എറണാകുളം: യൂത്ത് കോൺഗ്രസ് നേതാവും എംഎൽഎയുമായ രാഹുൽ മാങ്കൂട്ടത്തിലിനെതിരെ ഗുരുതര വിമർശനവുമായി എറണാകുളം ജില്ലാ യൂത്ത് കോൺ​ഗ്രസ് കമ്മിറ്റി രം​ഗത്ത്. രാഹുൽ മെസേജ് അയച്ചതിനെ തുടർന്ന് രണ്ട് വനിതാ കെഎസ്‌യു പ്രവർത്തകർ പാർട്ടി പ്രവർത്തനം തന്നെ അവസാനിപ്പിച്ചുവെന്ന സന്ദേശമാണ് വാട്സാപ് ​ഗ്രൂപ്പിൽ പ്രചരിക്കുന്നത്. ജില്ലാ സെക്രട്ടറി ആഷിക് കരോട്ടിന്റേതാണ് ശബ്ദസന്ദേശം. "ഇത്ര വൃത്തികെട്ടവനെ നമ്മൾ എന്തിന് ചുമക്കണം?" എന്ന വിമർശനവും ഗ്രൂപ്പിൽ ഉയർന്നിട്ടുണ്ട്. തെറ്റിനെ ന്യായീകരിച്ച്  സമയം പാഴാക്കേണ്ടതില്ലെന്നും ആഷിക് കരോട്ട് വ്യക്തമാക്കി.

ALSO READ: 36 ലക്ഷം സ്ത്രീധനമായി നൽകിയില്ല; രോഷത്തിൽ മകന്റെ മുന്നിൽ വെച്ച് യുവതിയെ തീകൊളുത്തി കൊലപ്പെടുത്തി: ഭർത്താവ് അറസ്റ്റിൽ, ഭർതൃവീട്ടുകാർക്കായി തിരച്ചിൽ 

യൂത്ത് കോൺ​ഗ്രസ് ജില്ലാ വൈസ് പ്രസിഡന്റ് ചെറിയാൻ ജോർജും രാഹുലിനെതിരെ രംഗത്തെത്തി. ജില്ലാ ഭാരവാഹികളിൽ 70% പേർക്കും പരിചയമുള്ള പെൺകുട്ടികൾക്ക് രാഹുലിൽ നിന്ന് മോശം അനുഭവം ഉണ്ടായിട്ടുണ്ടാകാമെന്ന് അദ്ദേഹം ആരോപിച്ചു.  അതേസമയം പ്രതിപക്ഷ നേതാവ് വി.ഡി. സതീശൻ ഇക്കാര്യത്തിൽ വിട്ടുവീഴ്ചയില്ലെന്ന നിലപാടാണ് വ്യക്തമാക്കിയിരിക്കുന്നത്. ഇത്തരം പരാതികൾ നേരിടുന്നവരെ വെച്ച് മുന്നോട്ടുപോകാൻ കഴിയില്ലെന്നും വിഷയം കോൺഗ്രസ് ഹൈക്കമാൻഡിനെ അറിയിച്ചിട്ടുണ്ടെന്നും അദ്ദേഹം പറഞ്ഞു. 

ALSO READ: വാഹന ഉടമകൾ ശ്രദ്ധിക്കുക: ആധാറുമായി ബന്ധിപ്പിച്ച മൊബൈൽ നമ്പർ പരിവാഹൻ പോർട്ടലിൽ അപ്ഡേറ്റ് ചെയ്യണം 

നിലവിൽ രാഹുൽ മാങ്കൂട്ടത്തിലിനെതിരെ ലൈംഗിക ആരോപണങ്ങളിൽ ബാലാവകാശ കമ്മിഷനും വനിതാ കമ്മിഷനും കേസെടുത്തിട്ടുണ്ട്.  നിർബന്ധിത ഗർഭച്ഛിദ്രവുമായി ബന്ധപ്പെട്ട് എറണാകുളം സ്വദേശിനിയുടെ പരാതിയുടെ അടിസ്ഥാനത്തിലാണ് സംസ്ഥാന ബാലാവകാശ കമ്മിഷൻ കേസെടുത്തത്. പരാതിയിൽ ഡിജിപിയോട് രണ്ടാഴ്ചയ്ക്കകം റിപ്പോർട്ട് നൽകാനും കമ്മിഷൻ നിർദേശിച്ചു. അതേസമയം ​രാ​ഹുലിനെതിരെ വനിതാ കമ്മിഷൻ സ്വമേധയാ കേസെടുത്താണ് ഡിജിപിയോട് റിപ്പോർട്ട് ആവശ്യപ്പെട്ടത്.

രാഹുൽ യുവതിയെ ഗർഭച്ഛിദ്രത്തിന് നിർബന്ധിച്ചുവെന്ന് ആരോപിച്ച് ബാലാവകാശ കമ്മിഷന്‍, ദേശീയ ശിശു സംരക്ഷണ വകുപ്പ്, സംസ്ഥാന വനിതാ-ശിശു സംരക്ഷണ വകുപ്പ് എന്നിവർക്ക് അശ്വതി മണികണ്ഠൻ എന്ന പാലക്കാട് നിന്നുള്ള പൊതുപ്രവർത്തകയും പരാതി നൽകിയിട്ടുണ്ട്. 

ALSO READ: 20 വർഷം പഴക്കമുള്ള വാഹനങ്ങൾ നിരോധിച്ച് ജനങ്ങളെ ബുദ്ധിമുട്ടാക്കുന്നില്ല: പകരം ആർസി ഫീസ് കുത്തനെ വർധിപ്പിച്ച് കേന്ദ്ര സർക്കാർ

The Ernakulam District Youth Congress Committee's WhatsApp group saw strong criticism against Rahul Mankoottathil, with the district secretary's voice message alleging that two female KSU workers quit party activities after receiving messages from him. The group questioned why such a person should be supported, as pressure mounts for Rahul's resignation from his MLA post