ദോഹ: ഖത്തറും സഊദി അറേബ്യയും തമ്മിലുള്ള ഉഭയ കക്ഷി ബന്ധം ഊട്ടിയുറപ്പിക്കുന്നതിന്റെ ഭാഗമായി സഊദിയിലെ റിയാദിൽ നിന്ന് ദോഹയിലേക്കും തിരിച്ചും ബുള്ളറ്റ് ട്രെയിൻ ആരംഭിക്കുന്നതിനുള്ള പദ്ധതിയിൽ ഇരു രാജ്യങ്ങളും കരാർ ഒപ്പിട്ടു.

ആറു വർഷം കൊണ്ട് പൂർത്തീകരിക്കുമെന്ന് പ്രതീക്ഷിക്കുന്ന ബുള്ളറ്റ് ട്രെയിൻ പദ്ധതി റിയാദിലെ കിംഗ് സൽമാൻ ഇന്റർനാഷണൽ എയർപോർട്ടിൽ നിന്നും ആരംഭിച്ച് സഊദി നഗരങ്ങളായ അൽ ഹുഫൂഫ്, ദമ്മാം വഴി ഖത്തറിലെ ദോഹ ഇന്റർനാഷണൽ എയർപോർട്ടിൽ അവസാനിപ്പിക്കുന്ന വിധത്തിലാണ് യാത്ര ചെയ്യുക. മണിക്കൂറിൽ മുന്നൂറ്‌ കിലോ മീറ്റർ വേഗത്തിൽ ഓടുന്ന ബുള്ളറ്റ് ട്രെയിനിൽ ദോഹയിൽ നിന്നും റിയാദിലേക്ക് രണ്ടു മണിക്കൂർ മാത്രമാണ് യാത്രാ ദൈർഘ്യം.

ഖത്തർ അമീർ ശൈഖ് തമീം ബിൻ ഹമദ് അൽ ഥാനിയുടെ ചരിത്ര പ്രാധാന്യമുള്ള സഊദി സന്ദർശനത്തിലാണ് ഖത്തർ അമീറും സഊദി കിരീടാവകാശിയായ മുഹമ്മദ്‌ ബിൻ സൽമാനും ചേർന്ന് ബുള്ളറ്റ് ട്രെയിൻ പദ്ധതിക്കായുള്ള കരാറിൽ ഒപ്പ് വെച്ചത്. ഇരു രാജ്യങ്ങളും തമ്മിലുള്ള ബന്ധം വർധിപ്പിക്കുന്നതിനും ഖത്തറിന്റെയും സഊദിയുടെയും വിഷൻ 2030 ഭാഗമായ പദ്ധതികൾക്ക് പരസ്പരം സഹകരണം ഉറപ്പാക്കുന്നത് വരെയുള്ള പല തീരുമാനങ്ങളും ഖത്തർ അമീറിന്റെ സഊദി സന്ദർശനത്തിൽ കൈക്കൊണ്ടിട്ടുണ്ട്.

Saudi Arabia and Qatar have signed a formal agreement to construct high-speed rail connecting their capitals, the first project of its kind between the two Gulf states that were once deeply at odds.