മലപ്പുറം: തദ്ദേശ തെരഞ്ഞെടുപ്പിൽ മുസ് ലിം ലീഗിന് വർധിച്ചത് 713 സീറ്റ്. മുസ്‌ലിം ലീഗിന്റെ ചിഹ്നത്തിൽ  മത്സരിച്ച 2,844 സ്ഥാനാർഥികളാണ് ഇത്തവണ വിജയിച്ചത്. 2020ൽ 2131 പ്രതിനിധികളാണ് ലീഗിന് തദ്ദേശസ്ഥാപനങ്ങളിലുണ്ടായിരുന്നത്. കോർപറേഷൻ, ജില്ലാപഞ്ചായത്ത്, ഗ്രാമപഞ്ചായത്ത്, ബ്ലോക്ക് പഞ്ചായത്ത്, നഗരസഭ തുടങ്ങിയവയിലെല്ലാം ലീഗിന്റെ സീറ്റുകൾ വർധിച്ചു. ഗ്രാമപഞ്ചായത്തുകളിൽ മാത്രം 1980 സീറ്റുകളാണ് ലീഗ് നേടിയത്. ബ്ലോക്ക് പഞ്ചായത്തുകളിൽ 269 സീറ്റുകളും ജില്ലാപഞ്ചായത്തിൽ 51 സീറ്റുകളും നേടി. നഗരസഭകളിൽ 510 സീറ്റും കോർപറേഷനിൽ 34 സീറ്റും നേടി.

എൽ.ഡി.എഫിലെ സി.പി.എം ഒഴികെയുള്ള എല്ലാ ഘടകകക്ഷികളും ആകെ നേടിയ സീറ്റിന്റെ ഇരട്ടി സീറ്റുകൾ ലീഗിന് ലഭിച്ചു. സംസ്ഥാനത്തെ ഏറ്റവും ഉയർന്ന ഭൂരിപക്ഷത്തിൽ വിജയിച്ച അംഗങ്ങളും മുസ്‌ലിംലീഗിനാണ്. എൽ.ഡി.എഫിലെ രണ്ടാം കക്ഷിയായ സി.പി.ഐക്ക് 265 സീറ്റാണ് നഷ്ടമായത്.