പാലക്കാട്: സെക്കന്ദരാബാദ് ഡിവിഷനിലെ കാസിപ്പേട്ട് - ബൽഹർഷ സെക്ഷനിൽ മന്ദമരി സ്റ്റേഷനിലെ ട്രിപ്ലിങ് ജോലികളുമായി ബന്ധപ്പെട്ട പ്രീ-നോൺ ഇൻ്റർലോക്കിങ്, നോൺ ഇൻ്റർലോക്കിങ് എന്നീ അറ്റകുറ്റപ്പണികൾ നടക്കുന്നതിനാൽ ട്രെയിൻ സർവിസുകളിൽ മാറ്റങ്ങൾ വരുത്തിയതായി ദക്ഷിണ മധ്യ റെയിൽവേ അറിയിച്ചു.

റദ്ദാക്കിയ ട്രെയിൻ സർവീസുകൾ

തിരുവനന്തപുരം നോർത്ത് - ഗൊരഖ്പൂർ രപ്തിസാഗർ സൂപ്പർഫാസ്റ്റ് എക്സ്പ്രസ്(12512)  ഫെബ്രുവരി 10, 11  ദിവസങ്ങളിൽ സർവിസ് നടത്തില്ല. ഗൊരഖ്പൂർ - തിരുവനന്തപുരം നോർത്ത്  രപ്തിസാഗർ സൂപ്പർഫാസ്റ്റ് എക്സ്പ്രസ്(12511) ഫെബ്രുവരി 12, 13 ദിവസങ്ങളിലും സർവിസ് നടത്തില്ല.

9ന് പുറപ്പെടുന്ന ബറൂണി - എറണാകുളം രപ്തിസാഗർ സൂപ്പർഫാസ്റ്റ് എക്സ്പ്രസും (12521), 13ന്  പുറപ്പെടുന്ന എറണാകുളം - ബറൂണി രപ്തിസാഗർ സൂപ്പർഫാസ്റ്റ് എക്സ്പ്രസും (12522) സർവിസ് റദ്ദാക്കിയിട്ടുണ്ട്.
തിരുവനന്തപുരം നോർത്തിൽ നിന്ന് പുറപ്പെടുന്ന കോർബ സൂപ്പർഫാസ്റ്റ് എക്സ്പ്രസ്(22648) ഫെബ്രുവരി    26, 29, 02, 05, 09, 12 ദിവസങ്ങളിൽ സർവിസ് ഉണ്ടായിരിക്കുന്നതല്ല.

വഴിതിരിച്ചു വിടുന്ന ട്രെയിനുകൾ

ഫെബ്രുവരി 9ന് ഇൻഡോറിൽ നിന്നും പുറപ്പെടുന്ന ഇൻഡോ - തിരുവനന്തപുരം എക്സ്പ്രസ് (22645) പിംപാൽകുട്ടി, മുദ്ഖേഡ്, നിസാമാബാദ്, മൗല അലി, കാസിപ്പേട്ട്, വിജയവാഡ വഴിയാകും സർവിസ് നടത്തുക. 
ഫെബ്രുവരി 7ന്  തിരുവനന്തപുരത്തുനിന്നും പുറപ്പെടുന്ന തിരുവനന്തപുരം- ഇൻഡോ എക്സ്പ്രസ് ( 22646) വിജയവാഡ, കാസിപ്പേട്ട്, മൗല അലി, നിസാമാബാദ്, മുദ്ഖേഡ്, പിംപാൽ കുട്ടി വഴി തിരിച്ചുവിടും. 

തിരുവനന്തപുരം - ഗൊരഖ്പൂർ രപ്തി സാഗർ(12512) ഈ മാസം 27,28 നും, ഫെബ്രുവരി 1,3 ദിവസങ്ങളിലും വിജയവാഡ, കാസിപ്പേട്ട്, മൗല അലി, നന്ദേഡ്, പൂർണ, അക്കോള, ഭുസാവൽ ഇറ്റാർസി വഴിയാകും സർവിസ് നടത്തുക.