കണ്ണൂര്‍: ടി.പി ചന്ദ്രശേഖരന്‍ വധക്കേസിലെ പ്രതിക്ക് വീണ്ടും പരോള്‍. ഒന്നാം പ്രതി എം.സി അനൂപിനാണ് പരോള്‍ അനുവദിച്ചത്. 20 ദിവസത്തേക്കാണ് പരോള്‍. നിലവില്‍ കണ്ണൂര്‍ സെന്‍ട്രല്‍ ജയിലിലാണ് അനൂപ് ഇപ്പോള്‍. സ്വാഭാവിക പരോള്‍ എന്നാണ് ജയില്‍ അധികൃതര്‍ നല്‍കുന്ന വിശദീകരണം.

ടി.പി ചന്ദ്രശേഖരന്‍ വധക്കേസ് പ്രതികള്‍ക്ക് ലഭിച്ച എല്ലാ പരോളിനെക്കുറിച്ചും അന്വേഷിക്കേണ്ടതുണ്ടെന്ന് രണ്ടാഴ്ച്ച മുന്‍പ് ഹൈക്കോടതി ആവശ്യപ്പെട്ടിരുന്നു. ഈ കേസിലെ പ്രതികള്‍ക്ക് മാത്രം എന്താണിത്ര പ്രത്യേകതയെന്നും കോടതി ചോദിച്ചിരുന്നു. ഇതിന് പിന്നാലെയാണ് ഇതേ കേസിലെ ഒന്നാം പ്രതിയെ തന്നെ പരോളില്‍ പുറത്തിറക്കുന്നത്. 

അതേസമയം, ടി.പി കേസിലെ പ്രതിയായ ജ്യോതിബാബുവിന്റെ ഭാര്യ പി.ജി സ്മിത നല്‍കിയ ജാമ്യാപേക്ഷ സുപ്രിംകോടതി ഇന്ന് പരിഗണിക്കും. ജസ്റ്റിസ് എം.എം സുന്ദരേഷ് അധ്യക്ഷനായ ബെഞ്ചാണ് ഹരജി പരിഗണിക്കുന്നത്. 

ബന്ധുവിന്റെ മരണത്തെത്തുടര്‍ന്ന് ആചാരപരമായ ചടങ്ങുകള്‍ക്കായി ഭര്‍ത്താവിന് 10 ദിവസത്തെ പരോള്‍ അനുവദിക്കണമെന്നായിരുന്നു ഹരജിയിലെ ആവശ്യം.

The first accused in the TP Chandrasekharan murder case, MC Anoop, has been granted 20 days of parole while serving his sentence at Kannur Central Jail. Prison authorities stated that the leave was granted as a routine parole. The development comes weeks after the Kerala High Court questioned the frequent parole granted to convicts in the case and sought a detailed inquiry.