തൃശൂര്‍: ഓടിക്കൊണ്ടിരിക്കു ന്ന ബസില്‍ നിന്ന് തെറിച്ച് വീണ് വയോധിക മരിച്ചു. തൃശൂര്‍ പൂച്ചക്കുന്നിലാണ് സംഭവം. പൂവത്തൂര്‍ സ്വദേശി നളിനി ആണ് മരിച്ചത്. 

വളവ് തിരിയുന്നതിനിടെ ബാലന്‍സ് നഷ്ടപ്പെട്ട് മുന്‍വശത്തെ ഡോറിലൂടെ നളിനി പുറത്തേക്ക് തെറിച്ചു വീഴുകയായിരുന്നു. ബസില്‍ കയറിയ ശേഷം പിന്നിലേക്ക് നടന്നുപോകുമ്പോഴാണ് അപകടം. ഡോര്‍ അടച്ചിരുന്നെങ്കിലും വീഴ്ചയുടെ ആഘാതത്തില്‍ ഡോര്‍ തുറന്നുപോവുകയായിരുന്നു.  ഉടന്‍ തന്നെ അടുത്തുള്ള ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.