കോഴിക്കോട്: പേരാമ്പ്രയിൽ കോളേജ് യൂണിയൻ തെരഞ്ഞെടുപ്പുമായി ബന്ധപ്പെട്ട തർക്കത്തെ തുടർന്ന് യുഡിഎഫ് പ്രഖ്യാപിച്ച ഹർത്താലിനിടെ ഉണ്ടായ പ്രതിഷേധ പ്രകടനങ്ങൾക്ക് നേരെ പൊലിസിന്റെ ലാത്തിച്ചാർജ്ജ്. സംഘർഷത്തിൽ വടകര എംപി ഷാഫി പറമ്പിലിനും ഡിസിസി പ്രസിഡന്റ് പ്രവീൺ കുമാറിനും പരുക്കേറ്റു. വൈകിട്ട് ആറിനു ശേഷം യുഡിഎഫ് നടത്തിയ പ്രകടനത്തിന് നേരെ പൊലിസ് ലാത്തിച്ചാർജും കണ്ണീർവാതക പ്രയോഗവും നടത്തുകയായിരുന്നു.

 

 

ഷാഫി പറമ്പിൽ എംപിയെ മർദിച്ച പൊലിസിന്റെ ഏകപക്ഷീയമായ നടപടിക്കെതിരെ രൂക്ഷ പ്രതികരണവുമായി കോൺഗ്രസ് എംഎൽഎ രാഹുൽ മാങ്കൂട്ടത്തിൽ രംഗത്തെത്തി. ഫേസ്ബുക്കിലൂടെ പ്രതികരിച്ച അദ്ദേഹം, "അയ്യപ്പന്റെ സ്വർണം കട്ടത്ത് മറക്കാനാണ് വിജയന്റെ പൊലിസും വിജയന്റെ പാർട്ടിക്കാരും ഈ ചോര വീഴ്ത്തിയതെങ്കിൽ, പേരാമ്പ്ര മാത്രമല്ല, കേരളത്തിൽ തന്നെ വീഴും ഈ കമ്മ്യൂണിസ്റ്റ് സർക്കാർ. ഷാഫി പറമ്പിലിന്റെ ചോരയ്ക്ക് ഈ നാട് മറുപടി പറയും" എന്ന് ഫേസ്ബുക്കിൽ കുറിച്ചു. ശബരിമല ക്ഷേത്രത്തിലെ സ്വർണ നഷ്ടവുമായി ബന്ധപ്പെട്ട വിവാദത്തെ സൂചിപ്പിച്ചാണ് രാഹുൽ മാങ്കൂട്ടത്തിലിന്റെ പ്രതികരണം. ശബരിമലയിലെ സ്വർണം നഷ്ടപ്പെട്ടതായി ആരോപണങ്ങൾ ഉയർന്നിരുന്നു, ഇതുമായി ബന്ധപ്പെട്ട് കേരള ഹൈക്കോടതി പ്രത്യേക അന്വേഷണ സംഘത്തിന് നിർദേശം നൽകിയിരുന്നു. ഈ വിവാദം സംസ്ഥാനത്ത് രാഷ്ട്രീയ പ്രതിഷേധങ്ങൾക്ക് വഴിയൊരുക്കിയിരുന്നു, ബിജെപിയും കോൺഗ്രസും മന്ത്രിമാരുടെ രാജി ആവശ്യപ്പെട്ട് പ്രതിഷേധിച്ചു.

സികെജി കോളേജിലെ യൂണിയൻ തെരഞ്ഞെടുപ്പിനിടെയാണ് ഇന്നലെ സംഘർഷമുണ്ടായത്. ഇതിന്റെ തുടർച്ചയായി യുഡിഎഫ് പേരാമ്പ്രയിൽ ഇന്ന് ഹർത്താൽ ആചരിച്ചിരുന്നു. വൈകുന്നേരം യുഡിഎഫും സിപിഐഎമ്മും നടത്തിയ മാർച്ച് ആണ് സംഘർഷാവസ്ഥയിലേക്ക് നീങ്ങിയത്. ഇടിനിടെ കോൺഗ്രസ് പ്രവർത്തകർക്ക് നേരെ പൊലിസ് ലാത്തി വീശുകയും തുടർന്ന് കണ്ണീർവാതകം പ്രയോഗിക്കുകയും ചെയ്തു. 

In Perambra, Kozhikode, a clash erupted during UDF-LDF protests over a college union election dispute, leading to a police lathicharge and tear gas use. Vadakara MP Shafi Parambil and DCC president Praveen Kumar were injured. Congress MLA Rahul Mankootathil condemned the police's actions, alleging they were protecting interests linked to the Sabarimala gold controversy, vowing that the state would respond to this injustice.