ബെംഗളൂരു: എറണാകുളം- ബംഗളുരു വന്ദേഭാരത് എക്‌സ്പ്രസ് സര്‍വീസ് തുടങ്ങുന്നതിന് മുന്നോടിയായി ട്രയല്‍ റണ്‍ നടത്തി. രാവിലെ പാലക്കാട് ജങ്ഷന്‍ റെയില്‍വേ സ്റ്റേഷനിലെ മൂന്നാം പ്ലാറ്റ്‌ഫോമിലാണ് തീവണ്ടിയെത്തിയത്. എട്ട് കോച്ചുകളുള്ള റേക്കാണ് ട്രയല്‍ റണ്‍ നടത്തിയത്.

പ്രധാനമന്ത്രി നരേന്ദ്രമോദി നാളെ വാരണാസിയില്‍ വച്ച് സര്‍വീസ് ഓണ്‍ലൈനായി ഉദ്ഘാടനം ചെയ്യും.രാവിലെ 8 നാണ് ഉദ്ഘാടന ചടങ്ങ്. 8 മണിക്കൂര്‍ 40 മിനിറ്റുകൊണ്ട് ഓടിയെത്തുന്ന വന്ദേ ഭാരത് ഈ റൂട്ടിലെ ഏറ്റവും വേഗമേറിയ ട്രെയിന്‍ ആണ്. ബുധനാഴ്ചകളില്‍ സര്‍വീസ് ഉണ്ടാകില്ല.

സമയക്രമം ഇങ്ങനെ: കെ എസ് ആര്‍ ബംഗളൂരുവില്‍ നിന്ന് ട്രെയിന്‍ രാവിലെ 5.10 ന് പുറപ്പെടും. ഉച്ചയ്ക്ക് 1.50 ന് എറണാകുളത്തെത്തും. 2.20 ന് മടക്കയാത്ര ആരംഭിക്കുന്ന ട്രെയിന്‍ രാത്രി 11 ന് ബംഗളൂരുവിലെത്തും.

ALSO READ: സ്വര്‍ണ വിലയില്‍ ഇന്ന് ഇടിവ്; പവന് 400 രൂപ കുറഞ്ഞു, ചാഞ്ചാട്ടം തുടരുമ്പോള്‍ എന്ത് ചെയ്യണം 

കൃഷ്ണരാജപുരം, സേലം, ഈറോഡ്, തിരുപ്പൂര്‍ , കോയമ്പത്തൂര്‍, പാലക്കാട്, തൃശൂര്‍ എന്നിവിടങ്ങളില്‍ സ്റ്റോപ്പുകളുണ്ട്.ഈ റൂട്ടില്‍ വന്ദേ ഭാരത് സ്ലീപ്പര്‍ ട്രെയിനിനായും ആവശ്യമുയരുന്നുണ്ട്.

അതേസമയം, വന്ദേഭാരത് പരീക്ഷണയോട്ടം കാരണം വ്യാഴാഴ്ച ചെന്നൈ- എഗ്മോര്‍മംഗളൂരു എക്‌സ്പ്രസ് 25 മിനിറ്റ് വൈകിയാണ് ഓടിയത്. 11.10ന് പാലക്കാട് ജങ്ഷന്‍ റെയില്‍വേ സ്റ്റേഷനിലെത്തേണ്ട ട്രെയിന്‍ 11.35 നാണ് എത്തിയത്. 

കഴിഞ്ഞ വര്‍ഷം ബംഗളുരുവില്‍ നിന്ന് എറണാകുളത്തേക്ക് വന്ദേഭാരത് എക്‌സ്പ്രസ് സ്‌പെഷ്യല്‍ സര്‍വീസ് അനുവദിച്ചിരുന്നു. 2024 ജൂലൈ 31 ന് ആരംഭിച്ച സര്‍വീസ് ഓഗസ്റ്റ് 26 ന് അവസാനിപ്പിച്ചു. 

The Bengaluru–Ernakulam Vande Bharat Express successfully completed its trial run ahead of the official inauguration scheduled for tomorrow. The train, consisting of eight coaches, arrived at Palakkad Junction as part of the trial. Prime Minister Narendra Modi will inaugurate the service online from Varanasi at 8 AM.