ദുബൈ: അടുത്ത രണ്ട് വർഷത്തിനുള്ളിൽ അൽ മക്തൂം അന്താരാഷ്ട്ര വിമാനത്താവളത്തിൽ (Al Maktoum International Airport) നിന്ന് ഫ്ലൈദുബൈ സർവിസുകൾ പുനരാരംഭിക്കുമെന്ന് ഒരു മുതിർന്ന ഉദ്യോഗസ്ഥൻ അറിയിച്ചു.

അതേസമയം, ദുബൈ എയർ ഷോ 2025-നോട് അനുബന്ധിച്ച് മാധ്യമങ്ങളുമായി സംസാരിക്കവെ പൂർണ്ണ ശേഷിയിലേക്ക് അടുക്കുന്ന ദുബൈ ഇന്റർനാഷണൽ എയർപോർട്ടിലെ (ഡിഎക്സ്ബി) പരിമിതികളെക്കുറിച്ച് യാതൊരു ആശങ്കകളുമില്ലെന്ന് ഫ്ലൈദുബൈ സിഇഒ ഗൈത്ത് അൽ ഗൈത്ത് വ്യക്തമാക്കി. 

ALSO READ: ഹോഴ്സ് റേസ് പ്രേമികൾക്ക് സുവർണാവസരം; ദുബൈ വേൾഡ് കപ്പ് 2026, ടിക്കറ്റ് വിൽപന ആരംഭിച്ചു; ഡിസംബർ 31 വരെ ടിക്കറ്റ് നിരക്കിൽ ഇളവ്
 
"അടുത്ത രണ്ട് വർഷത്തിനുള്ളിൽ അൽ മക്തൂം വിമാനത്താവളത്തിൽ (DWC) നിന്ന് ഞങ്ങൾ സർവിസ് ആരംഭിക്കും. ചെറിയ രീതിയിൽ ആരംഭിച്ച് പിന്നീട് വലിയ തോതിലേക്ക് മാറും," സിഇഒ വ്യക്തമാക്കി.

കോവിഡ്-19 മഹാമാരിക്ക് മുമ്പ് ഫ്ലൈദുബൈ അൽ മക്തൂം വിമാനത്താവളത്തിൽ നിന്ന് സർവിസ് നടത്തിയിരുന്നു. എന്നാൽ, മഹാമാരിയുടെ സമയത്ത് അത് നിർത്തിവെക്കുകയായിരുന്നു.

ഒരു ബജറ്റ് വിമാനക്കമ്പനിയായാണ് ഫ്ലൈദുബൈ പ്രവർത്തനം ആരംഭിച്ചത്. നിലവിൽ, ദുബൈ അന്താരാഷ്ട്ര വിമാനത്താവളത്തിലെ (DXB) ടെർമിനൽ 2-ൽ നിന്നാണ് ഫ്ലൈദുബൈ സർവിസുകൾ നടത്തുന്നത്. ദുബൈ ഇന്റർനാഷണൽ എയർപോർട്ട് (DXB) പൂർണ്ണ ശേഷിയിലേക്ക് അടുത്തുകൊണ്ടിരിക്കുന്ന സാഹചര്യത്തിൽ ഫ്ലൈദുബൈയുടെ ഈ നീക്കം പ്രധാനമാണ്.

Flydubai is set to resume services from Al Maktoum International Airport (DWC) in Dubai within the next two years, according to a senior official. This move is part of the airport's expansion plan, aiming to handle over 250 million passengers annually and become the largest airport in the world.