ഇന്ത്യയിലെ വാഹന വിപണിയിലെ പ്രമുഖ ശക്തിയാണ് ഹ്യുണ്ടായി. 1998-ൽ സാൻട്രോ ഹാച്ച്ബാക്കുമായി ഇന്ത്യൻ വിപണിയിൽ കാലടുത്ത് വച്ച കൊറിയൻ കമ്പനി, ഇന്ന് ഹാച്ച്ബാക്ക്, എസ്‌യുവി, സെഡാൻ, ഇലക്ട്രിക് വാഹനങ്ങൾ എന്നിവയുൾപ്പെടെ ഒരു ഡസനിലേറെ മോഡലുകളുമായി വിപണിയിൽ നിറഞ്ഞുനിൽക്കുകയാണ്. കൂടാതെ നിലവിൽ ഹ്യുണ്ടായി ഇന്ത്യയിൽ രണ്ട് ഇലക്ട്രിക് കാറുകളും വില്പന ചെയ്യുന്നുണ്ട്. ഹ്യുണ്ടായി ക്രെറ്റ ഇലക്ട്രിക്, ഹ്യുണ്ടായി അയോണിക് 5. എന്നാൽ, ഈ കാറുകളുടെ ഉയർന്ന വില (ക്രെറ്റ ഇലക്ട്രിക്കിന് 18.02 ലക്ഷം മുതൽ 24.70 ലക്ഷം വരെയും, അയോണിക് 5-ന് 46.05 ലക്ഷവും) സാധാരണക്കാർക്ക് താങ്ങാനാവാത്തതാണ്.

ALSO READ: മഹീന്ദ്ര ഥാർ ഇപ്പോൾ 9.99 ലക്ഷം രൂപയ്ക്ക്: പുത്തൻ 3 ഡോർ ഥാർ വിപണിയിൽ

അതേസമയം ഇന്ത്യയിൽ എൻട്രി ലെവൽ ഇലക്ട്രിക് വാഹനങ്ങൾക്ക് ഡിമാൻഡ് വർധിച്ചുവരുന്ന സാഹചര്യത്തിൽ, ഹ്യുണ്ടായി ഒരു ബജറ്റ് ഇലക്ട്രിക് കാർ വിപണിയിൽ അവതരിപ്പിക്കാൻ ഒരുങ്ങുകയാണ്. ഗാഡിവാഡിയുടെ റിപ്പോർട്ട് പ്രകാരം, ഈ പുതിയ ഇവി ടാറ്റ പഞ്ച് ഇവിയുമായി നേരിട്ട് മത്സരിക്കും. ഈ കുഞ്ഞൻ ഇലക്ട്രിക് കാറിൽ രണ്ട് ബാറ്ററി ഓപ്ഷനുകൾ ലഭ്യമാകും. 42 kWh ബാറ്ററി 300 കിലോമീറ്റർ റേഞ്ചും, 49 kWh ബാറ്ററി 355 കിലോമീറ്റർ റേഞ്ചും നൽകുമെന്നാണ് വിവരം.

ALSO READ: 26.78 കിമീ മൈലേജും, 6 പേർക്ക് സുഖമായി യാത്രയും ചെയ്യാം; മാരുതി ഈക്കോ ഒന്ന് വാങ്ങിയാലോ?

 

 

ഹ്യുണ്ടായിയുടെ ഈ പുതിയ ഇവി യൂറോപ്യൻ വിപണിയിലെ ഹ്യുണ്ടായി ഇൻസ്റ്റർ ഇവിയെ അടിസ്ഥാനമാക്കിയാണ് നിർമിക്കുക. പൂർണമായും ഇന്ത്യയിൽ നിർമിക്കുന്ന ഈ വാഹനം 2027-ഓടെ വിപണിയിൽ എത്തുമെന്നാണ് പ്രതീക്ഷ. ഹ്യുണ്ടായിയുടെ മറ്റ് വാഹനങ്ങളിൽ കാണുന്ന ഹൈടെക് ഫീച്ചറുകൾ ഈ കാറിലും ഉണ്ടാകും. ലെവൽ 2 അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം (ADAS), 360 ഡിഗ്രി ക്യാമറ, സൺറൂഫ്, വെന്റിലേറ്റഡ് സീറ്റുകൾ, വലിയ ടച്ച്സ്‌ക്രീൻ ഇൻഫോടെയ്ൻമെന്റ് സിസ്റ്റം, ഡിജിറ്റൽ ഇൻസ്ട്രുമെന്റ് ക്ലസ്റ്റർ തുടങ്ങിയവ ഉൾപ്പെടുത്താൻ സാധ്യതയുണ്ട്. കൂടാതെ, 6 എയർബാഗുകൾ, മറ്റ് നൂതന സുരക്ഷാ സംവിധാനങ്ങൾ എന്നിവ ബേസ് വേരിയന്റിൽ പോലും സ്റ്റാൻഡേർഡായി നൽകിയേക്കാം.

 

 

നിലവിൽ ടാറ്റ പഞ്ച് ഇവിയുടെ എക്‌സ്‌ഷോറൂം വില 9.99 ലക്ഷം മുതൽ 14.44 ലക്ഷം രൂപ വരെയാണ്. ഹ്യുണ്ടായിയുടെ പുതിയ ഇവിയും ഇതേ വില പരിധിയിൽ എത്തുമെന്നാണ് സൂചന. ഇത് ഹ്യുണ്ടായിയുടെ ഏറ്റവും വിലകുറഞ്ഞ ഇലക്ട്രിക് കാറായി മാറും. ഇൻസ്റ്റർ ഇവിക്ക് ശേഷം ഗ്രാൻഡ് i10 നിയോസ്, വെന്യു കോംപാക്ട് എസ്‌യുവി എന്നിവയുടെ ഇലക്ട്രിക് പതിപ്പുകളും ഹ്യുണ്ടായി അവതരിപ്പിക്കുമെന്നാണ് വിവരം. എക്‌സ്റ്റർ മൈക്രോ എസ്‌യുവിയുടെ ഇലക്ട്രിക് പതിപ്പിനെക്കുറിച്ച് നേരത്തെ റിപ്പോർട്ടുകൾ ഉണ്ടായിരുന്നെങ്കിലും അതിന്റെ പുതിയ വിവരങ്ങൾ ലഭ്യമല്ല.

കുറഞ്ഞ വിലയിൽ ഉയർന്ന റേഞ്ചും ആധുനിക ഫീച്ചറുകളും വാഗ്ദാനം ചെയ്യുന്ന ഹ്യുണ്ടായിയുടെ ഈ പുതിയ ഇലക്ട്രിക് കാർ, ഇന്ത്യയിലെ ഇവി പ്രേമികൾക്കിടയിൽ ഹിറ്റ് ആകുമെന്നാണ് പ്രതീക്ഷ.

Hyundai is set to launch an affordable compact electric car in India by 2027, targeting the mass market. Based on the Hyundai Inster EV, it will offer two battery options—42 kWh (300 km range) and 49 kWh (355 km range). Packed with features like Level 2 ADAS, a 360-degree camera, and six airbags, it aims to rival the Tata Punch EV, with prices expected between ₹9.99-14.44 lakh.