കാലാവസ്ഥാ വ്യതിയാനം, ശരീരത്തില്‍ വെള്ളക്കുറവ്, അധിക ചൂട്, തണുപ്പ്, അല്ലെങ്കില്‍ ചില ശീലങ്ങള്‍-എന്നിവയെല്ലാം ചേരുമ്പോഴാണ് പലരിലും ചുണ്ടുകള്‍ വരണ്ടു പൊട്ടുന്ന പ്രശ്‌നം ഉണ്ടാകുന്നത്. ചുണ്ട് വരണ്ടാല്‍ പലരും അറിയാതെ തന്നെ നാവ് കൊണ്ട് നനയ്ക്കുന്ന ശീലം കാണാറുണ്ട്. എന്നാല്‍ ഇത് താല്‍ക്കാലിക ആശ്വാസം നല്‍കുമെങ്കിലും കുറേനാള്‍ കഴിഞ്ഞാല്‍ പ്രശ്‌നം കൂടുതല്‍ രൂക്ഷമാവുന്നതാണ്.

നാവിലെ ഉമിനീര്‍ ചുണ്ടില്‍ പതിഞ്ഞാല്‍ കുറച്ച് നിമിഷം നനവ് തോന്നും. എന്നാല്‍ ഉമിനീര്‍ വേഗത്തില്‍ വറ്റുമ്പോള്‍ ചുണ്ടിലെ സ്വാഭാവിക ഈര്‍പ്പം കൂടി നഷ്ടപ്പെടുന്നു. ഇതാണ് ചുണ്ട് കൂടുതല്‍ വരണ്ടതാക്കുകയും പൊട്ടലുകള്‍ വര്‍ധിപ്പിക്കുകയും ചെയ്യുന്നത്. കൂടാതെ നാവിലുള്ള എന്‍സൈമുകള്‍ ചുണ്ടിന്റെ ത്വക്കിന് അനുയോജ്യമല്ലാത്തതിനാല്‍ ചൊറിച്ചിലും വേദനയും ഉണ്ടാകാം.

ചുണ്ട് സംരക്ഷിക്കാന്‍ ഏറ്റവും നല്ലത് മതിയായ വെള്ളം കുടിക്കുന്നതാണ്. ശരീരത്തിനുള്ളിലെ ജലത്തിന്റെ അളവ് ശരിയായാല്‍ ചുണ്ടുകളും സ്വാഭാവികമായി ഈര്‍പ്പമുള്ളതായിരിക്കും. പുറമേ ലിപ് ബാം, തേന്‍, നെയ്യ്, വെളിച്ചെണ്ണ തുടങ്ങിയ പ്രകൃതിദത്ത മോയ്‌സ്ചറൈസറുകള്‍ ഉപയോഗിക്കുന്നതും നല്ലതാണ്. രാത്രി ഉറങ്ങാന്‍ മുമ്പ് ഇവ പുരട്ടിയാല്‍ മികച്ച ഫലം ലഭിക്കും.

 ALSO READ: നിര്‍ബന്ധമായും ഇവ കഴുകി മാത്രമേ  ഉപയോഗിക്കാവൂ.... കാരണം അറിഞ്ഞിരിക്കൂ

കൂടാതെ, അമിതമായി ചൂടുള്ള ഭക്ഷണം, മസാല കൂടുതലുള്ള ആഹാരം, പുകവലി എന്നിവ ഒഴിവാക്കുന്നതും ചുണ്ടുകളുടെ ആരോഗ്യത്തിന് സഹായകരമാണ്. പുറത്തുപോകുമ്പോള്‍ നേരിട്ട് കാറ്റും സൂര്യപ്രകാശവും ഏല്‍ക്കുന്നത് കുറയ്ക്കാനും ശ്രദ്ധിക്കണം.

ചുണ്ടുകള്‍ വരണ്ടു പൊട്ടുമ്പോള്‍ നാവ് കൊണ്ട് നനയ്ക്കുന്ന ശീലം ഒഴിവാക്കി ശരിയായ പരിചരണം നല്‍കിയാല്‍, ചുണ്ടുകള്‍ വീണ്ടും മൃദുവും ആരോഗ്യകരവുമായി മാറും. ചെറിയ ശീലങ്ങള്‍ തന്നെയാണ് പലപ്പോഴും വലിയ ആശ്വാസം നല്‍കുന്നത്.

Dry and cracked lips are commonly caused by weather changes, dehydration, extreme heat or cold, and certain daily habits. Many people instinctively lick their lips when they feel dry, but this only provides temporary relief and actually worsens the problem over time. Saliva evaporates quickly, stripping away the lips’ natural moisture and making them drier and more prone to cracking. Enzymes in saliva can also irritate the delicate skin of the lips, leading to soreness and discomfort. Staying well hydrated, using natural moisturisers like lip balm, honey, ghee, or coconut oil—especially before bedtime—and avoiding very spicy foods, smoking, and excessive sun or wind exposure can help keep lips soft, healthy, and protected.