ദുബൈ: ലോകമെമ്പാടുമുള്ള ദശലക്ഷക്കണക്കിന് മുസ്‌ലിംകൾക്ക് ഉംറ യാത്ര ഒരു സ്വപ്നമാണ്. എന്നാൽ, വിസക്ക് അപേക്ഷിക്കൽ, ഹോട്ടൽ - ഗതാഗത സൗകര്യം ബുക്ക് ചെയ്യൽ തുടങ്ങിയവ പലപ്പോഴും ആശയക്കുഴപ്പവും കാലതാമസവും ഉണ്ടാക്കാറുണ്ട്. 

യുഎഇയിലെ ഉംറ ഓപ്പറേറ്റർമാർ പറയുന്നതനുസരിച്ച്, ഈ പ്രക്രിയ ലളിതമാക്കാൻ നിരവധി മാറ്റങ്ങളാണ് സഊദി അറേബ്യ  അവതരിപ്പിച്ചിട്ടുള്ളത്. വിസ അപേക്ഷ മുതൽ ഹോട്ടൽ, ഗതാഗതം വരെ എല്ലാം ഔദ്യോഗിക പ്ലാറ്റ്‌ഫോമുകളുമായി ബന്ധിപ്പിച്ചിട്ടുണ്ട്. ഇത് യാത്ര കൂടുതൽ എളുപ്പമാക്കുന്നു. എന്നാൽ, തീർത്ഥാടകർ ചില നിയമങ്ങൾ പാലിക്കേണ്ടതായുണ്ട്.

യാത്ര ആസൂത്രണം ചെയ്യുന്നതിന് മുമ്പ് തീർത്ഥാടകർ അറിഞ്ഞിരിക്കേണ്ട 10 പ്രധാന മാറ്റങ്ങൾ ഇവയാണ്:

1) വിസ അപേക്ഷയോടൊപ്പം താമസസൗകര്യം ബുക്ക് ചെയ്യണം.

തീർത്ഥാടകർക്ക് ഇനി ഹോട്ടൽ ബുക്കിംഗുകൾ പിന്നേക്ക് മാറ്റിവക്കാനാകില്ല. ഉംറ വിസയ്ക്ക് അപേക്ഷിക്കുമ്പോൾ തന്നെ നുസുക് ആപ്പുമായി ബന്ധിപ്പിച്ച മസാർ സിസ്റ്റത്തിലൂടെ അംഗീകൃത ഹോട്ടൽ തിരഞ്ഞെടുക്കണം. അല്ലെങ്കിൽ, സഊദി അറേബ്യയിൽ ബന്ധുക്കളോടൊപ്പം താമസിക്കുമെന്ന് സ്ഥിരീകരിക്കണം.

ALSO READ: യുഎഇ: സ്വർണവിലയിൽ ഇന്ന് നേരിയ കുറവ്

2) ബന്ധുക്കളോടൊപ്പം താമസിക്കാൻ സഊദി ഐഡി വിവരങ്ങൾ നൽകണം.

കുടുംബാംഗങ്ങൾക്കൊപ്പമോ സുഹൃത്തുക്കൾക്കൊപ്പമോ താമസിക്കാൻ ഉദ്ദേശിക്കുന്നവർ, ഇവരുടെ ഏകീകൃത സഊദി ഐഡി നമ്പർ നൽകണം, അത് ഉംറ വിസയുമായി നേരിട്ട് ബന്ധിപ്പിക്കും. യാത്രാ പദ്ധതി മാറ്റുകയോ മാറ്റിവയ്ക്കുകയോ ചെയ്താൽ, ആ ഐഡി സിസ്റ്റത്തിൽ അപ്‌ഡേറ്റ് ചെയ്യണം.

3) ടൂറിസ്റ്റ് വിസയിൽ ഉംറ അനുവദനീയമല്ല.

ടൂറിസ്റ്റ് വിസയിൽ ഉംറ നിർവഹിക്കാൻ ഇനി സാധിക്കില്ല. ഇതിന് ശ്രമിക്കുന്നവരെ തയടാനും, മദീനയിലെ റിയാദ് ഉൽ ജന്നയിലേക്കുള്ള പ്രവേശനം നിഷേധിക്കക്കാനും സാധ്യതയുണ്ട്.

4) ഉംറ വിസ നിർബന്ധം.

എല്ലാ തീർത്ഥാടകരും നുസുക് പ്ലാറ്റ്‌ഫോമിലൂടെ ഇ-വിസയോ അംഗീകൃത ഓപ്പറേറ്റർമാർ വഴി പാക്കേജോ ബുക്ക് ചെയ്ത് ഉംറ വിസയ്ക്ക് അപേക്ഷിക്കണം.

ALSO READ: പ്രാദേശിക ടൂറിസം ജോലികൾ ഔട്ട്‌സോഴ്‌സിംഗ് ചെയ്യുന്നത് നിരോധിച്ച് സഊദി അറേബ്യ

5) കർശനമായ യാത്രാ പദ്ധതി നിയമങ്ങൾ.

വിസയ്ക്ക് അപേക്ഷിക്കുമ്പോൾ യാത്രാ പദ്ധതി അപ്‌ലോഡ് ചെയ്യേണ്ടതുണ്ട്. ഇത് മാറ്റാനോ മാറ്റിവയ്ക്കാനോ കഴിയില്ല. കൂടാതെ, അനുവദിച്ച കാലാവധിക്കപ്പുറം താമസിക്കുന്നത് കനത്ത ശിക്ഷകൾക്ക് കാരണമാകും.

6) ചില രാജ്യക്കാർക്ക് വിസ ഓൺ അറൈവൽ.

യുകെ, യുഎസ്, കാനഡ, അല്ലെങ്കിൽ ഷെങ്കൻ രാജ്യങ്ങളിൽ നിന്നുള്ള വിസ ഉള്ളവർക്കോ അവിടങ്ങളിൽ താമസിക്കുന്നവർക്കോ വിസ ഓൺ അറൈവൽ ലഭിക്കും.

7) വിമാനത്താവളത്തിൽ ബുക്കിംഗ് പരിശോധിക്കും.

നിങ്ങൾ സഊദിയിൽ എത്തുമ്പോൾ, നുസുക്കിലോ മസാറിലോ ഉള്ള ഹോട്ടൽ, ഗതാഗത ബുക്കിംഗുകൾ ഉദ്യോഗസ്ഥർ പരിശോധിക്കുന്നു. ബുക്കിംഗുകൾ നഷ്ടപ്പെട്ടാൽ പിഴ ഈടാക്കുകയോ തുടർന്നുള്ള യാത്ര നിഷേധിക്കപ്പെടുകയോ ചെയ്യാം.

8) അംഗീകൃത ടാക്സികളും ഗതാഗതവും മാത്രം.

തീർത്ഥാടകർ നുസുക് ആപ്പ് വഴി രജിസ്റ്റർ ചെയ്ത ടാക്സികളോ ട്രെയിനുകളോ മുൻകൂട്ടി ബുക്ക് ചെയ്ത ഗതാഗത സേവനങ്ങളോ മാത്രം ഉപയോഗിക്കണം.

അംഗീകൃത ടാക്സികൾ, ബസുകൾ, അല്ലെങ്കിൽ ട്രെയിനുകൾ നിർബന്ധമാണ്. വിമാനത്താവളത്തിൽ നിന്നുള്ള ഏതെങ്കിലും റാൻഡം ടാക്സികൾ ഉപയോഗിക്കാൻ കഴിയില്ല. 

ALSO READ: ഹജ്ജ് 2026: തീർത്ഥാടകരുടെ താമസത്തിനായി പുതിയ ലൈസൻസിംഗ് സംവിധാനം ആരംഭിച്ച് സഊദി അറേബ്യ

9) ട്രെയിൻ നിയമങ്ങളും സമയക്രമവും.

പ്രധാനപ്പെട്ട ഒരു ഗതാഗത മാ​​ർ​ഗമാണ് ഹറമൈൻ എക്സ്പ്രസ് ട്രെയിൻ. എന്നാൽ, ഇത് രാത്രി 9 മണി വരെ മാത്രമേ പ്രവർത്തിക്കുകയുള്ളു.
അവസാന ട്രെയിനിന് ശേഷം എത്തുന്നവർ മറ്റൊരു അംഗീകൃത ഗതാഗതം മുൻകൂട്ടി ബുക്ക് ചെയ്യണം. അല്ലെങ്കിൽ, പ്രശ്നങ്ങൾ നേരിടേണ്ടിവരും.

10) നിയമലംഘനങ്ങൾക്ക് കനത്ത പിഴ.

നിയമങ്ങൾ ലംഘിക്കുന്ന തീർത്ഥാടകർക്കും ഏജന്റുമാർക്കും അധികൃതർ കനത്ത പിഴ ചുമത്തും. അനധികൃത ടാക്സികൾ മുതൽ അനുവദിച്ച കാലാവധിക്കപ്പുറം താമസിക്കുന്നത് വരെയുള്ള ഏതൊരു ലം​ഘനത്തിനും കുറഞ്ഞത് 750 ദിർഹം മുതൽ പിഴ ഈടാക്കും.

Millions of Muslims worldwide dream of embarking on the sacred journey of Umrah. However, the process can be daunting, involving visa applications, hotel bookings, and transportation arrangements. Here's a comprehensive guide to simplify your Umrah travel