ദുബൈ: യു.എ.ഇയിലെ മലയാള മാധ്യമ ലോകത്ത് ചുരുങ്ങിയ കാലത്തിനുള്ളില്‍ സത്യസന്ധമായ നിലപാടുകളുയര്‍ത്തിപ്പിടിച്ച് മൂല്യാധിഷ്ഠിത പത്രപ്രവര്‍ത്തനത്തിലൂടെ സക്രിയ സാന്നിധ്യമായി മുന്നേറുന്ന ഗള്‍ഫ് സുപ്രഭാതത്തിന്റെ ഒന്നാം വാര്‍ഷികാഘോഷ ഭാഗമായി മീഡിയ സെമിനാറും ഡിജിറ്റല്‍ മീഡിയ ലോഞ്ചിങ്ങും സംഘടിപ്പിക്കുന്നു. നവംബര്‍ രണ്ടിന് വൈകിട്ട് നാലു മുതല്‍ ദുബൈ ഊദ് മേത്തയിലെ അല്‍ നസ്ര്‍ ലിഷര്‍ ലാന്റ് ഓഡിറ്റോറിയത്തിലാണ് വിപുലമായ പരിപാടി.
സമാനതകളില്ലാത്ത ബഹുമുഖ മുന്നേറ്റത്തിന്റെ പ്രൗഢ പാരമ്പര്യമുള്ള സമസ്ത കേരള ജംഇയ്യത്തുല്‍ ഉലമയുടെ ലക്ഷ്യവും നവജാഗരണ വഴികളും അന്താരാഷ്ട്ര തലത്തില്‍ പരിചയപ്പെടുത്തുക എന്ന ലക്ഷ്യത്തോടെ സമസ്ത നൂറാം വാര്‍ഷിക പ്രചാരണോദ്ഘാടന സമ്മേളനവും ഇതിനോടനുബന്ധിച്ച് നടക്കും. സമസ്തയുടെ സമുന്നതരായ നേതാക്കള്‍, കേന്ദ്ര മുശാവറ അംഗങ്ങള്‍ അടക്കമുള്ളവരുടെ സാന്നിധ്യത്തില്‍ നടക്കുന്ന സമ്മേളനം പ്രവാസ ലോകത്ത് വൈജ്ഞാനിക ധാര്‍മിക സാംസ്‌കാരിക മുന്നേറ്റങ്ങള്‍ക്ക് കരുത്തേകും.

ഡിജിറ്റല്‍ രംഗത്തും സോഷ്യല്‍ മീഡിയ പ്ലാറ്റ്‌ഫോമുകളിലും പുതിയ കാലത്ത് വളര്‍ന്നുവരുന്ന നവീന സാധ്യതകള്‍ ക്രിയാത്മകമായി ഉപയോഗപ്പെടുത്തി ജി.സി.സി കേന്ദ്രീകരിച്ച് ഇപേപ്പര്‍ അടക്കമുള്ള കാലോചിത പദ്ധതികളാണ് ഗള്‍ഫ് സുപ്രഭാതം ഡിജിറ്റല്‍ മീഡിയ ലോഞ്ചിങ്ങിലൂടെ ലക്ഷ്യം വയ്ക്കുന്നത്. പ്രമുഖ മാധ്യമ പ്രവര്‍ത്തകരും ചിന്തകരും എഴുത്തുകാരും പങ്കെടുക്കുന്ന മീഡിയ സെമിനാര്‍ പ്രവാസ മാധ്യമ രംഗത്തെ പുതിയ ചിന്തകള്‍ക്കും കാല്‍വയ്പ്പുകള്‍ക്കും ആവിഷ്‌കാരങ്ങള്‍ക്കും പുതിയ ഊര്‍ജവും പ്രതീക്ഷയും പകരുന്നതാണ്.

കേരളീയ മുസ്‌ലിംകളുടെ ബഹുമുഖ വളര്‍ച്ചയില്‍ ക്രിയാത്മക സ്വാധീനം ചെലുത്താന്‍ ഭാഗ്യം ലഭിച്ച യു.എ.ഇയിലെ പ്രവാസി മലയാളികള്‍ക്ക് ഈ ചരിത്ര സംഗമത്തിലൂടെ മുന്നേറ്റത്തിന്റെ പുതിയൊരു അധ്യായത്തിന് തുടക്കം കുറിക്കാന്‍ സാധ്യമാകുമെന്നും സമസ്തയുടെ സന്ദേശങ്ങള്‍ അന്താരാഷ്ട്ര തലത്തില്‍ പരിചയപ്പെടുത്താനുള്ള ശ്രമങ്ങള്‍ക്ക് കരുത്തുപകരണമെന്നും പ്രോഗ്രാം വിജയത്തിനായി എല്ലാവരും രംഗത്തിറങ്ങണമെന്നും സംഘാടക സമിതി ചെയര്‍മാന്‍ സയ്യിദ് പൂക്കോയ തങ്ങള്‍ അല്‍ ഐന്‍, വര്‍ക്കിങ് ചെയര്‍മാന്‍ അബ്ദുല്‍ ജലീല്‍ ദാരിമി, ജനറല്‍ കണ്‍വീനര്‍ അബ്ദുറഹ്മാന്‍ തങ്ങള്‍ അബൂദബി, ട്രഷറര്‍ അബൂബക്കര്‍ ഹാജി കുറ്റിക്കോല്‍ എന്നിവര്‍ പറഞ്ഞു.

പ്രോഗ്രാം പോസ്റ്റര്‍ ദുബൈ സുന്നി സെന്ററില്‍ നടന്ന ചടങ്ങില്‍ അബ്ദുല്‍ ജലീല്‍ ദാരിമി വടക്കേക്കാട് ബഷീര്‍ മണ്ണില്‍തൊടിക്ക് നല്‍കി പ്രകാശനം ചെയ്തു. സയ്യിദ് സക്കീര്‍ ഹുസൈന്‍ തങ്ങള്‍, അബ്ദുല്‍ ഖാദര്‍ ഫൈസി, ഹുസൈന്‍ ദാരിമി, ഷൗക്കത്ത് ഹുദവി, പി.പി ഇബ്രാഹീം ഫൈസി, യൂസുഫ് ഹാജി കല്ലേരി, കെ.ടി അബ്ദുല്‍ ഖാദര്‍ മൗലവി, ഷറഫുദ്ദീന്‍ ഹുദവി, ശാനിഫ് ബാഖവി, ജമാല്‍ ഹാജി, അലി ഫൈസി, ഹസന്‍ രാമന്തളി, ഫാസില്‍ മെട്ടമ്മല്‍, സഈദ് തളിപ്പറമ്പ, എം.എ സലാം റഹ്മാനി, അബ്ദുല്‍ ഖാദര്‍ അസ്അദി, കബീര്‍ അസ്അദി, ജലീല്‍ എടക്കുളം, റിയാസ് അശ്അരി, ഉസ്മാന്‍ പറമ്പത്ത്, സലാം വെട്ടത്തൂര്‍, മദ്രസ അധ്യാപകര്‍, എസ്.കെ.എസ്.എസ്.എഫ് സ്റ്റേറ്റ്ജില്ലാ ഭാരവാഹികള്‍, വിഖായ നേതാക്കള്‍ പങ്കെടുത്തു.

ALSO READ: യാത്രാദുരിതത്തിന് താല്‍കാലിക ആശ്വാസം; തിരുവനന്തപുരം - യുഎഇ എയര്‍ ഇന്ത്യ എക്‌സ്പ്രസ് സര്‍വിസുകള്‍ പുനഃസ്ഥാപിക്കുന്നു

A media seminar and digital media launch are being organized as part of the first anniversary celebrations of Gulf Suprabhatham. The extensive program will be held at the Al Nasr Leisure Land Auditorium in Oud Metha, Dubai from 4 pm on November 2. The Samastha 100th anniversary campaign inaugural meeting will also be held in connection with this. Senior leaders of Samastha, including members of the Kendra Mushavara will participate