തിരുവനന്തപുരം: ബിഹാറില്‍ ജയിച്ചത് എന്‍.ഡി.എ അല്ല തെരഞ്ഞെടുപ്പ് കമ്മിഷനാണെന്ന് മുതിര്‍ന്ന കോണ്‍ഗ്രസ് നേതാവ് രമേശ് ചെന്നിത്തല മാധ്യമപ്രവര്‍ത്തകരോട് പറഞ്ഞു. ഇന്ത്യയില്‍ ജനാധിപത്യം അപകടത്തിലാണെന്ന കാര്യം എല്ലാവരും ആലോചിക്കണം. മഹാരാഷ്ട്രയിലും ഹരിയാനയിലും നടന്നത് തന്നെ ബിഹാറിലും നടന്നു.ഇത് എല്ലാ പാര്‍ട്ടികളും ആലോചിക്കണം. പി.എം ശ്രീ വിഷയത്തില്‍ എല്‍.ഡി.എഫില്‍ അന്തഛിദ്രം രൂക്ഷമാണെന്നും യു.ഡി.എഫ് ഒറ്റക്കെട്ടാണെന്നും രമേശ് ചെന്നിത്തല വ്യക്തമാക്കി.ജനങ്ങള്‍ കേരളത്തില്‍ രാഷ്ട്രീയമാറ്റം ആഗ്രഹിക്കുന്നു. അതിനുള്ള നാന്ദി കുറിക്കലാണ് തദ്ദേശ തെരഞ്ഞെടുപ്പെന്നും രമേശ് ചെന്നിത്തല പറഞ്ഞു.

ശബരിമല സ്വര്‍ണക്കൊള്ളയില്‍ എത്ര ദേവസ്വം ബോര്‍ഡ് പ്രസിഡന്റുമാര്‍ ഇനി അറസ്റ്റിലാകുമെന്ന് കാണാം. കോടതി ഇടപെടല്‍ മൂലം വലിയ മീനുകളെല്ലാം പിടിയിലാകുന്നു. എന്‍. വാസു സി.പി.എമ്മിന്റെ പ്രധാന നേതാവാണ്. ഹാജരാകാന്‍ ആവശ്യപ്പെടുമ്പോള്‍ എല്ലാം പത്മകുമാറിന് അവധി വേണം. പത്മകുമാറില്‍ അറസ്റ്റ് അവസാനിക്കില്ലെന്നും രമേശ് ചെന്നിത്തല പറഞ്ഞു.

English summary: Senior Congress leader Ramesh Chennithala has alleged that it was not the NDA but the Election Commission that “won” the Bihar elections. Speaking to the media in Thiruvananthapuram, he said democracy in India is in danger and that what happened in Maharashtra and Haryana has now repeated in Bihar, something all parties should reflect upon.