റിയാദ്: സൗദി അറേബ്യയില്‍ കഴിഞ്ഞ ആഴ്ച നടത്തിയ അനധികൃത യാത്രകള്‍ക്കെതിരായ കര്‍ശന പരിശോധനയില്‍ 1,278 പേര്‍ അറസ്റ്റിലായി. ശനിയാഴ്ച മുതല്‍ വെള്ളിയാഴ്ച വരെ രാജ്യത്താകമാനമായി ട്രാന്‍സ്‌പോര്‍ട്ട് ജനറല്‍ അതോറിറ്റി(ടിജിഎ) മറ്റ് സര്‍ക്കാര്‍ ഏജന്‍സികളുമായി ചേര്‍ന്ന് നടത്തിയ പരിശോധനയിലാണ് അറസ്റ്റുകള്‍.

ടിജിഎയുടെ കണക്കുകള്‍ അനുസരിച്ച്, ലൈസന്‍സില്ലാത്ത 586 പേര്‍ തങ്ങളുടെ സ്വകാര്യ വാഹനങ്ങളില്‍ യാത്രക്കാരെ അനധികൃതമായി റെയ്ഡ് നടത്താന്‍ ശ്രമിക്കവെ പിടിയിലായി. കൂടാതെ 692 പേര്‍ ലൈസന്‍സ് ഇല്ലാതെ സ്വകാര്യ കാറുകളില്‍ യാത്രക്കാരെ കയറ്റി കൊണ്ടുപോകുന്നതിനിടയില്‍ അറസ്റ്റിലായി.
നിയമലംഘകര്‍ക്കെതിരെ വാഹനം പിടിച്ചെടുക്കല്‍, കനത്ത പിഴകള്‍ എന്നിവ ഉള്‍പ്പെടെ കര്‍ശന നടപടികള്‍ സ്വീകരിച്ചിട്ടുണ്ടെന്ന് അധികൃതര്‍ വ്യക്തമാക്കിയിട്ടുണ്ട്. യാത്രക്കാരുടെ സുരക്ഷയ്ക്കും യാത്ര സുഖകരമാക്കുന്നതിനുമുളള നടപടിയുടെ ഭാഗമാണിത്.
പുതിയ റോഡ് ട്രാന്‍സ്‌പോര്‍ട്ട് നിയമമനുസരിച്ച് ലൈസന്‍സ് ഇല്ലാതെ യാത്ര നടത്തുന്നത് കര്‍ശനമായി നിരോധിച്ചിരിക്കുകയാണ്. അനധികൃത യാത്രയ്ക്ക് മറ്റുളളവരെ നിര്‍ബന്ധിച്ചാല്‍ 11,000 സൗദി റിയാല്‍ വരെ പിഴയും വാഹനം 25 ദിവസം വരെ പിടിച്ചുവെക്കുകയും ചെയ്യും. എന്നാല്‍ ലൈസന്‍സില്ലാതെ യാത്ര നടത്തിയാല്‍ 20,000 സൗദി റിയാല്‍ വരെ പിഴയും വാഹനം 60 ദിവസം വരെ പിടിച്ചുവെക്കുകയും കുറ്റം ആവര്‍ത്തിച്ചാല്‍ വാഹനം പൊതു ലേലത്തില്‍ വിറ്റഴിക്കുകയും ചെയ്യുമെന്ന് ടിജിഎ വ്യക്തമാക്കി. വിദേശികള്‍ ഇത്തരം നിയമ ലംഘനങ്ങള്‍ ആവര്‍ത്തിച്ചാല്‍ നാടുകടത്തപ്പെടും. ഇത്തരം നിയമനടപടികളിലൂടെ യാത്രക്കാരുടെ സുരക്ഷയാണ് ലക്ഷ്യമിടുന്നതെന്ന് ട്രാന്‍സ്‌പോര്‍ട്ട് ജനറല്‍ അതോറിറ്റി(ടിജിഎ) അറിയിച്ചു.

ALSO READ: താരിഖ് അല്‍ സുവൈദാന്റെ പൗരത്വം റദ്ധാക്കി കുവൈത്ത്; ഒരേസമയം ബ്രദര്‍ഹുഡിനെ പിന്തുണയ്ക്കുകയും 'മോഡറേറ്റ് ഇസ്ലാമിസ്റ്റ്' എന്ന് യു.എസ് വിശേഷിപ്പിക്കുകയും ചെയ്ത സുവൈദാന്‍