മൂന്നാര്‍: മൂന്നു പൊലിസുകാരെ ബോംബ് സ്‌ഫോടനത്തില്‍ കൊലപ്പെടുത്തിയ മാവോയിസ്റ്റ് മൂന്നാറില്‍ പിടിയിലായി. ഝാര്‍ഖണ്ഡ് സ്വദേശി സഹന്‍ ടുടി ദിനബു ആണ് പിടിയിലായിരിക്കുന്നത്. കൊച്ചി, റാഞ്ചി യൂനിറ്റുകളിലെ എന്‍ഐഎ ഉദ്യോഗസ്ഥര്‍ മൂന്നാറില്‍ നിന്നാണ് പ്രതിയെ പിടികൂടിയത്. ഝാര്‍ഖണ്ഡില്‍ നിന്ന് രക്ഷപ്പെട്ട് മൂന്നാര്‍ ഗൂഡാര്‍വിള എസ്റ്റേറ്റില്‍ ഭാര്യയോടൊപ്പം അതിഥി തൊഴിലാളിയായി ജോലി ചെയ്തു വരികയായിരുന്ന ഇയാള്‍ എന്‍ഐഎ സംഘത്തിന്റെ നിരീക്ഷണത്തിലായിരുന്നു. 

ALSO READ: ഗള്‍ഫ് രാജ്യങ്ങളിലേക്കുളള മുഖ്യമന്ത്രിയുടെ സന്ദര്‍ശനത്തിന് ഇന്ന് തുടക്കമാവും; സൗദി സന്ദര്‍ശിക്കുവാന്‍ കേന്ദ്രത്തിന്റെ അനുമതിയില്ല

കഴിഞ്ഞ ഒന്നര വര്‍ഷത്തിലേറെയായി ഇയാള്‍ ഗൂഢാര്‍വിള എസ്റ്റേറ്റില്‍ ജോലി ചെയ്യുന്നുണ്ട്. എന്‍ഐഎ സംഘത്തിന്റെ അന്വേഷണത്തിനിടയില്‍ ലഭിച്ച രഹസ്യ വിവരത്തെ തുടര്‍ന്നാണ് പ്രതിയെ മൂന്നാറില്‍ നിന്ന് ഇന്നലെ രാത്രിയോടെ അറസ്റ്റ് ചെയ്തത്. മൂന്നാര്‍ പൊലിസിന്റെ സഹായത്തോടെ ഗൂഡാര്‍വിള എസ്റ്റേറ്റില്‍ നിന്നുമാണ് പ്രതിയെ എന്‍ഐഎ സംഘം പിടികൂടിയത്. വൈദ്യ പരിശോധനയ്ക്ക് ശേഷം മൂന്നാര്‍ പൊലിസ് സ്റ്റേഷനില്‍ സുരക്ഷയില്‍ പാര്‍പ്പിച്ചിരിക്കുകയാണ് പ്രതിയെ.

A Maoist leader, Sahan Tudu Dinabu from Jharkhand, wanted in connection with the killing of three policemen in a bomb blast, was arrested in Munnar by the NIA. He had been working as a guest laborer in the Gudalurvil estate with his wife for over a year. Acting on intelligence, NIA teams from Kochi and Ranchi tracked and apprehended him.