പാലമ്പൂര്‍: ഗുജറാത്തില്‍ ഗുരുതര അസുഖം ബാധിച്ച് ആറു കുട്ടികള്‍ മരിച്ചു. പതിനൊന്നു വയസില്‍ താഴെയുള്ള കുട്ടികളാണ് മരിച്ചത്.



ഗംഗു, കുനിയ വില്ലേജില്‍നിന്നുള്ള കുട്ടികളെയാണ് തൊണ്ടയില്‍ അണുബാധയും കഠിനമായ പനിയും മൂലം സമീപത്തെ സര്‍ക്കാര്‍ ആശുപത്രിയില്‍ പ്രവേശിപ്പിച്ചത്.


എന്നാല്‍ അല്‍പസമയത്തിനകം കുട്ടികള്‍ ബോധരഹിതരാകുകയും മരണമടയുകയുമായിരുന്നു.



കുട്ടികള്‍ക്ക് ബാധിച്ച രോഗമെന്താണെന്ന് ഡോക്ടര്‍മാര്‍ക്ക് തിരിച്ചറിയാനായിട്ടില്ല.



കുട്ടികളുടെ രക്ത സ്ംപിളുകള്‍ വിദഗ്ധ പരിശോധനയ്ക്കായി അയച്ചിട്ടുണ്ടെന്ന് കലക്ടര്‍ അറിയിച്ചു.



മരിച്ച കുട്ടികളുടെ വീടുകള്‍ ആരോഗ്യമന്ത്രി  സന്ദര്‍ശിച്ചു.


ഒരു സംഘം ഡോക്ടര്‍മാര്‍ അസുഖത്തെ കുറിച്ചു പഠിക്കുന്നതിനായി ഗ്രാമത്തില്‍ ക്യാംപ് ചെയ്യുന്നുണ്ട്.


രോഗം വ്യാപിക്കുന്നതു തടയാന്‍ എല്ലാവിധ മുന്‍കരുതലുകളും എടുത്തിട്ടുണ്ടെന്ന് ജില്ലാ മെഡിക്കല്‍ ഓഫിസര്‍ അറിയിച്ചു.