2025 ഏഷ്യ കപ്പ് കിരീടം ഇന്ത്യക്ക് ലഭിക്കണമെങ്കിൽ പുതിയ ഉപാധികളുമായി മുന്നോട്ട് വന്നിരിക്കുകയാണ് ഏഷ്യ ക്രിക്കറ്റ് കൗൺസിൽ ധവാനും പാകിസ്താൻ മന്ത്രിയുമായ മൊഹ്‌സിൻ നഖ്‍ വി. ഇന്ത്യക്ക് കിരീടം കൈമാറാൻ തയ്യാറാണെന്നും എന്നാൽ ഇതിനായി ഇന്ത്യ സ്വന്തം ചിലവിൽ പരുപാടി സംഘടിപ്പിക്കണമെന്നാണ് മൊഹ്‌സിൻ നഖ്‍ വി ആവശ്യപ്പെടുന്നത്. ഈ ചടങ്ങളിൽ താൻ മെഡലും ട്രോഫിയും കൈമാറുമെന്നാണ് മൊഹ്‌സിൻ നഖ്‍ വി വ്യക്തമാക്കിയത്.

എന്നാൽ നിലവിലെ സാഹചര്യം കണക്കിലെടുക്കുമ്പോൾ ഇന്ത്യ ഇതിനു വഴങ്ങാതിരിക്കാനാണ് സാധ്യതകൾ ഉള്ളത്. ഇന്ന് ബിസിസിഐയുടെ പ്രതിനിധികൾ ഏഷ്യ ക്രിക്കറ്റ് കൗൺസിലിന്റെ ഭാരവാഹികളുമായി ചർച്ച നടത്തുന്നുണ്ട്. ചർച്ചയിൽ ഫലം കണ്ടില്ലെങ്കിൽ നിയമപരമായി മുന്നോട്ട് പോവാനാവും ബിസിസിഐ ശ്രമിക്കുക. 

ഫൈനലിൽ ഇന്ത്യക്ക് കിരീടം നൽകാൻ എത്തിയിരുന്നത് മൊഹ്‌സിൻ നഖ്‍ വി ആയിരുന്നു. എന്നാൽ കിരീടം മൊഹ്‌സിൻ നഖ്‍ വിയുടെ കയ്യിൽ നിന്നും സ്വീകരിക്കില്ലെന്ന നിലപാടിൽ ഇന്ത്യ ഉറച്ചു നിൽക്കുകയായിരുന്നു. ഈ സമയങ്ങളിൽ ഏഷ്യൻ ക്രിക്കറ്റ് കൗൺസിലും മൊഹ്‌സിൻ നഖ്‍ വിയും കിരീടവും മെഡലുകളുമായി തിരികെ പോവുകയായിരുന്നു. ഇതോടെ ഇന്ത്യ സാങ്കൽപ്പികമായ കിരീടം ഉപയോഗിച്ചാണ് സെലിബ്രേഷൻ നടത്തിയത്. 

ഫൈനൽ പോരാട്ടത്തിൽ പാകിസ്താനെ  അഞ്ച് വിക്കറ്റുകൾക്കായിരുന്നു സൂര്യകുമാർ യാദവും സംഘവും ജയം സ്വന്തമാക്കിയത്. ടൂർണമെന്റിൽ ഒറ്റ മത്സരം പോലും പരാജയപ്പെടാതെയാണ് ഇന്ത്യ ഒമ്പതാം ഏഷ്യ കപ്പ് കിരീടം കൈപ്പിടിയിലാക്കിയത്. മത്സരത്തിൽ ആദ്യം ബാറ്റ് ചെയ്ത പാക്കിസ്താൻ 19.1 ഓവറിൽ 146 റൺസിന് പുറത്താവുകയായിരുന്നു. വിജയലക്ഷ്യം പിന്തുടർന്നിറങ്ങിയ ഇന്ത്യ രണ്ട് പന്തുകളും അഞ്ച് വിക്കറ്റുകളും ബാക്കിനിൽക്കെ ലക്ഷ്യം മറികടക്കുകയായിരുന്നു. 

Asia Cricket Council Head and Pakistani Minister Mohsin Naqvi have come up with new conditions if India wants to win the 2025 Asia Cup. Mohsin Naqvi has said that he is ready to hand over the title to India, but for this, India must organize a parade at its own expense.