ഭോപ്പാല്‍: ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ്(എയിംസ്)ലെ ബ്ലഡ് ബാങ്കില്‍ നിന്ന് രക്തവും പ്ലാസ്മയും കാണാതാവുന്നതായി പരാതി. എയിംസ് ബ്ലഡ് ബാങ്ക് ഇന്‍ ചാര്‍ജ് ഡോ. ജ്ഞാനേന്ദ്ര പ്രസാദിന്റെ പരാതിയില്‍ പൊലിസ് കേസെടുത്തു. ബ്ലഡ് ബാങ്കില്‍ നിന്ന് ഏറെ നാളായി രക്തവും പ്ലാസ്മ യൂണിറ്റുകളും കാണാതാവുന്നതായി പരാതിയില്‍ പറയുന്നു. 

സംഭവവുമായി ബന്ധപ്പെട്ട് ജീവനക്കാരനായ ഒരാളെ കസ്റ്റഡിയിലെടുത്തതായി പൊലിസ് അറിയിച്ചു. അന്വേഷണത്തിന്റെ ഭാഗമായി ആശുപത്രി പരിസരത്തെ സി.സി.ടി.വി ദൃശ്യങ്ങള്‍ പരിശോധിച്ചപ്പോള്‍, പിടിയിലായ ജീവനക്കാരന്‍ പ്ലാസ്മ യൂണിറ്റുകള്‍ മറ്റൊരാള്‍ക്ക് കൈമാറുന്നത് ശ്രദ്ധയില്‍പെട്ടതായി പൊലിസ് പറഞ്ഞു. മോഷണത്തെ തുടര്‍ന്ന് രക്തബാങ്കില്‍ സി.സി.ടി.വി കാമറകള്‍ സ്ഥാപിച്ചു.

English Summary: A case has been registered after blood and plasma units went missing from the blood bank of AIIMS Bhopal. The complaint was filed by Dr. Jnanendra Prasad, in charge of the blood bank, alleging that blood and plasma had been disappearing for quite some time.