ന്യൂഡൽഹി: വരാനിരിക്കുന്ന നിയമസഭാ തെരഞ്ഞെടുപ്പുകൾക്കായി സ്ഥാനാർഥി നിർണ്ണയ നടപടികൾ വേഗത്തിലാക്കി കോൺഗ്രസ്. കേരളം ഉൾപ്പെടെ അഞ്ച് സംസ്ഥാനങ്ങളിലേക്കുള്ള സ്ക്രീനിങ് കമ്മിറ്റികളെ എഐസിസി പ്രഖ്യാപിച്ചു. മുതിർന്ന നേതാവ് മധുസൂദൻ മിസ്രിയാണ് കേരളത്തിലെ സ്ക്രീനിങ് കമ്മിറ്റി ചെയർമാൻ. കേരളത്തിന് പുറമെ അസം, തമിഴ്നാട്, പുതുച്ചേരി, പശ്ചിമ ബംഗാൾ എന്നീ സംസ്ഥാനങ്ങളിലെ കമ്മിറ്റികളെയും ഹൈക്കമാൻഡ് പ്രഖ്യാപിച്ചിട്ടുണ്ട്. സ്ഥാനാർഥി നിർണ്ണയത്തിലെ തർക്കങ്ങൾ ഒഴിവാക്കി തെരഞ്ഞെടുപ്പ് പ്രഖ്യാപനത്തിന് മുന്നോടിയായി പട്ടിക തയ്യാറാക്കുകയാണ് ലക്ഷ്യം.

കേരളത്തിലെ സമിതിയും അംഗങ്ങളും

കേരളത്തിലെ സ്ക്രീനിങ് കമ്മിറ്റിയിൽ ചെയർമാൻ മധുസൂദൻ മിസ്രിക്ക് പുറമെ മൂന്ന് അംഗങ്ങൾ കൂടിയുണ്ട്. 

ഡോ. സൈദ് നസീർ ഹുസൈൻ എംപി, നീരജ് ഡാംഗി, അഭിഷേക് ദത്ത് എന്നിവരാണ് മറ്റു അം​ഗങ്ങൾ.

മറ്റ് സംസ്ഥാനങ്ങളിലെ ചുമതലകൾ

അസം: പ്രിയങ്ക ഗാന്ധി (ചെയർപേഴ്സൺ)

തമിഴ്നാട്, പുതുച്ചേരി: ടി.എസ്. സിങ് ദിയോ (ചെയർമാൻ)

പശ്ചിമ ബംഗാൾ: ബി.കെ. ഹരിപ്രസാദ് (ചെയർമാൻ)

സ്ഥാനാർഥി നിർണ്ണയത്തിന് രണ്ട് ഘട്ട പ്ലാൻ

തെരഞ്ഞെടുപ്പിനായി രണ്ടുഘട്ടങ്ങളിലായുള്ള കർമ്മ പദ്ധതിയാണ് കോൺഗ്രസ് ലക്ഷ്യമിടുന്നത്.

ഒന്നാം ഘട്ടം: ഫെബ്രുവരി ആദ്യ ആഴ്ചയ്ക്കുള്ളിൽ കേരളത്തിലെ പകുതിയോളം (70 ഓളം) സീറ്റുകളിൽ സ്ഥാനാർത്ഥി ധാരണയുണ്ടാക്കും. തെരഞ്ഞെടുപ്പ് പ്രഖ്യാപനത്തിന് മുൻപ് തന്നെ മുഴുവൻ സ്ഥാനാർത്ഥികളെയും നിശ്ചയിക്കും.

രണ്ടാം ഘട്ടം: തെരഞ്ഞെടുപ്പ് വിജ്ഞാപനം വരുന്നതോടെ പ്രചാരണ പരിപാടികളിലേക്ക് പൂർണ്ണമായും കടക്കും.

ഇതുസംബന്ധിച്ച വിശദമായ കർമ്മപദ്ധതി നാളെ സുൽത്താൻ ബത്തേരിയിൽ ചേരുന്ന കോൺഗ്രസ് നേതൃയോഗത്തിൽ അവതരിപ്പിക്കും. നിലവിലെ സാഹചര്യത്തിൽ ഗ്രൂപ്പ് സമവാക്യങ്ങൾക്കപ്പുറം വിജയസാധ്യതയ്ക്ക് മുൻതൂക്കം നൽകിയാകും സ്ഥാനാർഥി പട്ടിക തയ്യാറാക്കുകയെന്നാണ് സൂചന.

Ahead of the 2026 Assembly elections, the All India Congress Committee (AICC) has fast-tracked its candidate selection process by forming screening committees for five states, including Kerala. Madhusudan Mistry has been appointed as the Chairman of the Kerala Screening Committee. The party aims to finalize a primary list of candidates for nearly 70 seats by the first week of February to avoid internal disputes and focus on early campaigning. Notably, Priyanka Gandhi Vadra will head the screening panel for Assam.