ഷാർജ: പ്ലാസ്റ്റിക് വെള്ളക്കുപ്പികൾ വാഹനങ്ങൾക്കുള്ളിൽ ഉപേക്ഷിക്കരുതെന്ന് മുന്നറിയിപ്പ് നൽകി ഷാർജ സിവിൽ ഡിഫൻസ്. കാലിയാണെങ്കിൽ പോലും അവ തീപിടുത്തത്തിന് കാരണമാകുമെന്നതിനാലാണ് മുന്നറിയിപ്പ് നൽകിയിരിക്കുന്നത്. 

തീപിടിക്കാൻ സാധ്യത: എങ്ങനെ?

ഇൻസ്റ്റാഗ്രാമിൽ പങ്കുവെച്ച പോസ്റ്റിൽ അധികൃതർ ഇത് എങ്ങനെ സംഭവിക്കുമെന്ന് വിശദീകരിച്ചു.

പ്ലാസ്റ്റിക് കുപ്പിയിലൂടെ കടന്നുവരുന്ന സൂര്യപ്രകാശം, ഒരു ലെൻസ് പോലെ പ്രവർത്തിച്ച്, ചൂടിനെ ഒരു പ്രത്യേക സ്ഥലത്തേക്ക് കേന്ദ്രീകരിക്കും. ഈ ചൂട് കാർ സീറ്റുകളിലോ മറ്റ് എളുപ്പം തീപിടിക്കുന്ന വസ്തുക്കളിലോ തട്ടുമ്പോൾ തീ കത്താൻ സാധ്യതയുണ്ട്.

ALSO READ: ആരാധനാലയങ്ങൾക്ക് ലോകമാതൃക: ലോകത്തിലെ ആദ്യ 'LEED സീറോ കാർബൺ' സർട്ടിഫിക്കറ്റ് നേടി ഹത്തയിലെ അൽ റയ്യാൻ മസ്ജിദ്

സുരക്ഷ ആരംഭിക്കുന്നത് അവബോധത്തിലൂടെയാണെന്ന് പോസ്റ്റ് വ്യക്തമാക്കുന്നു. അതിനാൽ, വാഹനം നേരിട്ട് വെയിൽ ഏൽക്കുന്ന സ്ഥലങ്ങളിൽ പാർക്ക് ചെയ്യുമ്പോൾ കുപ്പികളും മറ്റ് സുതാര്യമായ വസ്തുക്കളും കാറിൽ നിന്ന് എടുത്തുമാറ്റണമെന്ന് സിവിൽ ഡിഫൻസ് വാഹന ഉടമകളോട് ആവശ്യപ്പെട്ടു. 

അടിയന്തര സാഹചര്യങ്ങളിൽ സഹായത്തിനായി 997 എന്ന നമ്പറിൽ ബന്ധപ്പെടണമെന്നും ഷാർജ സിവിൽ ഡിഫൻസ് താമസക്കാരെ ഓർമ്മിപ്പിച്ചു.

Sharjah Civil Defence has cautioned against leaving plastic water bottles inside vehicles, citing fire hazards, even if the bottles are empty. The warning aims to prevent potential risks and ensure public safety.