ധാക്ക: ധാക്കയില്‍ ഫാക്ടറിക്ക് തീപ്പിടിച്ച് 15 പേര്‍ മരിച്ചു. ഗാസിപുരിലുള്ള പാക്കേജിങ് ഫാക്ടറിക്കാണ് തീപ്പിടിച്ചത്. പുലര്‍ച്ചെയുണ്ടായ തീപ്പിടുത്തത്തില്‍ 15 പേര്‍ മരിക്കുകയും എഴുപതോളം പേര്‍ക്ക് പരുക്കേല്‍ക്കുകയും മരണ നിരക്ക് ഉയരാന്‍ സാധ്യതയുള്ളതായും അധികൃതര്‍ അറിയിച്ചു.

വ്യാവസായിക മേഖലയായ ടോങ്ങിയിലുള്ള താംപാക്കോ ഫോയില്‍ ലിമിറ്റഡില്‍ പുലര്‍ച്ചെ ആറോടെയാണ് തീപിടുത്തമുണ്ടായത്. ഫാക്ടറിയിലെ ബോയിലര്‍ ഉഗ്രശബ്ദത്തോടെ പൊട്ടിത്തെറിക്കുക്കുകയും കെട്ടിടത്തിന് തീപിടിക്കുകയുമായിരുന്നു. വിവരം അറിഞ്ഞെത്തിയ അഗ്നിശമനസേനാ ഉദ്യോഗസ്ഥരും സ്ഥലവാസികളുടേയും ശ്രമഫലമായാണ് തീയണയ്ക്കാന്‍ സാധിച്ചത്. ഏഴു പേര്‍ സംഭവസ്ഥലത്തുതന്നെ മരിച്ചു. പൊള്ളലേറ്റവരെ ധാക്കയിലെ മെഡിക്കല്‍ കോളജ് ആശുപത്രിയിലും നഗരത്തിലെ സ്വകാര്യ ആശുപത്രിയിലും പ്രവേശിപ്പിച്ചു.