കയ്‌റോ: ഗസയില്‍ വെടിനിര്‍ത്തല്‍ പ്രഖ്യാപിച്ച് കൊണ്ടുള്ള സമാധാനക്കരാറില്‍ അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് ഒപ്പുവെച്ചു. ഈജിപ്തിലെ ശറമുല്‍ ശൈകില്‍ നടന്ന ഉച്ചകോടിയിലാണ് സമാധാനക്കരാര്‍ പ്രാബല്യത്തില്‍ വന്നത്. ഖത്തര്‍, ഈജിപ്ത്, തുര്‍ക്കി, യുഎസ് എന്നീ രാജ്യങ്ങളാണ് ഉച്ചകോടിയില്‍ പങ്കെടുത്ത്. ഇസ്രാഈല്‍ പ്രധാനമന്ത്രി ബെഞ്ചമിന്‍ നെതന്യാഹു ചടങ്ങില്‍ പങ്കെടുത്തില്ല. 

ഈജിപ്ഷ്യന്‍ പ്രസിഡന്റ് അബ്ദുല്‍ ഫത്താഹ് അല്‍ സീസിയുടെ അധ്യക്ഷതയില്‍ ഇരുപതോളം ലോകനേതാക്കള്‍ ചടങ്ങില്‍ സംബന്ധിച്ചു. ഈജിപ്തിനെ കൂടാതെ ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍താനി, തുര്‍ക്കി പ്രസിഡന്റ് റജബ് ത്വയ്യിബ് ഉര്‍ദുഗാന്‍ എന്നിവരാണ് കരാറില്‍ ഒപ്പുവെച്ചത്. ഇന്ത്യയെ പ്രതിനിധീകരിച്ച് വിദേശകാര്യ സഹമന്ത്രി കീര്‍ത്തിവര്‍ധന്‍ സിങ് ചടങ്ങില്‍ പങ്കെടുത്തു. ഇസ്രാഈല്‍ സന്ദര്‍ശനത്തിന് പിന്നാലെയാണ് ട്രംപ് ഈജിപ്തിലെത്തിയത്.

ALSO READ: 'ഫലസ്തീനിനെ അംഗീകരിക്കുക' ട്രംപിന്റെ അഭിസംബോധനക്കിടെ ഇസ്‌റാഈല്‍ പാര്‍ലമെന്റില്‍ പ്രതിഷേധം; പ്രതിഷേധിച്ചത് എം.പിമാര്‍, പ്രസംഗം നിര്‍ത്തി യു.എസ് പ്രസിഡന്റ് 

അതേസമയം ഗസയില്‍ വെടിനിര്‍ത്തല്‍ പ്രാബല്യത്തില്‍ വന്നതിന് പിന്നാലെ ഇസ്രാഈല്‍ പൗരന്‍മാരായ ജീവിച്ചിരിക്കുന്ന മുഴുവന്‍ ബന്ദികളെയും ഹമാസ് മോചിപ്പിച്ചു. ആദ്യ ഘട്ടത്തില്‍ ഏഴ് പേരെയും, രണ്ടാം ഘട്ടത്തില്‍ 13 പേരെയും റെഡ് ക്രോസിന് കൈമാറി. മോചിതരായവരെ റെഡ് ക്രോസ് ഇസ്രാഈല്‍ സൈനിക ക്യാമ്പില്‍ എത്തിച്ചു. പകരം തടവിലുള്ള 250 ഫലസ്തീന്‍ പൗരന്‍മാരെ ഇസ്രാഈലും മോചിപ്പിച്ചു. 

world leaders have signed a peace agreement aimed at ending the war in Gaza. Qatar, Egypt, Turkey, and the United States participated in the summit. Israeli Prime Minister Benjamin Netanyahu did not attend the event.