കുവൈത്ത് സിറ്റി: ജസീറ എയര്‍വേയ്‌സ് അവരുടെ നെറ്റ്‌വര്‍ക്കിലെ വിവിധ ഡെസ്റ്റിനേഷനുകളിലേക്കുള്ള വിമാന ടിക്കറ്റുകള്‍ക്ക് പ്രഖ്യാപിച്ച ഓഫര്‍ കാലാവധി ഇന്ന് അവസാനിക്കും. 72 മണിക്കൂര്‍ മാത്രം നീണ്ടുനില്‍ക്കുന്ന സ്‌പെഷ്യല്‍ ഓഫര്‍ കാംപയിന്‍ ആണ് ഇന്ന് അവസാനിക്കുന്നത്. ഓഫര്‍ കാലയളവില്‍ 20 ശതമാനം ആണ് കമ്പനി ടിക്കറ്റുകള്‍ക്ക് ഇളവ് പ്രഖ്യാപിച്ചിരിക്കുന്നത്.

യാത്രക്കാര്‍ക്ക് വണ്‍വേ, റൗണ്ട് ട്രിപ്പ് നിരക്കുകളില്‍ 20% കിഴിവ്, സ്ത്രീകള്‍ക്കുള്ള സീറ്റ് തിരഞ്ഞെടുപ്പില്‍ 50% കിഴിവ് എന്നിവയാണ് വാഗ്ദാനം ചെയ്യുന്നു.

ഈ പരിമിതകാല ഓഫര്‍ J9SALE20 എന്ന പ്രൊമോ കോഡ് ഉപയോഗിച്ച് ജസീറ എയര്‍വേയ്‌സ് വെബ്‌സൈറ്റ്, മൊബൈല്‍ ആപ്പ്, കോള്‍ സെന്റര്‍ എന്നിവയിലൂടെ ലഭ്യമാക്കാവുന്നതാണ്. 

ഓഫറിന്റെ  വിശദാംശങ്ങള്‍:

അധിക സൗകര്യം: വെബ്‌സൈറ്റ് / ആപ്പ് വഴി ബുക്ക് ചെയ്യുന്നവര്‍ക്ക് അഞ്ചു കിലോ ഗ്രാം അധിക ചെക്ക്ഡ് ബാഗേജ് ഫ്രീ അലവന്‍സ് ലഭിക്കും.

യാത്രാ കാലയളവ്: 2025 നവംബര്‍ ഒന്ന് മുതല്‍ ഡിസംബര്‍ 17 വരെ.

സീറ്റ് ലഭ്യത: സീറ്റുകളുടെ ലഭ്യതയ്ക്ക് അനുസരിച്ചായിരിക്കും ബുക്കിംഗ്.

ബുക്ക് ചെയ്യേണ്ട വിധം

ബുക്കിങ്ങുകള്‍ക്കും കൂടുതല്‍ വിവരങ്ങള്‍ക്കും ജസീറ എയര്‍വേയ്‌സ് വെബ്‌സൈറ്റായ www.jazeeraairways.com സന്ദര്‍ശിക്കുക അല്ലെങ്കില്‍ 177 എന്ന നമ്പറില്‍ വിളിക്കുക.

ALSO READ: ഇന്ത്യ-യു.എസ് വ്യാപാര കരാര്‍ അന്തിമഘട്ടത്തിലേക്ക്; യു.എസിന്റെ അധിക തീരുവയില്‍ വന്‍ ഇളവ് പ്രഖ്യാപിച്ചേക്കും

Jazeera Airways announces 20% off all one way and round trip flights and get an extra 5KG of baggage weight for free – add it manually on the Travel Extras page to avail