മാലിന്യ നിർമാർജന നിയമങ്ങൾ പാലിക്കുന്നതിനും, ശരിയായ മാലിന്യ സംഭരണവും, നിർമാർജനവും പ്രോത്സാഹിപ്പിക്കുന്നതിനുമായി 'ഇൽതസെം' എന്ന കാമ്പയിൻ ആരംഭിച്ചിരിക്കുകയാണ് നാഷണൽ സെന്റർ ഫോർ വേസ്റ്റ് മാനേജ്മെന്റ്. സഊദി പ്രസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.

കർശനമായ നിയന്ത്രണ നടപടികളിലൂടെയും പരിശോധനകളിലൂടെയും നിയമലംഘനങ്ങൾ തടയുന്നതിൽ ഈ കാമ്പയിൻ ശ്രദ്ധ കേന്ദ്രീകരിക്കുന്നു. ഇതുവരെ കേന്ദ്രം 15,000-ലധികം പരിശോധനകൾ നടത്തുകയും, 3,526 നോട്ടീസുകൾ നൽകുകയും 1,933 നിയമലംഘനങ്ങൾ കണ്ടെത്തുകയും ചെയ്തു.

അനുമതിയില്ലാത്ത മാലിന്യം നിർമാർജനം, നിയമവിരുദ്ധമായി മാലിന്യം കത്തിക്കുക, ലൈസൻസ് ഇല്ലാതെ മാലിന്യം കൊണ്ടുപോകുക എന്നിവയാണ് ഏറ്റവും സാധാരണമായ ലംഘനങ്ങളെന്ന് SPA കൂട്ടിച്ചേർത്തു.

ALSO READ: ജുമൈറ ഷോപ്പിംഗ് കോംപ്ലക്സിലെ ഒരു കടയിലേക്ക് കാർ ഇടിച്ചു കയറി; ആർക്കും പരുക്കുകളില്ല

നിയമലംഘനങ്ങൾ കുറയ്ക്കുന്നതിനായി പരിശോധനകൾ തീവ്രമാക്കുകയും കർശനമായ നിയന്ത്രണ നടപടികൾ നടപ്പിലാക്കുകയും ചെയ്യുക എന്നതാണ് ഈ പ്രചാരണത്തിന്റെ ലക്ഷ്യം. മാലിന്യങ്ങൾ കത്തിക്കൽ, സുരക്ഷിതമല്ലാത്ത നിർമാർജനം പോലുള്ള പരിസ്ഥിതി നിയമലംഘനങ്ങൾക്ക്, 10 ദശലക്ഷം സഊദി റിയാൽ (2.7 ദശലക്ഷം ഡോളർ) വരെ പിഴ ഈടാക്കാം.

ലൈസൻസ് ഇല്ലാത്ത വാഹനങ്ങൾ ഉപയോഗിച്ച് മാലിന്യം കൊണ്ടുപോകുന്നതിനോ, നിർമാണ, പുനർനിർമാണ മാലിന്യങ്ങൾ ഉപേക്ഷിക്കുന്നതിനോ 100,000 റിയാൽ വരെ പിഴ ലഭിക്കാം. കൂടാതെ, പൊതു സ്ഥലങ്ങളിൽ മാലിന്യം വലിച്ചെറിയുന്നതിന് 10,000 റിയാൽ വരെ പിഴ ഈടാക്കാം. മാലിന്യ നിർമാർജന നിയമങ്ങൾ ഫലപ്രദമായി നടപ്പാക്കുന്നതിനായി, ബന്ധപ്പെട്ട അധികാരികളുമായി സഹകരിച്ച് ഈ കാമ്പയിൻ തുടരും.

The National Centre for Waste Management in Saudi Arabia has launched the 'Iltizam' (Commitment) campaign to promote proper waste management practices and encourage responsible waste disposal. The initiative aims to raise awareness about the importance of adhering to waste management regulations and adopting sustainable practices to minimize waste's environmental impact.