ധനവ് തന്നെയാണ് ആഭ്യന്തര വിപണിയിലും പ്രതിഫലിക്കുന്നതെന്നും കാണാം.

ആഗസ്റ്റിലെ ആദ്യ ആഴ്ച പിന്നിടാനൊരുങ്ങുമ്പോള്‍ സ്വര്‍ണ വില കുതിപ്പില്‍ തന്നെയാണ്. ആഗസ്റ്റ് ഒന്നു മുതലുള്ള കണക്കെടുത്ത് നോക്കിയാല്‍ എല്ലാ ദിവസവും വര്‍ധനയാണ് കാണാനാവുക. കഴിയുമ്പോള്‍ ഇതുവരെ സ്വര്‍ണ വില കുറഞ്ഞിട്ടില്ല. ആഗ്‌സ്റ്റ് ഒന്നിന്  73,200 രൂപയായിരുന്ന 22 കാരറ്റ്  ഒരു പവന്‍ സ്വര്‍ണത്തിന്റെ വില. അത് ആഗസ്റ്റ് എട്ടില്‍ എത്തിയപ്പോള്‍ 2500ലേറെ രൂപയുടെ വര്‍ധനവാണുണുണ്ടായത്. വെറും ഏഴ് ദിവസം കൊണ്ടാണ് ഇതെന്ന് നോക്കണം. ജൂലൈയില്‍ ചാഞ്ചാട്ടമായിരുന്നു വിപണിയില്‍. ജൂലൈയിലെ അസ്ഥിരമായ അന്തരീക്ഷത്തില്‍ നിന്ന് സ്വര്‍ണം തിരികെ കയറുകയാണ് എന്ന വ്യക്തമായ സൂചനയാണ് ആഗസ്റ്റിലെ വില നിലവാരം കാണിക്കുന്നതെന്ന് വിപണി വിദഗ്ധര്‍ ചൂണ്ടിക്കാട്ടുന്നു. 

കേരളത്തിലെ ഇന്നത്തെ സ്വര്‍ണത്തിന്റെ ഗ്രാം, പവന്‍ നിരക്കുകള്‍ അറിയാം

ഇന്ന് സംസ്ഥാനത്ത് 22 കാരറ്റില്‍ ഒരു ഗ്രാം സ്വര്‍ണത്തിന് 70 രൂപയാണ് കൂടിയിരിക്കുന്നത്. ഇതോടെ 22 കാരറ്റ് ഒരു ഗ്രാം സ്വര്‍ണത്തിന് ഇന്ന് 9470 രൂപയായി . ഒരു പവന്‍ സ്വര്‍ണത്തിന് 560 രൂപ കൂടി ഇന്നലെ 75200 രൂപയില്‍ വ്യാപാരം നടത്തിയിരുന്നിടത്തു നിന്ന് ഇന്ന് 75760 ലേക്ക് കുതിച്ചു. ഗ്രാമിലും പവനിലും സംസ്ഥാനത്ത് സ്വര്‍ണത്തിന് രേഖപ്പെടുത്തിയ എക്കാലത്തേയും ഉയര്‍ന്ന നിരക്കാണ് ഇന്നത്തേത്. 

ALSO READ: സമയം തികയുന്നില്ലേ? ഈ വഴികൾ ഒന്ന് പരീക്ഷിച്ച് നോക്കിയാൽ എല്ലാം ഇനി എളുപ്പമാകും 

ആഭരണമായി സ്വര്‍ണം വാങ്ങുന്നവരെ സംബന്ധിച്ചിടത്തോളം ഈ വില വര്‍ധനവ് വലിയ തിരിച്ചടിയാണ്.  ഒരു പവന്‍ സ്വര്‍ണാഭരണത്തിന് ഇന്നത്തെ വില അനുസരിച്ച് ചുരുങ്ങിയത് 80000 രൂപയെങ്കിലും  ചെലവാകും. ജി.എസ.്ടി, ഹാള്‍മാര്‍ക്കിംഗ് ചാര്‍ജ് എന്നിവയ്ക്ക് പുറമെ പണിക്കൂലി കൂടി ആഭരണത്തിന് കൊടുക്കേണ്ടി വരും. ആഭരണത്തിന്റെ ഡിസൈന്‍ ആണ് പണിക്കൂലി ശതമാനം നിശ്ചയിക്കുന്നത്.

അതേസമയം, 18 കാരറ്റിലാണ് വാങ്ങുന്നതെങ്കില്‍ പവന് 61,992 രൂപയാണ് ഇന്ന് ചെലവ്  വരുന്നത്. ആഭരണമാവുമ്പോള്‍ 65,000ത്തിനോട് അടുത്ത വരും വില. 

ALSO READ: ഗസ്സ നഗരം പൂര്‍ണമായി പിടിച്ചെടുക്കാനുള്ള നെതന്യാഹുവിന്റെ പദ്ധതിക്ക് ഇസ്‌റാഈല്‍ സുരക്ഷാ കാബിനറ്റിന്റെ അംഗീകാരം/ Israel to occupy Gaza City

വിവിധ കാരറ്റുകള്‍ക്ക് ഇന്നത്തെ വില ഇങ്ങനെ
24 കാരറ്റ്
ഗ്രാമിന് 76 രൂപ കൂടി 10,331
പവന് 608 രൂപ കൂടി 82,648

22 കാരറ്റ്
ഗ്രാമിന് 70 രൂപ കൂടി 9,470
പവന് 560 രൂപ കൂടി 75,760

18 കാരറ്റ്
ഗ്രാമിന് 58 രൂപ കൂടി 7,749
പവന് 464 രൂപ കൂടി 61,992

വില കൂടാന്‍ കാരണം
ട്രംപിന്റെ താരിഫുകളെക്കുറിച്ചുള്ള ആശങ്കകളാണ് വിലക്കയറ്റത്തിന് പിന്നില്‍. (Trump tariff impact ) ആശങ്കകള്‍ സ്വര്‍ണം സുരക്ഷിത താവളമെന്ന ആവശ്യകത വര്‍ധിപ്പിച്ചു. ഡോളറിന്റെ ബലഹീനതയും സ്വര്‍ണ വില ഉയരാന്‍ കാരണമായി.  നിരവധി രാജ്യങ്ങളില്‍ നിന്നുള്ള ഇറക്കുമതിക്ക് ട്രംപ് ഏര്‍പ്പെടുത്തിയ താരിഫ് വ്യാഴാഴ്ച മുതല്‍ പ്രാബല്യത്തില്‍ വന്നിരിക്കുകയാണ്.

Gold prices in the state surged to an all-time high following the implementation of tariffs by US President Donald Trump. Experts link the domestic spike to rising global market rates.