പട്‌ന: ബലാത്സംഗക്കേസില്‍ ഭോജ്പൂരി നടനും യൂട്യൂബറുമായ മണി മെരാജ് അറസ്റ്റില്‍. ബലാത്സംഗം, നിര്‍ബന്ധിത മതപരിവര്‍ത്തനം, ഗര്‍ഭഛിദ്രം, വഞ്ചന എന്നീ കുറ്റങ്ങളാണ് പ്രതിക്കെതിരെ ചുമത്തിയിട്ടുള്ളത്. വനിത യൂട്യൂബറുടെ പരാതിയിലാണ് അറസ്റ്റ്. ഇയാള്‍ ഐപിഎല്‍ മത്സരങ്ങള്‍ക്ക് ഭോജ്പൂരി ഭാഷയില്‍ കമന്ററി പറയുകയും ചെയ്തിട്ടുണ്ടെന്ന് പൊലിസ് അറിയിച്ചു.

സഹപ്രവര്‍ത്തകയും, വനിത യൂട്യൂബറുമായ പെണ്‍കുട്ടി നല്‍കിയ പരാതിയിലാണ് നടനെ ഗാസിയാബാദ് പൊലിസ് അറസ്റ്റ് ചെയ്തത്. സാമൂഹിക മാധ്യമങ്ങളിലെ കോമഡി വീഡിയോകളിലൂടെയാണ് ഇയാള്‍ പ്രശസ്തി നേടുന്നത്. സോഷ്യല്‍ മീഡിയയില്‍ വൈറലായതിന് ശേഷം ഭോജ്പൂരി സിനിമകളിലും ഇയാള്‍ അഭിനയിച്ചിട്ടുണ്ട്. ജിയോ ടിവിക്ക് വേണ്ടി ഐപിഎല്ലിന്റെ ഭോജ്പൂരി കമന്റേറ്ററായും ഇയാള്‍ പിന്നീട് തിളങ്ങി. 

പെണ്‍കുട്ടിയുടെ പരാതി

മണി മെരാജ് എന്ന വ്യാജ ഐഡന്റി ഉപയോഗിച്ച് തന്നോട് സൗഹൃദം സ്ഥാപിച്ച പ്രതി വിവാഹ വാഗ്ദാനം നല്‍കി പലതവണ ബലാത്സംഗം ചെയ്‌തെന്നാണ് യുവതി നല്‍കിയ പരാതി. നിര്‍ബന്ധിച്ച് മയക്ക് മരുന്ന് നല്‍കിയും, പ്രകൃതി വിരുദ്ധ പീഢനത്തിന് ഇരയാക്കിയെന്നും യുവതി പരാതിയില്‍ പറയുന്നു. മാത്രമല്ല മതം മാറാനും, ഗര്‍ഭച്ഛിദ്രത്തിനും നിര്‍ബന്ധിക്കുകയും ചെയ്‌തെന്നും വനിത യൂട്യൂബര്‍ നല്‍കിയ പരാതിയില്‍ പറയുന്നു.

ALSO READ: ​ഗസ്സയിൽ വെടിനിർത്താൻ ആവശ്യപ്പെട്ട് ഈജിപ്തിൽ ചർച്ച: സ്വതന്ത്ര ഫലസ്തീൻ രാഷ്ട്രം സൃഷ്ടിക്കപ്പെടാതെ മിഡിൽ ഈസ്റ്റിൽ യഥാർത്ഥ സമാധാനം കൈവരിക്കാനാവില്ലെന്ന് ഈജിപ്ത് പ്രസിഡന്റ് അബ്ദുൾ ഫത്താഹ്