അഹമ്മദാബാദ്: ഇന്ത്യയുടെ ഓസ്ട്രേലിയൻ പര്യടനത്തിനുള്ള ഏകദിന ടി20 സ്ക്വാഡുകളെ പ്രഖ്യാപിച്ചു. ഒക്ടോബർ 19-നാണ് ഓസ്ട്രേലിയക്കെതിരായ ഏകദിന മത്സരങ്ങളാരംഭിക്കുന്നത്. മൂന്ന് മത്സരങ്ങളാണ് പരമ്പരയിലുള്ളത്. അതേസമയം, പരമ്പരയിൽ രോഹിത് ശർമയ്ക്ക് പകരം ശുഭ്മാൻ ഗിൽ ഇന്ത്യൻ ഏകദിന ക്രിക്കറ്റ് ടീമിന്റെ ക്യാപ്റ്റനായി ചുമതലയേൽക്കും. രോഹിത് ശർമയും വിരാട് കോലിയും ബാറ്റർമാരായി ടീമിൽ തുടരും. 2025 ചാമ്പ്യൻസ് ട്രോഫിക്ക് ശേഷം ആദ്യമായി ഇരുവരും ഇന്ത്യൻ ജേഴ്സിയിൽ കളിക്കുന്നത്.

ALSO READ: ഒടുവിൽ ധോണിയേയും വെട്ടിവീഴ്ത്തി; ചരിത്ര റെക്കോർഡിൽ സർ ജഡേജയുടെ തേരോട്ടം

2021 ഡിസംബർ മുതൽ രോഹിത് ശർമ ഇന്ത്യയുടെ ഏകദിന ക്യാപ്റ്റനായിരുന്നു. അദ്ദേഹം 56 ഏകദിന മത്സരങ്ങളിൽ ടീമിനെ നയിച്ചു, അതിൽ 42 എണ്ണത്തിൽ വിജയം നേടി, 12 മത്സരങ്ങളിൽ പരാജയപ്പെട്ടു, ഒരു മത്സരം ടൈയിലും മറ്റൊന്ന് ഫലമില്ലാതെയും അവസാനിച്ചു. താൽക്കാലിക ക്യാപ്റ്റനായി 2018-ലെ ഏഷ്യാ കപ്പിൽ ഇന്ത്യയെ കിരീടത്തിലേക്ക് നയിച്ച അദ്ദേഹം, പിന്നീട് പൂർണസമയ ക്യാപ്റ്റനായി 2023-ലെ ഏഷ്യാ കപ്പും നേടി. രോഹിതിന്റെ നേതൃത്വത്തിൽ ഇന്ത്യ 2023 ഏകദിന ലോകകപ്പ് ഫൈനലിൽ എത്തി. കൂടാതെ, ചാമ്പ്യൻസ് ട്രോഫി വിജയവും അദ്ദേഹത്തിന്റെ ക്യാപ്റ്റൻസിയിൽ ഇന്ത്യ സ്വന്തമാക്കി.

ഇന്ത്യയുടെ ഏകദിന ടീം: ശുഭ്‌മാൻ ഗിൽ (c), രോഹിത് ശർമ്മ, വിരാട് കോഹ്‌ലി, ശ്രേയസ് അയ്യർ (vc), അക്‌സർ പട്ടേൽ, കെ എൽ രാഹുൽ (WK), നിതീഷ് കുമാർ റെഡ്ഡി, വാഷിം​ഗ്ടൺ സുന്ദർ, കുൽദീപ് യാദവ്, ഹർഷിത് റാണ, മുഹമ്മദ് സിറാജ്, അർഷ്‌ദീപ് സിം​ഗ്, പ്രസിദ് കൃഷ്ണ, ധ്രുവ് ജുറേൽ (WK), യശ്വസി ജയ്സ്വാൾ.

ALSO READ: ചരിത്രത്തിൽ മൂന്നാമൻ; ധോണി വാഴുന്ന റെക്കോർഡ് ലിസ്റ്റിൽ രാജസ്ഥാന്റെ തുറുപ്പ്ചീട്ട്

ഇന്ത്യയുടെ ടി20 ടീം: സൂര്യകുമാർ യാദവ് (c), അഭിഷേക് ശർമ, ശുഭ്‌മാൻ ഗിൽ (vc), തിലക് വർമ്മ, നിതീഷ് കുമാർ റെഡ്ഡി, ശിവം ദുബെ, അക്‌സർ പട്ടേൽ, ജിതേഷ് ശർമ (WK), വരുൺ ചക്രവർത്തി, ജസ്പ്രീത് ബുംറ, അർഷ്ദീപ് സിംഗ്, കുൽദീപ് യാദവ്, ഹർഷിത് റാണ, സഞ്ജു സാംസൺ, റിം​ഗു സിം​ഗ്, വാഷിം​ഗ്ടൺ സുന്ദർ.

The Indian cricket team has announced its squad for the upcoming ODI series against Australia, which is set to begin on October 19. The series will feature three matches, with the team aiming to build momentum ahead of the 2027 World Cup