ന്യൂഡല്‍ഹി: ഓപ്പറേഷന്‍ സിന്ദൂറില്‍ ഇന്ത്യയുടെ ആക്രമണത്തില്‍ പാകിസ്താന് 10 യുദ്ധവിമാനങ്ങള്‍ നഷ്ടമായതായി വ്യോമസേന മേധാവി എയര്‍ ചീഫ് മാര്‍ഷല്‍ എ.പി സിങ്. പാകിസ്താന്റെ അഞ്ച് എഫ്-16 എഫ് 17 വിമാനങ്ങള്‍ തകര്‍ത്തു. വ്യോമതാവളങ്ങളില്‍ സൂക്ഷിച്ചിരുന്ന അഞ്ച് യുദ്ധവിമാനങ്ങള്‍ തകര്‍ത്തുവെന്നും എ.പി സിങ് പറഞ്ഞു.

നാല് റഡാറുകള്‍, രണ്ട് കമാന്‍ഡ് സെന്ററുകള്‍, രണ്ട് റണ്‍വേകള്‍ ഒരു ഹാംഗര്‍, ഒരു സി130 ക്ലാസ് ഗതാഗത വിമാനം, മൂന്നോ നാലോ യുദ്ധവിമാനങ്ങള്‍, ഒരു എസ്.എ.എം സംവിധാനം എന്നിവയും തകര്‍ത്തു. 

ALSO READ: പൊന്നുമോളുടെ നാവിന്‍ തുമ്പില്‍ പിതാവ് ആദ്യാക്ഷരം കുറിച്ചു 'ഗസ്സ'; പിന്നെ ആ കുഞ്ഞുവിരല്‍ത്തുമ്പാല്‍ അയാള്‍ എഴുതിച്ചു ''ഫലസ്തീന്‍ കുഞ്ഞുങ്ങളെ സംരക്ഷിക്കുക'' 

കര, നാവിക, വ്യോമ സേനകളും വ്യോമ പ്രതിരോധ സംവിധാനങ്ങളും യു.എ.വി പ്രതിരോധ സംവിധാനവുമെല്ലാം വ്യോമസേനയുടെ കമാന്‍ഡ് ആന്റ് കണ്‍ട്രോള്‍ സെന്ററിന്റെ സംയുക്ത നിയന്ത്രണത്തില്‍ പ്രവര്‍ത്തിച്ചപ്പോള്‍ അതൊരു വഴിത്തിരിവായി. പാകിസ്താന്റെ 300 കിലോമീറ്റര്‍ ഉള്ളില്‍ വരെ ലക്ഷ്യം കാണാന്‍ നമുക്കായി. പാകിസ്താന്റെ പ്രത്യാക്രമണത്തില്‍ ചെറിയ പരുക്കുകള്‍ മാത്രമാണ് നമുക്കുണ്ടായത്. പാകിസ്താന് സ്വന്തം അതിര്‍ത്തിക്കുള്ളില്‍ പോലും പ്രവര്‍ത്തിക്കാന്‍ കഴിഞ്ഞില്ലെന്നും അദ്ദേഹം പറഞ്ഞു. 

കുറഞ്ഞ സമയം കൊണ്ട് ഇന്ത്യന്‍ സൈന്യം ലക്ഷ്യം നേടി. ഒടുവില്‍ പാകിസ്താന്‍ വെടി നിറുത്തിലിനായി സമീപിക്കുകയായിരുന്നുവെന്നും അദ്ദേഹം കൂട്ടിച്ചേര്‍ത്തു.