മസ്കത്ത്: അൽ വുസ്ത ഗവർണറേറ്റിൽ അനധികൃതമായി യാത്രക്കാരെ കൊണ്ടുപോയ ഡ്രൈവറെ അറസ്റ്റ് ചെയ്ത് റോയൽ ഒമാൻ പൊലിസ് (ROP).  സുരക്ഷിതമല്ലാത്തതും അനധികൃതവുമായ ഗതാഗത രീതികൾക്കെതിരെ രാജ്യവ്യാപകമായി നടപ്പാക്കുന്ന നടപടികളുടെ ഭാഗമായാണ് അറസ്റ്റ്. 

ലൈസൻസ് ഇല്ലാത്ത വാഹനങ്ങൾ ഉപയോഗിച്ച് യാത്രക്കാരെ കൊണ്ടുപോകുന്ന നിരവധി സ്വകാര്യ ഡ്രൈവർമാരെ പൊലിസ് തടഞ്ഞു. ഇത് പൊതുസുരക്ഷയ്ക്ക് അപകടമുണ്ടാക്കുന്ന ഒരു ലംഘനമാണ്. ഇതിൽ ഉൾപ്പെട്ടവർക്കെതിരെ നിയമനടപടികൾ ആരംഭിച്ചിട്ടുണ്ടെന്ന് അധികൃതർ വ്യക്തമാക്കി. 

ALSO READ: കാലാവധി കഴിഞ്ഞ ലൈസൻസുപയോ​ഗിച്ച് വാഹനമോടിച്ചു, മറ്റുള്ളവരുടെ സ്വത്തുക്കൾക്ക് കേടുപാടുകൾ വരുത്തി; ഏഷ്യൻ പൗരന് 10000 ദിർഹം പിഴയിട്ട് ദുബൈ കോടതി

ഇത്തരം പെരുമാറ്റം അശ്രദ്ധവും അപകടകരവുമാണെന്ന് ROP വ്യക്തമാക്കി. സ്വകാര്യ വാഹനങ്ങൾ വാണിജ്യ യാത്രക്കാർക്കായി ഉപയോഗിക്കുന്നതിന് അനുവാദമില്ലെന്ന് ROP ചൂണ്ടിക്കാട്ടി.

“ഇത്തരം രീതികൾ ജീവനപകടത്തിലാക്കുക മാത്രമല്ല, ഗതാഗത സംവിധാനത്തെയും, റോഡ് സുരക്ഷാ മാനദണ്ഡങ്ങളെയും ദുർബലപ്പെടുത്തുകയും ചെയ്യുന്നു,” ROP പ്രസ്താവനയിൽവ്യക്തമാക്കി. 

എല്ലാ ഡ്രൈവർമാരും ഗതാഗത നിയന്ത്രണങ്ങൾ പാലിക്കണം. കൂടാതെ, സ്വകാര്യ വാഹനങ്ങൾ വാണിജ്യ യാത്രാ ആവശ്യങ്ങൾക്ക് ഉപയോ​ഗിക്കരുത്, ഡ്രൈവർമാരോട് പൊലിസ് ആവശ്യപ്പെട്ടു.

The Royal Oman Police (ROP) has arrested a driver in Al Wusta Governorate for transporting passengers illegally. This arrest is part of a nationwide crackdown on unsafe and unauthorized transport practices, emphasizing public safety and road safety standards