കോട്ടയം: കെഎസ്ആർടിസി ബസ് പൊലിസ് ജീപ്പിൽ തട്ടിയതിന് കെഎസ്ആർടിസി ജീവനക്കാർക്ക് പൊലിസ് മർദ്ദനം. കോട്ടയം വൈക്കത്തിന് സമീപമാണ് സംഭവം. മൂന്നാർ ഡിപ്പോയിലെ ഡ്രൈവറായ വേലായുധനാണ് മർദനമേറ്റത്. മർദനത്തിൽ പരുക്കേറ്റ ഡ്രൈവർ വൈക്കം താലൂക്ക് ആശുപത്രിയിൽ ചികിത്സ തേടി.

മൂന്നാറിൽ നിന്ന് ആലപ്പുഴക്ക് പോയ ബസ് വൈക്കത്തിന് അടുത്ത് ഉല്ലലയിൽ എത്തിയപ്പോഴാണ് സംഭവം നടന്നത്. ബസ് തട്ടി പൊലീസ് ജീപ്പിന്റെ സൈഡ് മിറർ ഉരഞ്ഞെന്നാണ് പൊലിസ് പറയുന്നത്. പൊലിസ് ജീപ്പിൽ കെഎസ്ആർടിസ് ബസ് തട്ടിയെന്ന് പറഞ്ഞ് പൊലിസ് തല്ലുകയായിരുന്നെന്നാണ് കെഎസ്ആർടിസി ഡ്രൈവർ നൽകിയ പരാതിയിൽ പറയുന്നത്. വൈക്കം സ്റ്റേഷനിലെ പൊലിസ് ആണ് മർദിച്ചതെന്നാണ് പരാതി.