തിരക്കേറിയ റോഡുകളിലൂടെയുള്ള യാത്രകൾക്കും മികച്ച റേഞ്ചും ലഭിക്കുന്ന ഒരു ഇല്ക്ട്രിക് സ്കൂട്ടർ അന്വേഷിക്കുന്നവരാണോ നിങ്ങൾ, എങ്കിൽ ഏറ്റവും അനുയോജ്യമായ ഒരു ഇലക്ട്രിക് സ്കൂട്ടറാണ് ഏഥർ റിസ്ത. പ്രത്യേകിച്ച് കുടുംബത്തോടൊപ്പമുള്ള യാത്രകൾ പോകുമ്പോൾ പലരും ഇലക്ട്രിക് സ്കൂട്ടറുകളോട് ചെറിയ മടികാണിക്കുന്നുണ്ട്. എവിടെയെങ്കിലും വണ്ടി നിന്ന് പോകുമോ, എന്തെങ്കിലും തകരാറുകൾ സംഭവിക്കുമോ തുടങ്ങിയ ആശങ്കകൾ ചിലരിൽ കാണാം. എന്നാൽ ഏഥർ റിസ്ത ഒരു കാറിന്റെ സുഖസൗകര്യങ്ങൾ ആണ് വാഗ്ദാനം ചെയ്യുന്നത് എന്ന് പറഞ്ഞാൽ നിങ്ങൾ വിശ്വസിക്കുമോ? സുഖസൗകര്യം, വിശാലമായ ഇടം, സുരക്ഷ, മികച്ച റേഞ്ച്, സ്മാർട്ട് ഫീച്ചറുകൾ എന്നിവയുടെ സമന്വയമാണ് ഈ സ്കൂട്ടറിനെ വിപണിയിൽ മറ്റ് ഇലക്ട്രിക് സ്കൂട്ടറുകളിൽ നിന്ന് വേറിട്ടു നിർത്തുന്നത്.

ALSO READ: റോൾസ് റോയ്സിന് പിന്നാലെ 3.2 കോടിയുടെ കാറും വാടകയ്ക്ക് നൽകി ​ബെം​ഗളൂരുവിലെ ബാർബർ 

സുഖസൗകര്യവും വിശാലതയും

900 മില്ലിമീറ്റർ നീളമുള്ള സീറ്റാണ് റിസ്തയിൽ ഉൾപ്പെടുത്തിയിരിക്കുന്നത്. ഇത് രണ്ടുപേർക്ക് സുഖകരമായ യാത്ര ഉറപ്പാക്കുന്നുണ്ട്. ഉയരം കൂടിയവർക്കും അല്ലാത്തവർക്കും ഒരുപോലെ അനുയോജ്യമായ ഫ്ലാറ്റ് ഫ്ലോർബോർഡ് യാത്രയെ കുറച്ചും കൂടെ എളുപ്പമാക്കുന്നു. സ്റ്റോറേജിന്റെ കാര്യത്തിൽ, 34 ലിറ്റർ അണ്ടർസീറ്റ് സ്റ്റോറേജും ഓപ്ഷണൽ 22 ലിറ്റർ ഫ്രങ്കും ചേർന്ന് 56 ലിറ്റർ വരെ സംഭരണശേഷി ലഭിക്കും. ഹെൽമറ്റ്, ഗ്രോസറി ബാഗുകൾ, കുട്ടികളുടെ സാധനങ്ങൾ എന്നിവ എളുപ്പത്തിൽ സൂക്ഷിക്കാൻ ഇത് സഹായിക്കുന്നു.

ALSO READ: ട്രെയിൻ ടിക്കറ്റ് ബുക്കിംഗിൽ വൻ മാറ്റവുമായി ഇന്ത്യൻ റെയിൽവേ: കൺഫേം ടിക്കറ്റിന്റെ യാത്രാ തീയതി ഇനി ഫീസില്ലാതെ മാറ്റാം

photo credit : ATHER

 

വിലയും വേരിയന്റുകളും

നിലവിൽ 1.04 ലക്ഷം മുതൽ 1.42 ലക്ഷം രൂപ വരെയാണ് ഏഥർ റിസ്തയുടെ എക്സ്ഷോറൂം വില. S, Z 2.9 kWh, Z 3.7 kWh എന്നീ മൂന്ന് വേരിയന്റുകളിൽ ഈ ഫാമിലി സ്കൂട്ടർ ലഭ്യമാണ്. 2.9 kWh ബാറ്ററി പായ്ക്ക് S, Z വേരിയന്റുകളിൽ 123 കിലോമീറ്റർ (IDC) റേഞ്ച് നൽകുമ്പോൾ, 3.7 kWh ബാറ്ററി പായ്ക്ക് Z വേരിയന്റിൽ 159 കിലോമീറ്റർ (IDC) റേഞ്ച് വാഗ്ദാനം ചെയ്യുന്നു.

പെർഫോമൻസും വേഗതയും

4.3 kW (5.7 bhp) പവറിൽ 22 Nm ടോർക്ക് ഉത്പാദിപ്പിക്കാൻ ശേഷിയുള്ളതാണ് റിസ്തയുടെ മോട്ടോർ. 4.7 സെക്കൻഡിനുള്ളിൽ 0-40 കിലോമീറ്റർ വേഗത കൈവരിക്കാനും ഈ സ്കൂട്ടറിന് കഴിയും. എന്നാൽ, എല്ലാ വേരിയന്റുകളുടെയും പരമാവധി വേഗത 80 കിലോമീറ്ററായി ഏഥർ എനർജി പരിമിതപ്പെടുത്തിയിട്ടുണ്ട്.

സ്മാർട്ട് ഫീച്ചറുകളുടെ ലോകം

ഏഥർ റിസ്തയുടെ ഫീച്ചറുകൾ ശ്രദ്ധേയമാണ്. മാജിക് ട്വിസ്റ്റ്, റീജനറേറ്റീവ് ബ്രേക്കിംഗ് സിസ്റ്റം, ടേൺ-ബൈ-ടേൺ നാവിഗേഷൻ, സ്മാർട്ട്ഫോൺ കണക്റ്റിവിറ്റി, 7 ഇഞ്ച് ടച്ച്സ്ക്രീൻ, വാട്ട്സ്ആപ്പ് നോട്ടിഫിക്കേഷനുകൾ, അലക്സ വോയ്സ് അസിസ്റ്റന്റ്, സ്കിഡ് കൺട്രോൾ, മോണോ-എൽഇഡി ഹെഡ്‌ലാമ്പ്, എൽഇഡി ടെയിൽ ലൈറ്റുകൾ, 34 ലിറ്റർ കാർഗോ ഏരിയ, ഫ്രണ്ട് ഡിസ്ക് ബ്രേക്ക്, എമർജൻസി സ്റ്റോപ്പ് സിഗ്നൽ, 12 ഇഞ്ച് അലോയ് വീലുകൾ എന്നിവ ഇതിനെ സെഗ്മെന്റിൽ മികച്ച ഒന്നാക്കി മാറ്റുന്നു.

ഏഥർ റിസ്ത വിപണിയിലെത്തി ഒരു വർഷത്തിനുള്ളിലാണ് 1 ലക്ഷം യൂണിറ്റ് വിൽപ്പന എന്ന നാഴികക്കല്ല് കൈവരിച്ചിരിക്കുന്നത്. ഇന്ത്യയിലെ കുടുംബങ്ങൾക്കിടയിൽ വിശ്വാസ്യത, സുഖസൗകര്യങ്ങൾ, പ്രായോഗികത എന്നിവയിലൂടെയാണ് ഈ സ്കൂട്ടർ വൻ സ്വീകാര്യത നേടിയത്. വിപണിയിലെ പ്രമുഖരോട് മത്സരിച്ച് ഈ നേട്ടം കൈവരിച്ചത് റിസ്തയുടെ ഗുണമേന്മയുടെ തെളിവാണ്.