ദുബൈ: വലിയൊരു ജീവകാരുണ്യ പദ്ധതി പ്രഖ്യാപിച്ചിരിക്കുകയാണ് യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം. മുഹമ്മദ് ബിൻ റാഷിദ് അൽ മക്തൂം ഗ്ലോബൽ ഇനിഷ്യേറ്റീവ്‌സിന് കീഴിൽ 4.7 ബില്യൺ മൂല്യമുള്ള ഒരു എൻഡോവ്‌മെന്റ് ആണ് പ്രഖ്യാപിച്ചിരിക്കുന്നത്. 

ഇതൊരു സ്ഥിരം ജീവകാരുണ്യ പദ്ധതിയാണെന്നും ഇതിൽ നിന്നുള്ള വരുമാനം ലോകമെമ്പാടുമുള്ള ആരോഗ്യ-വിദ്യാഭ്യാസ പദ്ധതികളെ സഹായിക്കാൻ ഉപയോഗിക്കുമെന്നും ഷെയ്ഖ് മുഹമ്മദ് എക്സിൽ കുറിച്ചു. 

ALSO READ: നാല് വർഷം ജോലി ചെയ്ത ജീവനക്കാരനെ അകാരണമായി പിരിച്ചുവിട്ടു, ആനുകൂല്യങ്ങൾ നൽകിയില്ല; കുടിശ്ശികയിനത്തിൽ 2,22,605 ദിർഹം ജീവനക്കാരന് നൽകാൻ‌ ഉത്തരവിട്ട് അബൂദബി കോടതി

എൻഡോവ്‌മെന്റ് പദ്ധതിയിൽ ഉൾപ്പെടുന്നവ

• ഈ പുതിയ ഡിസ്ട്രിക്റ്റിൽ താഴെ പറയുന്ന സൗകര്യങ്ങൾ ഉണ്ടാകും:
• പ്രതിവർഷം 90,000 രോഗികളെ ചികിത്സിക്കാൻ ശേഷിയുള്ള ആശുപത്രി.
• ഒരു മെഡിക്കൽ യൂണിവേഴ്സിറ്റി.
• 5,000-ൽ അധികം വിദ്യാർഥികൾക്ക് പഠിക്കാൻ സൗകര്യമുള്ള സ്കൂളുകൾ.
• 2,000 യൂണിറ്റുകളുള്ള താമസ്ഥലങ്ങൾ.
• ഒരു ബൊളിവാർഡ്, ചാരിറ്റബിൾ കൊമേഴ്‌സ്യൽ ഷോപ്പുകൾ തുടങ്ങിയവയും ഉണ്ടാകും. 

ഈ പദ്ധതിക്ക് സംഭാവന നൽകിയവരിൽ പ്രധാനികളായ അസീസി ഡെവലപ്‌മെന്റ്‌സ്, മറ്റ് പങ്കാളികൾ തുടങ്ങിയവർക്കെല്ലാം ഷെയ്ഖ് മുഹമ്മദ് നന്ദി രേഖപ്പെടുത്തി.

അതേസമയം, ഇന്നലെ യുഎഇയിലെ വോളണ്ടിയറിംഗ് പ്രവർത്തനങ്ങൾ ശക്തിപ്പെടുത്താനും ലാഭേച്ഛയില്ലാതെ പ്രവർത്തിക്കുന്ന സ്ഥാപനങ്ങളെ സഹായിക്കാനുമായി ഷെയ്ഖ് മുഹമ്മദ് 'വോളണ്ടിയറിംഗ് ആൻഡ് കമ്മ്യൂണിറ്റി എൻഗേജ്‌മെന്റ് ഇക്കോസിസ്റ്റം' എന്ന സംരംഭം ആരംഭിച്ചിരുന്നു. രാജ്യത്തെ വോളണ്ടിയർമാരുടെ എണ്ണം 6,00,000 ആയി ഉയർത്താനാണ് പദ്ധതി ലക്ഷ്യമിടുന്നത്. ഇതിനായി 100 മില്യൺ ദിർഹം ഫണ്ടും അനുവദിച്ചിട്ടുണ്ട്. 

The UAE Vice President and Prime Minister, Sheikh Mohammed bin Rashid Al Maktoum, has launched a significant charitable initiative with a substantial endowment of $1.28 billion (4.7 billion AED). This effort aims to support disadvantaged families and individuals, aligning with the UAE's commitment to humanitarian causes.