ഇന്ത്യയിലെ എസ്‌യുവി പ്രേമികൾകളോട് ഇഷ്ടപ്പെട്ട വാഹനം ഏതാണ് എന്ന് ചോദിച്ചാൽ മഹീന്ദ്ര ഥാറിന്റെ പേര് പറയാതിരിക്കാൻ കഴിയില്ല എന്നതാണ് സത്യം.  ഇപ്പോഴിതാ ഥാറിന്റെ പുതിയ മോഡൽ അതും പുതുരൂപത്തിൽ വിപണിയിലെത്തിയിരിക്കുകയാണ്. 2025 മോഡൽ 3-ഡോർ ഥാർ, 9.99 ലക്ഷം രൂപ എക്സ്ഷോറൂം വിലയ്ക്കാണ് മഹീന്ദ്ര അവതരിപ്പിച്ചിരിക്കുന്നത്.

ALSO READ: നമ്മൾ നമ്മുടെ മണ്ണിനെ പരിപാലിച്ചാൽ, അത് നമ്മെയും പരിപാലിക്കും'; എഞ്ചിനീയറിംഗ് പാതിവഴിയിൽ ഉപേക്ഷിച്ച യുവാവ് കൃഷിഭൂമിയിൽ നിന്ന് നേടുന്നത് ലക്ഷങ്ങൾ

മിഡ്-സൈക്കിൾ എൻഹാൻസ്‌മെന്റ്' (MCE) എന്ന് കമ്പനി വിശേഷിപ്പിക്കുന്ന ഈ പുതുക്കിയ പതിപ്പിന്റെ ബുക്കിംഗ് ആരംഭിച്ചതായും കമ്പനി അറിയിച്ചു. ഡെലിവറിയും ഉടൻ തുടങ്ങും. 2020-ലെ രണ്ടാം തലമുറയിൽപ്പെട്ട ഥാറിന്റെ വൻ വിജയത്തിന് പിന്നാലെ വിപണിയിൽ അവതരിപ്പിച്ച മോഡലായിരുന്നു 5-ഡോർ ഥാർ റോക്‌സ്. ഥാർ റോക്സിന് ലഭിച്ച ​ഗംഭീരമായ വരവേൽപ്പ് 3-ഡോർ മോഡലിന്റെ വിൽപ്പനയെ ചെറുതായി ബാധിച്ചിരുന്നു. എന്നാൽ, പുതിയ മുഖം മിനുക്കലോടെ 3-ഡോർ ഥാർ വീണ്ടും ആരാധകരെ ആകർഷിക്കാൻ വന്നിരിക്കുകയാണ്.

ALSO READ: 26.78 കിമീ മൈലേജും, 6 പേർക്ക് സുഖമായി യാത്രയും ചെയ്യാം; മാരുതി ഈക്കോ ഒന്ന് വാങ്ങിയാലോ?

 

 

ഡിസൈനിലെ മാറ്റങ്ങൾ

പുതിയ ഥാറിന്റെ ഡിസൈൻ പൂർണമായി മാറ്റുന്നതിന് പകരം, ചെറിയ കോസ്മെറ്റിക് അപ്‌ഡേറ്റുകളാണ് മഹീന്ദ്ര ഒരുക്കിയിരിക്കുന്നത്. മുൻവശത്ത് ഡ്യുവൽ-ടോൺ ബമ്പറും ബോഡി-കളർ ഗ്രില്ലും പഴയ ബ്ലാക്ക് ഫിനിഷിനെ മാറ്റിസ്ഥാപിച്ചിട്ടുണ്ട്. വശങ്ങളിൽ ക്ലാസിക് ഥാർ ശൈലി നിലനിർത്തിയിട്ടുണ്ട്. പിൻഭാഗത്ത്, റിയർ വൈപ്പറിനൊപ്പം വാഷറും റിയർവ്യൂ ക്യാമറയും ചേർത്ത് വാഹനത്തിന് കൂടുതൽ പ്രായോഗികത കൈവരുത്തിയിട്ടുണ്ട്. ഥാർ റോക്‌സിന്റെ സവിശേഷതകളെ പ്രതിഫലിപ്പിക്കുന്നവയാണ് ഈ മാറ്റങ്ങൾ. എന്നാൽ ഥാറിന്റെ പരുക്കൻ ഓഫ്-റോഡ് സ്വഭാവം അതേപടി പുതിയ 3 ഡോർ നിലനിർത്തുന്നുണ്ട്. അതുകൊണ്ട് ഓഫ്റോഡ് പ്രേമികൾക്ക് ടെൻഷൻ അടിക്കേണ്ട ആവശ്യം ഇല്ല. വെറും 10 ലക്ഷത്തിനുള്ളിൽ എക്സ്ഷോറൂം വിലയിൽ ഥാർ സ്വന്തമാക്കാം.

ALSO READ: ഹ്യുണ്ടായിയുടെ കുഞ്ഞൻ ഇലക്ട്രിക് കാർ വരുന്നു: ടാറ്റ പഞ്ച് ഇവിക്ക് വെല്ലുവിളി?

പുതിയ നിറങ്ങൾ

പുതിയ ഥാറിന് രണ്ട് പുതിയ കളർ ഓപ്ഷനുകളും കൂട്ടിച്ചേർത്തിട്ടുണ്ട്: ബാറ്റിൽഷിപ്പ് ഗ്രേ, ടാങ്കോ റെഡ്. ഇതോടൊപ്പം, ഗാലക്സി ഗ്രേ, സ്റ്റെൽത്ത് ബ്ലാക്ക്, ഡീപ് ഫോറസ്റ്റ്, എവറസ്റ്റ് വൈറ്റ് എന്നീ നിറങ്ങളും തുടർന്നും ലഭ്യമാണ്.

ഇന്റീരിയർ അപ്‌ഗ്രേഡുകൾ

ഥാറിന്റെ ക്യാബിനിൽ ശ്രദ്ധേയമായ മാറ്റങ്ങൾ കാണാം. പഴയ ചെറിയ ഇൻഫോടെയ്ൻമെന്റ് സിസ്റ്റത്തിന് പകരം 10.25 ഇഞ്ച് ടച്ച്‌സ്‌ക്രീൻ സിസ്റ്റം അവതരിപ്പിച്ചു. 'അഡ്വഞ്ചർ സ്റ്റാറ്റിസ്റ്റിക്സ് 2' ഫീച്ചർ ഉൾപ്പെടുത്തിയ ഈ സിസ്റ്റം, ഓഫ്-റോഡ് ഡ്രൈവിംഗിന് ആവശ്യമായ ടെറൈൻ, ആംഗിൾ, സ്ലോപ്പ് തുടങ്ങിയ വിവരങ്ങൾ നൽകും. സ്റ്റിയറിംഗ് വീലും പരിഷ്കരിച്ചു, സെന്റർ കൺസോൾ പുനർനിർമിച്ച് പിൻവശത്തെ എസി വെന്റുകൾ ഇതിലേക്ക് മാറ്റി. വിൻഡോ സ്വിച്ചുകൾ ഇപ്പോൾ ഡോറുകളിലാണ്. ഈ അപ്‌ഡേറ്റുകൾ ഥാറിന്റെ ഇന്റീരിയറിനെ കൂടുതൽ പ്രായോഗികവും ആധുനികവുമാക്കുന്നു.

ALSO READ: ഓട്ടോയിൽ യാത്ര ചെയ്ത വയോധികന്റെ ഫോൺപേ ഉപയോ​ഗിച്ച് അക്കൗണ്ടിൽ നിന്ന് തട്ടിയെടുത്തത് 1.95 ലക്ഷം രൂപ; സഹയാത്രക്കാരെ പിടികൂടി പൊലിസ്

എഞ്ചിൻ ഓപ്ഷനുകൾ

എഞ്ചിൻ ഓപ്ഷനുകളിൽ മാറ്റമില്ല. 2.0 ലിറ്റർ ടർബോ പെട്രോൾ (150 bhp, 320 Nm ടോർക്ക്), 2.2 ലിറ്റർ ഡീസൽ (130 bhp, 300 Nm ടോർക്ക്) എന്നിവയാണ് പ്രധാന എഞ്ചിനുകൾ. റിയർ-വീൽ ഡ്രൈവ് പതിപ്പിൽ 1.5 ലിറ്റർ ഡീസൽ എഞ്ചിനും ലഭ്യമാണ്. 6-സ്പീഡ് മാനുവൽ, 6-സ്പീഡ് ഓട്ടോമാറ്റിക് ട്രാൻസ്മിഷനുകൾക്കൊപ്പം, 2H, 4H, 4L മോഡുകൾക്കിടയിൽ മാറാൻ കഴിയുന്ന ലോ-റേഞ്ച് ട്രാൻസ്ഫർ കേസുള്ള 4x4 സിസ്റ്റവും തുടരുന്നു.

പുതിയ ഥാർ 3-ഡോർ, 5-ഡോർ റോക്‌സിനോട് കിടപിടിക്കുന്ന ഫീച്ചറുകളും മിതമായ വിലയും കൊണ്ട് വിപണിയിൽ വീണ്ടും തരംഗമാകാൻ ഒരുങ്ങുകയാണ്. 

The 2025 Mahindra Thar 3-Door, priced at ₹9.99 lakh (ex-showroom), brings subtle upgrades with a dual-tone bumper, body-colored grille, and a 10.25-inch touchscreen. Retaining its rugged charm, it offers new colors and enhanced interiors while keeping the same powerful engine options. Bookings are open, and deliveries start soon!