ദുബൈ: ദുബൈ ഫിറ്റ്നസ് ചലഞ്ച് (DFC) ഈ ശനിയാഴ്ച, (നവംബർ 1) വീണ്ടും ആരംഭിക്കുകയാണ്. ദുബൈ റൺ, ദുബൈ റൈഡ് എന്നിവയാണ് ഏറ്റവും പ്രതീക്ഷയോടെ കാത്തിരിക്കുന്ന പരിപാടികളെങ്കിലും, നഗരത്തിലെ മൂന്ന് സൗജന്യ ഫിറ്റ്നസ് വില്ലേജുകളുടെ തിരിച്ചുവരവാണ് മറ്റൊരു പ്രധാന സംഭവം. നവംബർ മാസം മുഴുവൻ ഈ വില്ലേജുകളിൽ എല്ലാ പ്രായക്കാർക്കും സൗജന്യ വർക്ക്ഔട്ട് സെഷനുകൾ, ക്ലാസുകൾ എന്നിവ ഒരുക്കിയിട്ടുണ്ട്. സൗജന്യ പ്രവേശനവും വിപുലമായ വ്യായാമ സെഷനുകളും വാഗ്ദാനം ചെയ്യുന്ന ഈ ഫിറ്റ്നസ് വില്ലേജുകൾ, ചെലവില്ലാതെ ആരോഗ്യകരമായ ഒരു ജീവിതശൈലിക്ക് തുടക്കമിടാൻ അവസരം നൽകുന്നു.

എങ്ങനെ പങ്കെടുക്കാം

പങ്കെടുക്കുന്നതിനായി, സന്ദർശകർ ദുബൈ ഫിറ്റ്നസ് ചലഞ്ച് ബുക്കിംഗ് വെബ്സൈറ്റായ booking.dubaifitnesschallenge.com വഴി മുൻകൂട്ടി ഓൺലൈനായി രജിസ്റ്റർ ചെയ്യണം. 

യോഗ, മാറ്റ് പൈലേറ്റ്സ് മുതൽ ഹൈ-ഇന്റൻസിറ്റി ട്രെയിനിംഗ് (HIIT), പാഡൽ മത്സരങ്ങൾ വരെ ഈ പ്ലാറ്റ്ഫോമിൽ ലഭ്യമാണ്. പങ്കെടുക്കുന്നവർക്ക് തങ്ങൾക്കിഷ്ടപ്പെട്ട ക്ലാസുകളിൽ സ്ഥാനം ഉറപ്പിക്കാം. അല്ലെങ്കിൽ, ഫുട്ബോൾ, വോളിബോൾ, ക്രിക്കറ്റ്, പാഡൽ എന്നിവയ്ക്കായി പ്രൈവറ്റ് കോർട്ടുകൾ സൗജന്യമായി ബുക്ക് ചെയ്യാം. ആദ്യം വരുന്നവർക്ക് ആദ്യം എന്ന രീതിയിലായിരിക്കും ബുക്കിംഗ്.

ALSO READ: പ്രകൃതിസ്നേഹികളുടെ പ്രിയപ്പെട്ട ഇടം: അൽ-ജഹ്‌റ നേച്ചർ റിസർവ് നവംബർ 9ന് വീണ്ടും തുറക്കും

1. ഡിപി വേൾഡ് 30×30 ഫിറ്റ്നസ് വില്ലേജ്, കൈറ്റ് ബീച്ച് (നവംബർ 1–30)‌

ദുബൈയിലെ ഏറ്റവും വലിയ ഫിറ്റ്നസ് വില്ലേജായാണ് കൈറ്റ് ബീച്ചിലെ ഡിപി വേൾഡ് വില്ലേജ് അറിയപ്പെടുന്നത്. ബീച്ച് സ്പോർട്സ്, ഗ്രൂപ്പ് ക്ലാസുകൾ, കായികക്ഷമത അറിയാനുള്ള അവസരങ്ങൾ എന്നിവ ഉൾപ്പെടെയുള്ള വിപുലമായ പരിപാടികളാണ് ഇവിടെ ഒരുക്കിയിരിക്കുന്നത്.

പ്രധാന ആകർഷണങ്ങൾ: ബീച്ച് സോക്കർ, ബാസ്കറ്റ്ബോൾ, ക്രിക്കറ്റ്, ബീച്ച് വോളിബോൾ, പാഡൽ ടെന്നീസ്, ഒബ്സ്റ്റക്കിൾ കോഴ്സുകൾ, ബോക്സിംഗ്, HIIT വർക്ക്ഔട്ടുകൾ, യോഗ.

ബുക്ക് ചെയ്യാവുന്ന കോർട്ടുകൾ: പാഡൽ കോർട്ടുകൾ, വോളിബോൾ കോർട്ടുകൾ, ക്രിക്കറ്റ് അരീന, സ്പോർട്സ് കോർട്ടുകൾ (5-എ-സൈഡ് ഫുട്ബോൾ, ബാസ്കറ്റ്ബോൾ).

പ്രവർത്തന സമയം:

തിങ്കൾ മുതൽ വെള്ളി വരെ: വൈകുന്നേരം 3 മണി മുതൽ രാത്രി 11 മണി വരെ.

ശനി, ഞായർ: രാവിലെ 7 മണി മുതൽ രാത്രി 11 മണി വരെ.

2. ദുബൈ മുനിസിപ്പാലിറ്റി 30×30 ഫിറ്റ്നസ് വില്ലേജ്, സബീൽ പാർക്ക് (നവംബർ 1–30)

തുടക്കക്കാർക്കും ഫിറ്റ്നസ് പ്രേമികൾക്കും ഒരുപോലെ അനുയോജ്യമായ വിവിധ ഫിറ്റ്നസ് സോണുകളും ആക്ടിവിറ്റികളും സബീൽ പാർക്ക് ഫിറ്റ്നസ് വില്ലേജ് വാഗ്ദാനം ചെയ്യുന്നു.

പ്രധാന ആകർഷണങ്ങൾ: പ്രധാന വേദിയിൽ പ്രതിദിന ഗ്രൂപ്പ് ക്ലാസുകൾ, കിഡ്സ് ഫിറ്റ്നസ് സോൺ, സ്പിന്നിംഗ് സോൺ, ബോക്സ്ഡ് സോൺ, ജിം.

ബുക്ക് ചെയ്യാവുന്ന കോർട്ടുകൾ: ക്രിക്കറ്റ് സോൺ, പാഡൽ കോർട്ട്, ബാസ്കറ്റ്ബോൾ കോർട്ട്.

പ്രവർത്തന സമയം: എല്ലാ ദിവസവും വൈകുന്നേരം 4 മണി മുതൽ രാത്രി 11 മണി വരെ.

ALSO READ: ഇന്ത്യന്‍ രൂപ ഈ മാസത്തെ ഏറ്റവും വലിയ ഇടിവില്‍; രൂപയും മറ്റു കറന്‍സികളും തമ്മിലുള്ള ഇന്നത്തെ വിനിമയ നിരക്ക് ഇങ്ങനെ | Indian Rupee on 2025 October 30

3. ദുബൈ മുനിസിപ്പാലിറ്റി 30×30 ഫിറ്റ്നസ് വില്ലേജ്, അൽ വർഖാ പാർക്ക് (നവംബർ 1–30)

അൽ വർഖാ പാർക്കിലെ ഈ ഫിറ്റ്നസ് വില്ലേജ് കുടുംബങ്ങൾക്കും ഔട്ട്ഡോർ പ്രേമികൾക്കും പ്രിയപ്പെട്ടതാണ്. 2.8 കിലോമീറ്റർ നീളമുള്ള റണ്ണിം​ഗ്, സൈക്ലിം​ഗ് ട്രാക്കാണ് ഇവിടുത്തെ പ്രധാന ആകർഷണം.

പ്രധാന ആകർഷണങ്ങൾ: പ്രതിദിന ക്ലാസുകളുള്ള പ്രധാന വേദി, 75 സൈക്കിളുകളുള്ള സൈക്കിൾ റെന്റൽ ഹബ്, കിഡ്സ് ഫിറ്റ്നസ് സോൺ, സ്ത്രീകൾക്ക് മാത്രമുള്ള സോൺ, ജിം, റണ്ണിംഗ് ക്ലബ്.

ബുക്ക് ചെയ്യാവുന്ന കോർട്ടുകൾ: പാഡൽ കോർട്ട്, വോളിബോൾ കോർട്ട്, ഫുട്ബോൾ കോർട്ടുകൾ, ബാസ്കറ്റ്ബോൾ കോർട്ട്.

പ്രവർത്തന സമയം: എല്ലാ ദിവസവും വൈകുന്നേരം 4 മണി മുതൽ രാത്രി 11 മണി വരെ.

The Dubai Fitness Challenge (DFC) is back, kicking off this Saturday, November 1, with a month-long celebration of fitness, wellness, and community spirit. The ninth edition of DFC promises an unparalleled calendar of free fitness experiences designed for all ages and abilities.